منتديات مسك الغلا

 


موضوع مُغلق
 
LinkBack أدوات الموضوع انواع عرض الموضوع
قديم 03-23-14, 05:01 AM   #1
مشكلتي

الصورة الرمزية مشكلتي

آخر زيارة »  يوم أمس (07:45 AM)
يرحم امك ساعدني؟

 الأوسمة و جوائز

Icon N7 بنت عمي وتصرفاتها الي تقهر



السلام عليكم ورحمة الله وبركاته~
كتبت هناء عشان افضفض من شي مضايقني وصرت افكر كثير تعبت نفسيتي مره والمشكله انا حساسه وما عندي ثقه بنفسي .
نخش في المهم يا حلوين انا فتاة عمري 27 سنه غير متزوجه عندي بنت عمي عمرها 31 سنه تزوجت وطلقت ومعها ولدين بعدين تزوجت واحد وتوفى ومعها منه ولد انا صح انخطب كثير بس ماتم الحمد لله .كنت انا وبنت عمي زي الا خوات ونمون على بعض هي ماشاء الله جميله لاكن فيها غرور واحسها شايفه نفسها علي الحين بعد ما توفى زوجها ما شاء الله تقدم له واحد يعني بتتزوج للمره الثالثه ما شاء الله تغيرت صارت تتكبر علي وتقول يوه لو عرفو الناس اني بتزوج بينقهرون وبيحسدوني ودايم تستفزني با الكلام احسها تقلل من قدري وشايفه نفسها علي عشانها بتتزوج وانا لسى طيب الله يوفقها نصيبها .لا وكمان تدخل في لبسي وفي شعري ودايم تقولي ليش اخوك ماتزوج انا فيني مميزات مو فيها وهي فيها مميزات مو فيني بس ما توصل لدرجه انها تستفزني وتبي تشوف القهر على وجهي ودايم تقولي دريتي اني انخطبت كم مره تكررها علي .
وزواج اختي بعد شهر جت مسكتني قالت جمعو فلوس وابيك تلبسين فستان حلو وابيك تطلعين في زواج اختك ملكة جمال انقهرت لاني ما قدرت ارد عليها وش دخلها في لبسي وفي اناقتي والله والله ان لبسي وتسريحتي ومكياجي في زواجات كثيره انها روعه واني ذوق في البس وفي شكلي حتى انا فيني جمال وحلاوه بشكلي بس تقلل من قدري وتستفزني ليش وتدخل بلبسي وتقولي قصي شعرك انا شعري طويل وعاجبني كرهتها لا وتبي تحسسني وتحسس خواتها اني احسدها واغار منها .صرت ما اطيقها ونظراتها فيني نظرات غريبه حتى لما زرتهم في بيتهم تناظر فيني بنظرات صرت اخاف منها واذا شفتها يجيني خوف ودقات قلبي زايده واطلع من المكان الي تجلس فيه بسبب نظراتها .والحين بتجينا في بيتنا ومره خايفه منها اعوذبا الله مدري ليش ودقات قلبي تزيد كلامها يجرحني انهزت ثقتي بنفسي وصرت اشوف شكلي شينه .كيف اكون قويه وارد عليها وما خاف منها .وكل شوي تقولي واو لو تشوفين وحده مدحتني تقصد نفسها وتقولي عنها اني ملكة جمال ودايم الناس يمدحوني .
بتجينا في بيتنا وبتفتح معي الموضوع تدرين انه تقدم لي ناس كثير تدرين انهم بينقهرون عمتي وبناتها اذا تزوجت للمره الثالثه وبتقولي اهتمي بنفسك وقصي شعرك .
كيف اسكتها اذا قالت لي الكلام هذا ما ابيها تدخل بلبسي وبشكلي ابي اكون قويه واوقفها عند حدها .
والله ما انسى كلامها في زواجها الاول يوم قالت لي البسو فساتين حلوه لا تشرهونا كرهتها وسبحانه ربي صرت انا واختي اجمل من خواتها في زواجها وفي لبسنا~
ما ابي اكون ضعيفه ابي اوقفها عند حدها .
للعلم ما ينقصني شي وذوق في لبسي وفي كل شي .
اه نسيت شي لما كانت عندنا في بيتنا بنت عمي سوت كيكه والكيكه طلعت مو حلوه قالت لااختي اني انا الي سويتها وش يدل عليها حركاتها واستفزازها لي ~
تكفون يا اداره نزلو موضوعي بسرعه واكون شاكره لكم ~
وابي ردودكم يا بنات تكفون اختكم المجروحه



 


قديم 03-23-14, 07:54 PM   #2
آلمتفائله

الصورة الرمزية آلمتفائله

آخر زيارة »  01-11-19 (04:43 AM)
المكان »  السعوديه
الهوايه »  التصوير ^_^ + تنسيق الأثاث والديكورات
MMS ~

