| |||||||
| :: تنويه :: |
| | LinkBack | أدوات الموضوع | انواع عرض الموضوع |
08-20-14, 03:57 AM
| #1 | ||||||||||||||
   ђurriçᾄn VæñüS
| 
ابتسم و أضحك ..... من اجل حياة افضل عمرك رحت للدكتور و كنت تعبان :6ت7: و بعد ما خلص كشف  راح ( حاطط إيده على كتفك ) و قال لك : يابني انت سليم , ما عندكش حاجة عضوية\ الألم اللي عندك ده ( نفسي ) !!  عموما لو ما حصلكش , فيه ناس تانية حصل لهم المهم يعني ,  عمرك سمعت عن مرض عضوي كان أصله نفسي ؟؟ أكيد سمعت .. طيب عمرك سمعت عن العكس ؟؟ إن وضعك العضوي ,المادي , الملموس ممكن يأثر على حالتك النفسية ؟؟ طبعا هتقول لي : إزاي ؟؟ هقول لك يا سيدي : ارجع بالكرسي اللي انت عليه لورا شوية .. اثني ظهرك .. ضع كوعك على رجلك .. ضع خدك على إيدك ..(وركز) انظر للأرض .. هاه .. عملت كده ولا لأ اذا عملت كده هاه حاسس بإيه دلوقتي ؟؟ أكيد افتكرت موقف وحش ,  أو مشكلة قديمة ( هفّت عليك ) أو جالك إحساس وحش أو .... إلخ, صح ؟؟  طيب دلوقتي نجرب حاجة تانية , رجع ظهرك لورا , افرد ظهرك , انظر لأعلى بزاوية 45 - و ما تسألش ليه :64: ارسم ابتسامة عريضة بشفايفك ..  ياعم ارسمها و خلاص هاه , جاهز ؟؟ دلوقتي افتكر أي موقف وحش في حياة جنابك الكئيبة ... لا لا , سيب الوضع و الابتسامة و كل حاجة زي ما هي, . . . لعملية مش نافعة , صح ؟؟ لييييييييييييييه ؟؟ لأن جسمك في وضع ( إيجابي ) , يعني في الوضع اللي عادة بيكون فيه بيفكر فيه تفكير إيجابي , فمش قادر يفكر تفكير سلبي , علشان كده هيئتك و وضعك المادي المحسوس ده ممكن جدا يأثر في حالتك النفسية , و فيه مقوله عاجباني جدا للإمام الشافعي بيقول فيها : ( من نظف ثوبه قلَّ همّه , و من طاب ريحه زاد عقله ) , تخيل نفسك كده ( واخد دُش ) و لابس (الحتة اللي على الحبل) و الهدوم مكوية و نظيفة و آخر تمام , و حاطط ريحة - للصبيان بس - و آخر جمال , تخيل نفسك في الوضع ده و شوف تفكيرك و تعاملك و حياتك هتكون إزاي ؟؟ و تخيل نفسك العكس برضه , أكيد أكيد وضع جسمك و هدومك و جلستك و مشيتك و ..... إلخ , كل الحاجات دي بتأثر على حالتك النفسية و على ( دماغ جنابك العالي ) , علشان كد لما تلاقي نفسك داخل على نوبة اكتئاب و لا حاجة , لازم ( تلبي نداء الطشت ) و تقوم تستحمى , و تلبس نظيف و تسرح شعرك و تحط ريحة و تظبط نفسك كده , أو على الأقل تعدل من طريقة جلوسك و تبص للسقف و تبتسم زي العبيط كده , و كله هيتظبط تظبيط ,  بس خلاص , رجع ظهرك لورا و إلزق ابتسامه على وشك , و شوف إن كنت هتعلّق ع الموضوع و لا هتقفل , و لا شوف انت رايح فين بالظبط . | ||||||||||||||
| |
| مواقع النشر (المفضلة) |
| أدوات الموضوع | |
| انواع عرض الموضوع | |
| |
المواضيع المتشابهه للموضوع : ابتسم و أضحك ..... من اجل حياة افضل | ||||
| الموضوع | كاتب الموضوع | المنتدى | مشاركات | آخر مشاركة |
| ابتسم ... | أوراق السنين | همس القوافي - شعر - قصائد •• | 2 | 06-22-16 05:44 AM |
| يا أخي أضحك أضحك وفللللها .................ههههههههههههههههههههههههاي | أميرللكلمة | قسم التسليه والترفيه عن النفس | 8 | 11-08-15 11:52 PM |
| ابتسم ابتسم ولا تحزن , | وردة الاطلس | علم النفس والبرمجة اللغوية العصبية وإدارة الذات •• | 6 | 10-16-14 11:15 PM |
| افضل موضوع مضحك بصوور لايفوتكم | جنوبي خقہ ه | قسم الصور والرسوم العامه | 7 | 09-15-12 04:00 AM |
| أصدقاء منتدى مسك الغلا | | |||||
