05-26-14, 04:37 PM
| #1 | |||||||||||
  
| 
مشكلتي اعاني منها من سنين ومالها حل  السلام عليكم ورحمه الله وبركاته انا اختكم جديده في المنتدى وهذي اول مشاركه لي بهذي العضويه واتمنى من الله ثم منكن المساعده والمشوره انا مشكلتي لها تقريبا 7او 8سنوات بدايه زوجي موظف طيران وبحكم الوظيفه يكلمونه بنات اشكال والوان وهنا المشكله متعوده يحجزون عندهتخلص شغلها خلاص ينتهي كل شئ الا واحده دخلت حياتنا من هذا الغرض وللحين متواصله معاه قبل الواتس كانت بينها وبينه رسائل نصيه ومكالمات وبتقولون شلون عرفتي بالرسائل والمكالمات لانه كان نايم مره من المرات وهذا الكلام بدايتها معاه وفتشت جواله لقيت رساله من وحده كان كلام عادي بس اكيد كل وحده منكم تعرف اسلوب الحرمه من الرجال تغير مزاجي وتعبت نفسيتي وصار يلاحقني يسالني وكنت ماارد عليه بس اعطيه نغزات وطبعا هو مافهم يحسب اني ماعندي دليل ودليلي غلطتي اني فتشت جواله وانا قابلت الغلط بالغلط وهو طبعا اعترف لي انها وحده بس كثيره سفريات والي بيني وبينها شغل والاعتراف هذا ماجاء الا بعد الشد والجذب ايام مره مرت علي الله لايعيدها خلاص احس اني تعودت عليها في حياتي حسبي الله ونعم الوكيل والحين طبعا جاء الدمار الشامل الواتس اب صار عندها اسهل تراقب تحركاته وتسولف معاه بالساعات على فكره زوجي طيب وحبوب وكريم ماشاءالله تبارك الله عندي وعند عياله ويوجعني قلبي اني اخليها له واعطيها في طبق من فضه المشكله يااخواتي الطيبات صارت صاعقه لي وهذا الي ماكنت منتظرته ولاهو بالحسبان كنت في يوم عرفه اجهز ملابسي انا وصغاري للسفر وكنت منشغله عن الجوال وماسمعت له صوت لما قربت اشيك على جوالي لقيت فيه مكالمه فائته لما شيكت رقم غريب وتعرفون الحين الاجهزه الذكيه نازل عليها برنامج يبحث لك اذا جاك رقم غريب عن اسمه وهنا الصدمه طلع اسمها بالكامل وبتقولون شلون عرفتي اسمها مره ناسي ايميله مفتوح وكنت بسكر الايميل لقيت رساله منها بتصبح عليه ولما لقيت رقمها طلع عندها واتس والله ماقدرت اواجهه او اقوله وماقدرت انغص على اصغاري سفرتهم وكظمت الغيظ في صدري الله يااجرني ياكريم وللحين مانتهت القصه ولما جيت من السفر قعدت فتره وكنت قاعده مع بنتي الكبيره نتقهوى ونسولف وكان عنده شفت بالليل وقمت اصلي العصر خلصت وقالت لي بنتي ماما دق جوالك بس مودقه كامله قلت في خاطري اكيد احد غلطان السواق لماشيكت لقيت اسمها برضو على جوالي ثاني هنا دارت فيني الدنيا وكثير التساؤلات في راسي وابغى اواجه موقادره وماابغى اعكر مزاج عيالي وبيتي اهدمه علشان وحده سافله مومتربيه وتساؤلات وتعب نفسي وتقريبا من شهر جاني رقم غريب ومكتوب عليه اسم وحده ونفس الدقه موكامله واخرها امس كنت طالعه مع زوجي وخليت جوالي في البيت وجاني نفس الرقم مره ثانيه هو الاخير التساؤلات الي في راسي وشلون اواجه والا اطنش الى متى وشلون اخذت رقمي وتعدت كثير حدودها وش الهدف منه انها تدق علي ااااااااااااااااه وربي صدري ثقيل ماابغى اخسره واخسر بيتي وعيالي  اذا احد عنده خبره يشور علي ولايتركني اختكم تعبانه لها سنين ربي يفرج لي ولكم وكل مهموملاتهملون رسالتي واخذوها بعين الاعتبار كل هذا وكاتمته في صدري واحس كل مالي اتعب وهي مبسوطه وتخرب حياتي الله يجزاكم كل خير   | |||||||||||
| |
|
05-26-14, 05:25 PM
| #2 | |||||||||||||||
  