 الأوسمة و جوائز

افتراضي



تعوذي من ابليس يا اختي

يمكن لانك قريبه منها تفضفض لك انها انخطبت وانتي تحسستي

ولمن قالت البسو فساتين حلوه وخلوكم جميلات مو تستفزك

بس تبي لك الزين والخير وتبيك تنخطبييين

رجاء انتبهي لأفعالك واقوالك قبل لاتقولينها

ولاتظلمييينها وتتحسسين يعني وحده جربت الزواج ثلاث مرات وجربت مرارته
على ايش بتتكبر عليك ؟؟

بالنسبه لقصي شعرك هو مجرد اقتراح منها لك

اذا ماعجبك اقتراحها لاتسوينه منتي مجبره

وترا هالسوالف حتى تكون بين الأخوات غيري من لبسك قصي شعرك

استشوري شكلك بايخ كذا عدلي نفسسك .. يعني احسها تعاملك كأخت لها

هالكلام بين الاخوات دايم يصير وبما انكم تمونون على بعض احسه عادي

يعني مابي ازعلك بس اشوف انك ظالمتها في بعض المواقف

والشيطان شاطر يبي يفرق بينكم

وبالنسبه انها تمدح نفسها طبيعي كل بنت تبي تسوي نفسها جميله وتمدح بنفسها

انتي امدحي بنفسك سوي نفس تصرفها دريتي فلانه وفلانه انهبلو علي في زواجات او طلعات اي شي

قوليلها انه تتم خطبتك بس انتي ترفضين بمزاجك

حركة الكيكه بايخه لكن لمن تنصحك استشوري وطولي شعرك والبسو

احسها نصيحه حلوه مافيها شي يزعل بالعكس

فأعيدي النظر في نفسك وفي قلبك اولا قبل ماتحكمين عليها وتظلمينها في بعض المواقف

لأنك قلتي انك تمونين عليها وهي تمون عليك ومن زمان وانتو مع بعض

تحياتي لك ..


 

التعديل الأخير تم بواسطة آلمتفائله ; 03-23-14 الساعة 08:09 PM

قديم 03-23-14, 08:04 PM   #3
اللورد يحيا
إداري سابق ونجم من نجوم الموقع

الصورة الرمزية اللورد يحيا

آخر زيارة »  05-04-17 (09:43 PM)
الهوايه »  لعب الشطرنج ♔

 الأوسمة و جوائز

افتراضي



واضح يا أختي أن بنت عمك غيرانه وحاسدتك من شيء جميل فيك وربما تكون طيبت قلبك

من المفترض هذي العينه تفتخرين أمامها بأنك مازلتي بنت عزباء بعيده عن كل قيود الأمومه

وإذا تقدم لك شاب تثبتين لها إنك محبوبه وجميله حتى لو لم يكن هناك أي نصيب

وعليك أن تكوني واثقه في نفسك امامها لأنها بإسلوبها وبأفعالها معك تدل على دنائة أخلاقها رغم جمالها

- من إعتقادي الشخصي بعد إحترامي لجميع المطلقات هذي النوعية من الفتيات جمالها يعكس دنائة قلبها وتفكيرها لأنه يغش كل من تقدمو لها وأكبر دليل بأنها مطلقه سابقاً

اتمنى إني أفدتك


 
مواضيع : اللورد يحيا



قديم 03-23-14, 08:17 PM   #4
اعشقك بسكات

الصورة الرمزية اعشقك بسكات

آخر زيارة »  03-29-15 (05:29 PM)

 الأوسمة و جوائز

افتراضي



يمكن انتي حساسه شوي
لانك قلتي في البدايه انكم زي االاخوات وتمونون علئ بعض
لكل انسان مميزات هي فيها جمال وانتي فيك شي مميز
برايي بما انكم مثل الاخوات تقدرين تصارحينها بالاشيا اللي تزعجك منها او تطالبينها بتفسير تصرفاتها كل اللي قرأته انها قالت وسوت وانتي ماشفت لك رد عليها او تصرف تجاهها يمكن شافتك سلبيه في الحياه فحبت تنصحك بس اسلوبهاكان شوي غلط وجرحك فما في احلى من المصارحه يالغلا وعادي ماعجبك كلامها قولي لها مو عاجبني سواء من ناحيه قصه شعرك ولبسك عادي قولي مو استايلي اما بالنسبه انها تزوجت الزواج قسمه ونصيب وانتي تقدم لك خطاب يعني مرغوبه من الناس بس ما صار نصيب


 


موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه للموضوع : بنت عمي وتصرفاتها الي تقهر
الموضوع كاتب الموضوع المنتدى مشاركات آخر مشاركة
تريد تقهر المراه ؟ تآجر السعُاده قسم التسليه والترفيه عن النفس 12 12-19-15 11:44 PM
بنت عمي وتصرفاتها الي تقهر! مشكلتي همومنا ومشاكلنا وإحتياجاتنا الشخصيه ( مشكلتي ) 13 08-17-15 10:18 AM


| أصدقاء منتدى مسك الغلا |


الساعة الآن 02:43 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا