قصيدة للتذوق العام مساء الورد قصيدة مجلوبة متمنيا ان تجد القبول لديكم أنتم .. يا اصحاب الذوق الرفيع .. http://www.vb.eqla3.com/images/smilies/rose.gif إسمحي لي وابْسِطي راحة يمينك .......... وان خذلْتك جِعْلَها تقْطَع يديني ! يَشْهَد اللي عَزِّني باحلى سنينك .......... ما عطيتك من رخا .. لا تظْلميني ! نفْسي احْرِمْها ولا غيري يهينك .......... فِدْوِتِك روحي وْما تمْلك يميني . ! مِدِّي كْفوفك أبي لمْسة يدينك .......... من عطايا ربّك الخالق عطيني . ! واطْردي خوفك ورى صحْوة يقينك .......... ليتها تبْطي على شانك سنيني . ! قلْت [ احبك ] وانْهمر مكنون عينك .......... إرْتعش في داخلك قلب ٍ يبيني .. ! ذابت حْروفي على جمْرة حنينك .......... كيف ابسْلى وانتي دْموعي وعيني ؟ كنّك الدنيا وانا كنّي سجينك .......... كلّما يِطْلَق سراحي تسْجنيني . . ! إبْشري باللي مضى بيني وبينك .......... إنّي ارْوي بالوفا تربة حنيني ! واسْعدك جعْل السعد يسْكن جبينك .......... واكتب الزبده على صفحة جبيني ! إنّك اكبر واني بْكبْري رهينك .......... وانْ نويت اشْره عليك تْسامحيني ! إذكري دامي على الذكرى عوينك .......... يومك بنشْوة غرامي تجرحيني ! واسْمعي جرح ٍ برى ماقال وينك ؟ .......... وانتي جْروحك برَت من راحتيني ! غيرها كلمة ( حبيبي ) لو تدينك .......... وش يدينك وانتي اصلا تعشقيني ! وان سألْتك أرْتجي عطْفك ولينك .......... من على خطّ البدايات انتهيني ! :15: |
الله الله ما أروعهااااا من اابيااات كل الشكر لك على الإنتقاء الذووق ولا هنت يالحشيم .. |
لاندمتي .. شكرا على حضورك الجميل اختي لا عدمت هالوجه .. وعساك سالمه غانمه تحياتي وتقديري .. |
الساعة الآن 06:12 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا