جوآلكـ ... ماذآ يعني لكـ ؟

جوالى مااعرفه الا وقت نومى
^_^
ووسيلة اتصال نعرف وش اللى صاير فى الدنيا اللى برا .....خوش تعريف




- مسج وصلك ولآ تزآل تحفظ كلمآته .. ؟

والله هالمسج مستحيل انساه لانى متت ضحك وقتها عليه
فى كثير مسجات حافظتهم كلهم من كثر مااقرأ فى الرسايل اللى عندى بس خطر على بالى هذا
((لولى صدج انك انخطبتى ))
لانه هذه فى فترة من الفترات ماادرى منو بس مطلع هالاشاعه انى انخطبت




- آول شخص آرسلت له مسِج فـ حيـآتك .؟
اول مسج ...
اممممممممم
لماما قلت لها ترى الجوال مامعه ال usb اذا كنتوا قريبين من المحل ردوا عليه ويبيه وياك
ملحوظة : ماما شكرآ على الجوال مرة حلو وعاجبنى
((شفتوا الرومنسيه كيف فى البدايه هواش :eh_s(5): وبعدها شكرآ ))





- مآهي طَريقتكْ المفضلهْ فـِ التوآصلْ : ا لإتصال .. أم الإرسآل ؟

اذا كانت السالفه طويله او اسئله ماافهمها بالمسجات فااكيد بتكون وسيلة الاتصال افضل
اما فى الحالات العاديه فااضل المسجات اكثر لانها اقرب الى القلب






- اكثر شيء يحويه جوالك : صور / بلوتوثآت / رسآئل / ارقآم ..ولمآذا ..؟

صور ..لانى احب اصور اذا طلعنا رحلة واخوانى الصغار دايمآ اصورهم
ويحتوى على كل مالذ وطاب جوالى زين انه متحملنى من كثر الاشياء اللى فيه ^_^





- آربعة اعضآء من المنتدى تتمنى وجود ارقآمهم في جوآلكـ / وماذا ستطلق عليهم آلقآب وبكل صراحة .. والمسجات الي تخطرلك ترسلها ؟

1-العضو ....صائد الطرائد .......
اللقب.........اعز البشر .....

الرساله : الله يحفظك وانتبه على حالك وانت راجع من الدوام ولاتدوس البنزين بقوة لانى بزعل بعدها




2-العضو ........الجوهرة ...
اللقب........جوهرتى ......
الرساله.......حرام عليك تعبتينى على الصبح وانا قاعده ارد على مضوعج ملحوظة : بس ترا مرة استمتعت ^_^ .........




3-العضو .....الحلا .....
. اللقب........حلاتى ......
الرساله...........اموت فيج وفي اسلوبج المرح .ياحلاة المنتدى ....




4-العضو ....اسطورة ....
. اللقب........اسطورة بااسلوبها.....
.الرساله..............فديتج حبيبتى وترينى القهوة سويتها ((طبعآ هذه شفرة سريه هى تدرى فيها ))




ومسج ابى ارسله لكل اعضاء المنتدى ..

عساني افقد الدنيا ولافي يوم افقدكم
عساني اندفن واخلص ولا تخلص محبتكم
:خجل بنت::خجل بنت::خجل بنت:




- تقدر تعيش بدون جوالكـ ..؟

اى اقدر اعيش بدونه
واذا احتجت بااخذ جوال ماما او آختى ماكو مشكله
بس الاهم هو الانترنت مااقدر اعيش من غيره ...





- كم رسالة تصلكِ باليوم ..؟

فى الفترة الحاليه مايوصلنى ولا مسج لان خدمة الرسائل النصيه معطله عندنا




- كم جوال عندك ..؟

جوالين ...




- مآهي آنوآع المسجـآت التي تفضلهـآ .؟

مسجات تكون نهايتها قافيه ولايقه على بعضها البعض ...
ورسائل السوالف




- مآهو آخر مسج آرسلته ؟ ولمن ؟ ومـآهو محتوآه ؟

آخر مسج لحظة اشوف وش هو ..
امممممممممممممم..
طبعآ هو من فترة قديمه مرسلته من اول رمضان لانى كما قلت لانه الرسايل ماتشتغل عندنا
لخالى واقول فيه :
خالو صدج تقول بنروح باكر خلاص اجل بتلقانى اول وحده فى المطار ...




- مسجـآت تتشآئم منهـآ عند وصولهآ لـ جوآلك.؟

مسجات صديقاتى اللتى تكون فيها لهجة العتاب والحزن




الكل غير معصوم عن الغلط ..
- هل سبق وآن آرسلت مسج بـ الغلط لـ شخص مـآ .؟!

هههههههههههههههه
اى مرسله رصيد بالغلط عشان عكست الارقام وارتسل لشخص ثانى
وبعدها اتصل فينى الرقم انا رديت وقلت لها وش رايك شفتى شلون انا كريمه على اساس انها صديقتى الا يطلع لى صوت رجال
ويصير يقول لا خلاص برده لك الحين وانا اقول له خلاص ماكو داعى بعدها ارسله وارسل زياده عليه بعدها رديت له الزياده الا ويرسله من يديد فعرفت انه وييع ومو محترم لانى على نياتى وحسبته غلط فى الارسال وارسل زياده((بس دامه كريم اللهم زد وبارك وش اسوى له ))




- هل لكـ مقاطع خااصه لك
مثل صوتكـ أو مقاطع فيديو؟؟

جوالى كله صورى ومقاطع فيديو لى ..فديتنى بس:خجل بنت:
والباقى صور عائليه مااحب الصور العاديه فى جوالى




- هل تستخدم جوالكـ كـ وسيلة ترفيه ام كوسيلة اتصال فقط ؟

شوى كذا وشوى كذا




سهل / صعب .. عليكـ استبدال جوالكـ بغيرهـ ؟

لامستحيييل يكون امر سهل لانى بكون معتاده عليه وعلى طريقته
بس عادى التطوير شئ جميل ^_^




- بما ان رسايلك كثيره وش الرساله رقم 2 1و 3 و 10>
ومن صاحب الرسايل ..؟ اذا فيه احرااج لا ترد ....

رقم 3 : مبروك النقال حبيبتى ماشاء الله عليه حلو مثل صاحبته بس ها لاتنسينا من المسجات والكولات
من زوجة خالى ..



رقم 10 :
قليل في حقك اذا قلت انا اغليك

{كلمة غلا}

ماتنوصف الانسان [غالي]
لا الربع كافي ,,

ولا النصف يكفيك

انت الغلا كله
يابعد كل غالي,,

من صديقتى نهاوند ..




رقم 13 : الا لولى عيونى خلصتى دارستك او لا والله ماادرى وش فينى كل مااذااكر شئ بعدها بفترة بسيطه القى نفسى ناسيته وش رايك تجينى باكر ندرس مع بعض ؟؟؟
من صديقتى شهد




طبعآ انا اغلب مسجاتى من صديقاتى ...




- مـا هـو اسمكـ بالبلوتـوث حالـيـاً ؟

حاليآ اسم غريب لاااشوف احد يضحك
اسم بلوثوثى : زنقة زنقه
هههههههههههههههههههههه




- أخر صورة تم ألتقااطهاا من جوآلك ؟؟

آخر صورة من جوالى بتكون قبل تاريخ 27 / 5
لانه يوم عيد ميلادى وجاتنى فيه هديه كاميرا فااصور بها مو باالجوال ((طلعت برا الموضوع صح ))
المهم آخر صورة هى صورتى وانا قاعده فوق الدبابه ^_^




- آذكر لنـآ موقف طريف حدث بينك وبين جوآلكْ ..؟!
امممممممممم
هو موقف ماراح انساه طول حياتى وقتها كان مو مضحك كنت مصدومه بس الحين كل مااتذكره اضحك عليه
كنا فى السيارة فى الصبح وواخوانى يروحون لمدرسهم وانا اروح للجامعه وخالتى ماادرى وش خطر لها بتروح هى بعد للجامعه بس هى مو نفس جامعتى .
الا وماما بتحطها عند الجامعه قالت لها لاتدشين داخل بس خلينى على جنب الطريق وبعد ماوصلنا ماما صارت فى وسط الطريق مو فى الجنب ونزلت بسرعه وناظرت فينى وقالت لولى ركبى قدام وطبعآ لولى تموت فى الركبه قدام وهذه هى عادتى وطبعآ السيارات خلفنا وش كثرهم يستنوون فينا لين مانحرك ونروح الا وانا انزل سمعت صوت خبط على الارض مااهتميت وركبت قدام بعدها طالعت فى اخوانى الصغار فى الخلف وقلت لهم ترا جوالى طاح تحت عطه لى لانه وقتها كان جوالى فى حضنى وطاح منى اول ماقمت الا وصاروا يفتشون عنه مالقونه انا اخترعت شوى واغمى على قلت لماما وقفى وقفى بس هالمرة على جنب الطريق مو فى الوسط ونزلت وصرت ابحث عنه فى الخلف مالقيته بعدها قلت بروح اشوفه فى الطريق ((غباء مركز هى طريق سريعه وانا بدور الجوال )) وكان مطر وقتها ومرة برد وصرت ادور عليه فى الطريق واخذت جوال ماما وصرت ادق عليه الا واشوف شئ يشعل فى الطريق ورجال المرور اخذه بيده رحت له وقلت له هذا جوالى ترينه طاح منى وخلاص واخذته وطبعآ كان صدماته كل سيارات الشارع وصاير شريحه من كثر العفس عليه وحتى الفتح ماعاد ينفتح ومات الله يرحمه ولاعاد بغى يشتغل تعبت نفسى على الفاضـــــــى
((اكيد تقولون وش الطريف بالموضوع الطريف فى الموضوع انه منظرى فشله كل مااتذكره اضحك عليه
ملابسى مبلله مويه وبرد مرة وانا قاعده فى الطريق السريع امشى على جنب والدموع فى عينى واللى يمر بسيارته بيجنبى يطالعنى اكيد يقول فى نفسه وش الخبله هذه ....ههههههههههههههه




تقريبا اذكر لنا بعض اسماء الاشخاص والقابهم اللي فــ جوالك

انا مااحب اسمى بالالقاب عاده اسم الدلع
كصديقاتى : شهودى / بسمتى / مريومه ..




ولللوووووووولييش خلصت
استمتعت وانا ارد على اسئلتج قلبوو الجوهرة وترى على قلبى مثل العسل بس احب اتغشمر عليج ...
وان شاء الله مااكون طولت وثقلت عليكم ...
ومشكوورة على موضوعج الحلو واستضافتج لى

ودى
شيف المنتدى ((صدقت نفسها ))

loly