مبروك .. جرحك كمل العام يا هيه - منتديات مسك الغلا

**دموع الورد** · 03-22-12, 07:10 AM

مبرووك .. جرحك كمل العام ياهيه ..
.................. وآنا اذووق النار .. وانت بسعآآده ..

غيري بغآآك .. وغيري اليوم بآغيه ..
.................. وان جيت كلي غيم / تبعد زيآده ..

الا على ذكره .. حبيبك عرفتيه ..؟
.................. اللي بدآلي ضم .. ذيك الوساده ..

نمتي على يمنآآه ..؟؟ الله يهنيه ..
.................. مآكنت أضن الغدر .. بالناس عآده

كيفه حبيبك .؟ زين .. ؟ ربي يخليه ..
.................. بآكر .. يصير الجرح ../ مسقط بلاده ..

ويصير شآعر يكتب .. الموت بيديه ..
.................. ويضيق.. لا من رآودته..( القلاده )..

ولا شم عطرك " سينما " مآخبرتيه ..!؟
.................. اللي على غيرك ..../ عديم الافاده ..

يستنشقه بأحسآس ... طفلٍ قتلتيه ..
.................. وامن السهر .. والليل .. يآخذ شهآده ..

كم كنت آقول اليوم .. بآروح وأشريه ..
.................. لكن أخاف العطر ..... يصبح قرآآده ..

واتذكرك .. وآآتيه.. وآآتيه ... وآتيه ..
.................. وجرحك .. مع الذكرا يزيد اجتهآده ..

اللي كتبته فوق .. يومك قريتيه ..
.................. ماحن قلبك ...؟ خآبره يآعناده ..

حتى لو انه حن .. (ماعاد يمديه ) ..
.................. قلب ٍ خسرته ../ يستحيل استعاده ..

لبيه .. يادرب المفآرق..... ولبيه ..
.................. يا لذة النسيان ..... ياليل ساده ..

اليوم مثل الامس .. والامس نآسيه ..
.................. فلم ٍ .. مؤثر .. مير...... مآبه إعاده ..

هذا كلام ٍ .. من ورا القلب .. حآكيه ..
.................. والصدق ../ خذها من خفوقي إفاده ..

هالشطر . لـ ابن فطيس .. يطري وأغنيه ..
.................. والجرح .. يطري فيه .. وبلا إرآده ..

(مآهو بكفو الوقت [ جرحك ]..يمحّيه..)
.................. دامه لـ قلبي... صاير الماء ... وزآدهـ

مآفيه بين " الحب والجرح " تشبيه ...
.................. غير انها .. تحرم عيونك ... رقآده ...

شف جرح غيرك ../ طعمه الوقت يمحيه
.................. اما انت جرحك غير ..( سكر زيآده ) ..

مما راق لي

المواضيع المتشابهه للموضوع : مبروك .. جرحك كمل العام يا هيه
الموضوع	كاتب الموضوع	المنتدى	مشاركات	آخر مشاركة
الف الف مبرؤك الالفية 18 والتالق لمدير العام	أنا الغلا	ملتقى تواصل الأعضاء - فعاليات - تهاني ومناسبات . . ◦●	23	09-05-13 12:50 PM
الف مبروك الاشراف العام للاخت ليــــاااان	صياد واحب اصطاد	ملتقى تواصل الأعضاء - فعاليات - تهاني ومناسبات . . ◦●	5	09-29-12 06:09 PM
قل لمن جرحك هذه الكلمات	صياد واحب اصطاد	خواطر عذب الكلام ( أنَّات الخواطر ) ••	2	09-23-12 03:42 PM
الف مبروك غيرك تحداني ورجع مكسور << الاشراف العام و لقيت روحي << الاشراف	ليان	ملتقى تواصل الأعضاء - فعاليات - تهاني ومناسبات . . ◦●	13	02-29-12 06:52 PM