|
لحظه وداع / وكنها سكرة الموت رفعت كفي .. ماقدرت ارفع الصوت لو كان فالخاطر .. كلام كتمته لحظه وداع / وكنها سكرة الموت ضاع الطريق .. اللي من اول رسمته ضاع الطريق وصرت في الدرب مبهوت مدري وش اللي فاتني ما اغتنمته ! العمر مرّ .. وراح مع فايت الفوت صحيح ضعت .. وضاع حلم حلمته الا انت ياللي قربك لروحي القوت لو غبت / يبقى وسمك اللي وسمته يبقى كما نقش على الصخر منحوت حفظته .. بشكله ولونه وسمتّه مهما الفراق اوجاع والبعد ممقوت اصبح مصير من غلاك / احترمته دمع النصر لو طاح من ( عين جالوت ) ( عين العقل ) دمع تكنّه / حشمته ذخرت لك يافرحة العمر .. تابوت فيه الغرام اللي بديته / ختمته يبقى الغصن لو مابقى فالغصن توت تحرك انسام الذعاذيع .. صمته سكّت .. وانا من موادعك مكبوت شي تجاهلته .. وشي فهمته ! حبل الرجاء من جور الايام مفلوت ياليت قلبي عن غرامك عصمته |
كل الشكـــر لك على هاالطرح الأكثــر من رااائــــع .. الله يعطيييك العااافيه لا عدمنا هالتمييز والابدااع ,, بأنتظااار جديدك الجذاب والمميز.. تقــــديري وآحتــرآمي |
الغاليه شموخ عزي .... من القلب لك الشكر على مرورك الرائع وسلمت يمينك على الرد والتعقيب لك مودتي وتقديري |
| الساعة الآن 12:58 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا