|
اولاً: يعطيكـ العآفيه على حرصكـ واهتمامكـ في مساعدة ابوك والوقف معه وهذا ان دل يدل على حسن تربيتكـ والله يعطيكـ على قد نيتكـ. ثانياً: لاتشغلي نفسكـ بأشياء ممكن تعيق تقدمك الدراسي وتكون عقبه في المستقبل خلي شغلكـ الشاغل هو دراستكـ بعد الدراسه والتفوق تجي الوظيفه المناسبه دام عندكـ طموح وأمل بتلاقين كل الأبواب مفتوحه لكـ والله يوفقكـ |
إذا عندك إستطاعه تشتغلين وأنتي في بيتك من خلال الإنترنت بمرتب زهيد يصل من 50 ريال الى 300 ريال في الشهر بإمكاني إساعدك علماً بأنك قد تستطيعين تعملين أكثر من خمس وضائف في وقت واحد وقد تجنين مابين 1500 ريال الى 2000 ريال في الشهر وربما أكثر حسب مجهودك الذي تبذلينه .. ولكن لابد أن أعرف ماهي خبراتك التي تستطيعين تعملينها على الكمبيوتر حتى يسهل علي مساعدتك يعني مثل هل لديك خلفيه في الاشراف والرقابه أو في إدارة المنتديات أو في الفوتوشوب أو منتاج أفلام او في تعريب برامج أو التصميم أو زي كذا حتى أستطيع أحظر لك الوضيفه المناسبه .. |
" وعليكم السلام ورحمة الله وبركاته " انا بنصحك نصيحة اخت دام ولله الحمد مكتفين مادياً اهتمي بدراستك وانجحي لاتخلين شيء يشغلك ويلهيك عنها فرحي ابوك بتفوقك ونجاحك وبإذن الله تعالى راح تكبري وتتخرجي وتتوظفي وتعوضي ابوك لاتشيلين هم شيء خليها ع ربك ادعي لابوك فـ صلاتك ان الله يرزقه من واسع فضله ويكرمه " الله سبحانه هو الرزاق الكريم وقال ادعوني استجب لكم " ادعي وادعي له بكل فرض وبصلاة الليل . وإذا انتِ ودك بعمل ف النت فيه مواقع يطلبون اشراف ورقابه ولابعد رواتبهم م تجي حق بطاقه شحن 50لكن مش مضمون يمكن لعابين ..! الله يرزقكم من واسع فضله ويحفظك لابوك ويحفظه لكم ويطول بعمره يارب:رحيق: |
أختي الكريمة في البداية .. أهنئك على هذه الهمة ومحبة مساعدة والدك .. تأكدي إن أخلصتي النيّة فإن الله لن يخيب لكِ مسعى .. ومكآمك العمل كثيرة .. إن كنتِ تجيدين الطبخ وخصوصاً الحلويات فهي جانب مربح وسوق بكر بإمكانك البروز فيه والنجاح ... ضعي لكِ حساب في تويتر أو الانستقرام .. وأبدأي من الصفر .. والمشروع بدايته لن تكلفك أكثر من 1000 ريال وأرباحه تبدأ من أول مبيعات .. أتمنى لكِ كل خير .. وأسأل الله لكِ التوفيق .. |
تفكيرك مثلي !! المهم حبيبتي انا مع عاشق خففو طلباتك واهم شي دراستك شدي حيلك وارفعي راسه ... بالنسبة لمشروع ما مشروع يبي لها دخل احس المشاريع .. يعني اي مشروع لازم بدايه ودراسه .. او اذا انتي موهوبه استغلي الفكرة ذي وحده من صحباتي مشاء الله تبيع اكل وفي شهر طلعت خمس آلاف من غير انو موهوبه في الخياطه يعني مشاء الله كونت نفسها ب نفسها وفوقها شاطره مشاء الله .. |
الاخوه الاعضاء نصحوك بالاهتمام بدراستك وهذا اللي اميل له واعطوك عدة افكار شوفي اللي يناسبك لو اصريتي على العمل وابوك سيتدبر امره ويدبر مصروفكم ولكن تساعدوا معه بترك الاشياء الغير ضروريه |
| الساعة الآن 12:11 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا