يا نفسي .. صار لك اللي صار ..

و اللي ضميته بجناحي طار ..

كسرت أجنحتي .. و مزقتها .. و نزعتها من عروقي ..

قلت له : خذها هديه .!!

أهم شي مابي أشوف الحزن بعيونك ..

مابي نبرة الألم بصوتك ..

أنا أنجرح بس أنت لا ..

أنا أنصدم بس أنت لا ..

هالعالم ذا كله بكفه .. و أنت بكفه ..

غلاي لك إرجحت به كل الموازين ..

يمكن أنت ما تفهمني زين ..

معقوله ما تدري إنك نور العين ..

طيب وين أروح .. طيب أشكي لمن ؟!! ..

مسكينه هالقلوب الطيبه ..

تعطي و تعطي و تعطي .. بس ما تاخذ ..

تحب وتحب وتحب .. بس ما تنتظر مقابل ..

أدري إنك تطير بأجنحتي ..

مو مهم ..

المهم إنك سعيد ..

حتى لو مع غيري رحت ..

حتى لو حبيت غيري..

حتى لو نسيتني .. و رميتني بكهف الزمن ..

المهم إنك سعيد .. ما أبي أشوف دموعك ..

ما أبي أشوف حزنك ..

المهم إن آخر دمعه مسحتها بيدي ..

ما أبي دموعك تجدد ..

روح .. طير بسما غيري .. المهم لا تتعذب ..

و اللحين لا تسألني من هو أخذ مكانك ..

لا تسألني منهو اللي بعدك سكن روحي ..

نسيت أعلمك ..

البقا بعمرك .. روحي ماتت ..

لا تلوم نفسك .. أدري إنك من ذبحني ..

مو مهم ..

الأهم أنت .

صدقني قربك صعب وفراقك أصعب
واحترت أنا مابين بعدك وقربك...

أن قلت أسيبك أذكر البعد وأتعب
وأن قلت أبصبر طال صبري ولعبك...

لو قلت أحبك قلتلي أنتا تلعب
وأنت قلت ألعب قلتلي وين حبك...

أحيان صادق وأغلب الوقت تكذب
وماعت أميز بين صدقك وكذبك...

أنجيت أنا مشتاق لك قلت مقرب
وأن غبت عنك قلت ياقو قلبك...

إذا تبعتك شرق أنتا تغرب
ولا جيت أبمشي غرب غيرت دربك...

أنا تعبت عناد وأنتا ماتتعب
ياخي بتهدم حبنا خاف ربك...

غريب طبعك بس ضعفي ترى أغرب
مع كل ماسويت للحين أحبك...

تركتني ياصاحبي من بعد صمت ياشين [[صمت القلب]] لاصرت غايب

تركتني ياصاحبي من بعد صمت
وياشين صمت القلب لا صرت غايب

ابعدت عني ومن بعادك تعلمت
إني وحيد وانت كل الحبايب

أسرفت في صدي وتدري تندمت
وعرفت من فرقاك معنى الصاعيب

ودي تسامحني إذا إنت آمنت
إن العفو يعطى لمن كان تايب

ازعلك والله والله حرمت
وشون ازعل قلب انا فيه ذايب

حاولت انا انساك والحين مارمت
ولقيت شوقي ينهمر ك سحايب

تعال يالغالي تراني تآلمت
من صدتك للهم انا ادفع ضرايب

لكن ليتك قبل صدك تكلمت
اقفيت في صمتك وشفت العجايب

اهـ رحلت وخليتني اعاني من بعدك ــــــ