05-16-24, 08:22 AM
| #1 | |||||||||||||||
   
| 
╗◄هل نحن جيل فاشل ؟؟؟►╔
كثيراً مانسمع في هذه الأيام من أناس كثيرين وخاصةً كبار السن أن الزمان قد تغير ولم يعد كما كان عليه في السابق .. يا ريت أيام زمان ترجع .. كانوا الناس إخوان وأحباب وكل شي كان له طعم .. كثيراً ما نسمع نبرات الإحباط في مجالس الكبار ويرون أن هذا الجيل لا يصلح (لتحمل المسؤولية) وأن زماننا في كل أطرافه زمان لا يصلح للمعيشة وأنه زمن الإتكال على الغير وإنتشار المحرمات وضيق العيش ... الـخ نسمعهم يتحسّرون على أيامهم الماضية ويصفوننا ويصفون زماننا بأمور غريبة فهل نظرتهم صحيحة أم أنها جائرة ؟؟ ولـمـاذا ؟؟ وهل هم دوماً محقّين فيما يذهبون إليه ؟؟ وهل يخلوا عصرنا من كل شيء جميل لهذه الدرجة التي يرونها ؟؟ | |||||||||||||||
 |
|
05-24-24, 08:57 PM
| #2 | |||||||||||||
 
| 
في كل زمن سلبيات وإيجابيات واجد ان هذا العصر مشكلته الحقيقية في النظرة المادية وهذا طبيعي نتيجة تأثر الثقافة ونمط الحياة بـ الشعوب المحيطة اصبحت القوة المالية هي من تحكم اغلب العلاقات مع بعض الضبابية في تطبيق التعاليم الدينية بالنسبة لـ العقود السابقة ان السلطة الدينية والقبلية تحكم المشهد لذلك كانت الامور تظهر بسلاسة رغم الكبت وعدم الرضا طرح جميل همس المشاعر | |||||||||||||
| |
|
05-24-24, 09:03 PM
| #3 | ||||||||||||||
   يونان
|
مرحبا أخي انا حجاوب علي سؤالك من عنوان موضوعك هل نحن جيل فاشل ؟؟ أكيد لأ مش جيل فاشل والمقارنة بين زمان ودلوقتي مقارنة ظالمة زمان كانت الناس قليلة والفرص كثيرة حاليا الناس كثيرة والفرص قليلة وحتي لو كانت حاليا الفرص كتيرة ف هي مكلفة جدااا حديك مثال زمان في مصر كانوا بيبخروا الشقق علشان تتباع من كثرتها وكانت مساحتها يجري فيها الخيل زي ما بيقولوا دلوقتي اقل شقة ب نص مليون وفي منطقة متوسطة مش وااااو ولو وصلت ل ثمانين متر يبقي تبوس ايدك وش وضهر ^ قيس علي كده أمور كتيرة جدا بين الماضي والحاضر الشاب بيحاول يلاقي نفسه لكن مع الأسف بيواجه بتعجيز كبير جداا بسبب الظروف تقدر تقولي الشباب اللي بيتخرج من الجامعات دلوقتي بيشتغل ايه ؟؟ انا حقولك أولا الدولة وقفة التوظيف وده معناه انه حيشتغل في قطاع خاص وما ادراك ما القطاع الخاص عارف مرتبات القطاع الخاص كام مقابل عدد ساعات العمل ؟؟ يوم ما يقول انا بقبض كويس حياخد خمسة او ستة الآلاف جنية وصاحب العمل حيطلع عينه بيهم انت شايف ان دول يبنوا مستقبل ؟؟ أكيد لأ أصلا هما حيضيعوا مصاريف وهو بطولة يعني علشان يكون أسرة يبقي يدينا ويديك الصحة وطولة العمر إلا لو حد من اهله ساعده وبرضه الموضوع مش حيكون من وسع الأهل من وجهة نظرهم الحاجة الوحيدة اللي تخليني أحكم عليك فيها انت فاشل والا مش فاشل هي الإنجاز انت أنجزت ايه ؟؟ انت عملت ايه علشان مستقبلك طب هو مش قادر . بيحاول بس مش قادر كل الظروف ضده مفيش عوامل تقدر تساعده انه يبني مستقبله وهو مطمئن لو فكر يرتبط الموضوع كبير جداا محتاج علي الأقل مليون جنية بين سعر شقة وتوضيب وتجهيزات وذهب وحفلة ولو فكر يسافر مش بالساهل .. الفرص صعبة والسفر نفسه مكلف برضه ده غير ان كل شيء حوالية عمال يغلا وكمان المجتمع مش راحمه إحباط × احباط الخلاصة .. الشباب مش فاشل الشباب مش لاقي الفرصة اللي تخليه يثبت وجوده والأهل الله يهديهم في منهم اللي بيقف في ضهر عياله بقدر الإمكان وفي منهم اللي يقدر بس شايل ايده ويقولك هو يعتمد علي نفسه ويبتدي من الصفر وفي أهالي دي بقي اللي وصلت ل ليفل الوحش عايزة عيالها يكونوا نسخة بالكربون منها في كل حاجة ولو العيال حبت تعترض بأدب علشان تحافظ علي شخصيتها ويقولوهم ان الزمن اتغير وان الظروف اختلفت وان عصركم غير عصرنا وفي فرق اجيال .. بيكونوا بالنسبة لاهاليهم عيال عاقة جاحده متستاهلش اي مساعده دول من وجهة نظري بتنطبق عليهم الآية الكريمة وَلَنْ تَرْضَى عَنْكَ الْيَهُودُ وَلا النَّصَارَى حَتَّى تَتَّبِعَ مِلَّتَهُمْ ^ يعني الأولاد مهما عملوا عمر ما أهاليهم حيرضوا عنهم يارب ما اكون خرجت عن صلب الموضوع . . | ||||||||||||||
|
التعديل الأخير تم بواسطة هيراا ; 05-24-24 الساعة 09:16 PM |
