لايـابـعـدهــم كـلــهــم يـاغـنــاتــي
 

لايـابـعـدهــم كـلــهــم يـاغـنــاتــي

كل عام وانت بخيـر وايامـك بخيـر
لايـابـعـدهــم كـلــهــم يـاغـنــاتــي
انت بحياتي شـي ثانـي عـن الغيـر
تقدر تقول : اجمل حدث في حياتي
انـت الفـرح انـت الوفـا والتباشيـر
انــت امنـيـه لا والله كــل امنيـاتـي
دايم افكر لـو خسرتـك وش يصيـر
وقــول دايــم جـعـل قبـلـه وفـاتــي
من قبل اعرفك ماحسبت المخاسير
واليوم شفنـي ماخسرتـك واحاتـي
اذا افترقنـا بطلبـك مطـلـب صغـيـر
لاتزورنـي بيـن النـعـاس ومبـاتـي

اخـاف لاجـونـي طيـوفـك مسايـيـر
قلـطـهـم قـلـبـي تـعـشـوا مـمـاتــي
ماقلت لـك طبـع الوجيـه المسافيـر
ماتغيـب وان غابـت ليالـي وتـاتـي

يعنـي اذا بتغيـب مـن غيـر تفكييـر
ترجـع قبـل لا ينكـسـر لــك ثبـاتـي
ولا اخذني معك مـن ويـن ماتسيـر
مدامـك الــدرب الطـويـل بجهـاتـي
لو نفترض اني وصلت السما طير
احـوم حومـة حـر والـريـح عـاتـي
المشـكـلـه انـــي بـلـيـاك مـاطـيــر
لانــك جنـاحـي للمطـيـر ونـجـاتـي
الطيحـه منـك تتـرك اسنيـن تأثـيـر
من قال لـك مـاراح تشمـت عداتـي
لا والله الا طيحـة الدلـو فـي البـيـر
ياكـبـرهـا مـنــك الـمـلــم شـتـاتــي
وص انت قلبك يذكر الحب بالخيـر
ولا انـــا والله لـقـضــب وصــاتــي
امانتك .. في داخلـك شوفنـي غيـر
وامانـتـي .. لقـربـك قـــرب ذاتـــي
مـن كثـرماخانـت غـلاك التعابـيـر
معاك احس اصدق كلامـي سكاتـي
لكـن تـعـال وخــل عـنـك المعـاذيـر
شفني شسوي وسو عقبي سواتي
ارفــع يـديـك لـمـن يــكتب المقـاديـر
وردد ورايـــه ماتـقـولـه شـفـاتــي
كل عام وانت بخيـر وايامـك بخيـر
وانـا معـاك اعـيـش بـاقـي حيـاتـي

:نبض::ورد::نبض:

...

مبدددع
ومتميز في طررحك
دائمااا
بانتظااار جديدك
تحياااتي
لك

شكرا لك على الطرح الرآإئع ..
كلك ذوق وبصمه مميزه .
لاعدمنا طرحك الرآئع
تحيه لك من القلب معطره..
ولك جزيل الشكر
على هذا التميز والأبدآع..

الله يعافيكِ ويسلمك ياالغلا
اسعدني تواجدكِ الجميل
تحياتي لكِ

:ورد::ورد:

الله يعافيكِ ويسلمك ياالغلا
اسعدني تواجدكِ الجميل
تحياتي لكِ

:ورد::ورد: