04-12-24, 03:51 PM
| #1 | |||||||||
 
| 
أمواج : : هاجت امواج البحور السبع في كاس الغبينه ..............................حين صبّتها هموم الوقت قال اللي شربها مابقى فالريح روح ولا هدوء ولا سكينه .................................غادرت عني مداركها وغادرني سببها غارقٍٍ فالقاع نبضي مالقى فزعة عوينه ...........................في زوابع ترمي افكاري على ساقت عجبها كل ما عاينت مينا لاح، ماعندي سفينه ...............................جيت سابح مير حظي فالأماني ماغلبها حال من دون الرجا ياسي ويا مطول سنينه ..............................كل ما اخفيت المواجع قام بجْنوده قلبها الخطا جداً خطاي وغلطة الشاطر سمينه .............................واحده منها بعشره تنحسب للي حسبها كيف اسلّم قلبي الي ماعرف معنى حنينه ..............................والحروف الي قراها ماعرف منهو كتبها كيف احط احلامي العذرى سجينه في يدينه .......................وألتمس معنى السعاده كيف عند الي سلبها ليت قلبه في شعوره يشبه لعوده ولينه ...........................ليت خلي في وصاله فك روحي من نشبها مير عيّا من غروره لا يسلمني يمينه ..........................شبّ ناره فالضلوع العوج وضلوعي حطبها ما رأف في حال منهو بالحيا يقطر جبينه .............................كل شعبه فالمكارم من وفا نفسه خطبها عرَّض القلب المدافع والسكاكين السنينه ..............................لين عاينت السوالف يلتفت يمي شَغَبها هيض العذال ضدي واحرج النفس الحزينه .............................كل عاذل ينثر اهروجه على منهو سهبها يجلبون الظن جلب الظين ماهم موكدينه ..................................حايرين ودايرين بدايره ضايع رجبها هم يقولون العواذل قول يامكثر رطينه ............................مير انا ماني بضاعه في يدين اللي جلبها لو يموت الحاسد الي لاثغا تسمع ونينه ...........................ماحسبت لثورته يومي على نفسه عتبها لوجرح بالرمح كبده لوطرف بالعود عينه .................................غايتي وياك يبطي فالمهامه ماقضبها ماجذبني في بساتين الهوى ياكود تينه ............................ومادعاني صوب واحات النخيل الا رطبها ماشغل قلبي وفكري فالقصيد الاَّ ضنينه ............................مشعل النيران جوفي ويتدفى من لهبها وآه ياكنّي اشوفه يرفع حجاجه جبينه ........................يبتسم في عجب، نفسه حايزه مني طلبها من يغوص السبع لجل النادره يلقى الثمينه .........................ولا انا السبع البحور الغامره حلقي شربها مواسي. 1445/10/3هـ | |||||||||
 |
| مواقع النشر (المفضلة) |
| |
 | أصدقاء منتدى مسك الغلا | | |||||
28Likes