| انا بصراحه عتبي كله علييك انتي عارفه بوظيفته وطبيعي دامه راعي طيران وسفر بيكون فيه بنات ورغم انك عارفه بوضعه الا انك وافقتي عليه وتزوجتيه تحملي طريقة شغله وتعامله مع البنات هذا اختياارك والحين تحملي شغله بدون مشاكل .. وكمان كله بيد زوجك الصراحه ماقدر افيدك بشي يعني حتى لو نصحتي زوجك بيقولك طيب وبامكانه يسوي اللي براسه بس مبين انه زوجك مو حق هالحركات وانتي شوفي رده ع البنات كيف ولاحظي اسلووبه بكل شي وينعرف الرجال من اسلوبه بالكلام وحركاته وكل بنت ابخص بزوجها واذا ماخبى عنك شي ابدا اعرفي انه ماله علاقه بين هالبنااات لان لو مايخبي عنك شي ويوريك المحادثات وكل شي فانه صادق وبيني وبينك لو زوجك فيه هالحركات مابيخلي جواله مفتوح بدون رمز سري او ايميله بتلقينه قافله ومهتم فيه مابيخلي كل شيء مفتوح لان بيخاف على عمايله يعني خففي وساوس وبطلي خوف وشك ولكن مايمنع انك تراقبيه وكمان ترا البنات مو سهلات حسبي الله عليهم والله اني كرهت حواء بالذات حقين الطيارات حتى المظيفات ملابسهم سخيفه ومتمكيجات ومتعطرات ومطولين اظافرهم وبدي كيرر وحركات وماتوقع زوجك حق هالحركات وتلقينه يالله يخلص شغله اصلا ماعنده وقت للراحه ولهالسوالف شغله كله تعب في تعب .. ومبين ترا انه البنت تبغى تتلزق وتخرب علاقتكم بس زوجك مو معطيها ووجه يعني لاتوترين بيتك ولاتوترين علاقتك بزوجك حافظي عليه واحرقي قلبها وحسني علاقتك بزوجك واهتمي فيه اكثرر حاولي تجذبينه لك واكسبيه قبل لاتاخذه عليك واخر شي احب اقوله اللي يخاف من ربه مابيقدر يسوي شي غلط الله يوفقك في حياتك ويقويك وربي يثبت زوجك ومايشوف غيرك ان شاء الله آلمتفائله .. | |||||||||||||||
|
التعديل الأخير تم بواسطة آلمتفائله ; 05-26-14 الساعة 05:41 PM |
|
05-26-14, 05:43 PM
| #3 | |||||||||||||
  
| نصيحتي لك انك تفتحين صوره البقره كل يوم قبل صلاة المغرب بشوي .. وتكثرين صدقات ... وانا مع اختي المتفائله بنقطه شوفي رد زوجك مع البنات إذا شفتيه معطيهم وجه فانصحك بجلسة مصارحه معااه اما إذا شفتيه عادي ومايهتم فانصحك تتركين عنك الوساويس لانها هي اللي بتهدم بيتك لاسمح الله ... والله يخليلك عائلتك لاهنتي | |||||||||||||
| |
|
05-27-14, 12:39 PM
| #4 | |||||||||||||
| إداري سابق ونجم من نجوم الموقع 
|
انا من رأيي ليس شرطاً يكون زوجك على علاقة خارجه عن نطاق العمل مع إحدى الفتيات لأن دائماً الزوجه تتشائم وتصطنع لنفسها الشك من أي إحتكاك لفتاه بزوجها وهذي بحد ذاتها تسمى ( غيره ) فأتمنى يا أختى تقطعين الشك باليقين وتصارحين زوجك بكل هدوء عن ماهي نوع العلاقة بينه وبين هذه الفتاه التي يعرفها ، ولابد تتقبلين الأمر حتى لو كذب عليك .. لأن إذا كان يكذب في إجاباته عليك سيكون أكثر بعداً عن هذا الطريق لأنه سيصبح على درايه بأنك أصبحتي معه في الواجهه وفي الأمر الواقع وفي قلب الحدث .. وتأكدي لا يوجد هناك رجل مسؤول عن زوجه وأطفال من صلبه يريد يهدم بيته ويشتت من فيه بعلاقة محرمه إلا إذا كان من النوع الغير مبالي .. أتمنى لك التوفيق | |||||||||||||
 |
|
05-29-14, 02:28 PM
| #5 | ||||||||||||
 
|
للاسف بعض بنات جنسك رغم أن هذا الرجل متزوج ولديه ابناء وبنات يتعمدون تلك الافعال الغلط الكبير احمله لزوجك وهذا إن ثبت أنه له علاقة بتلك الفتاة احيانا نوعية تلك الوظايف تحتم على الرجل أن يتكلم مع نساء اخريات وإن لم يضع الرجل حد صارم لتلك الامور ربما قد يقع في المحظور لابد من المواجهة والمصارحة والاعتراف له بكل شي اما الرقم من الافضل عدم الاتصال عليه لانه في النهاية انا احمل زوجك اكثر لااحمل المتصل وهذا إن ثبت أن هناك علاقة فعليكي بالمواجهة مع زوجك والمصارحة له والله يهدي بينكم | ||||||||||||
| |
