|
يارب عونك ضاق بي كونك بصراحه مو عارفه من وين ابدا جالسه ابكي ي ناس تعبت من امي و ابوي واخواني ومن الحياه انا بنت عشرينيه متخرجه من سنتين امي تعبتني كل شي سب ودعوات على اشياء انا مالي دخل مثلا اختي كسرت شي تدعي علي لدرجه مره كنا وقت الثلث الاخير يعني وقت اجابه دعوه قالت ان شاء الله يجيك السرطان الي يقطعك تقطيع وربي انها مايمديها سكتت خمس دقائق الا اذن الفجر وقبل فتره كنت جالسه وهي قريبه مني اقسم برب البيت انها مسكت خصله كبيره من شعري قصتها لين رقبتي انا شعري لين اخر ظهري انصدمت من حركتها سالتها ليش تضحك وماترد تخيلو شعري من اليمين واليسار طويل بس من الوسط من وراء رقبتي طالعه جلست ابككككي بحرقه بقهر لما جاء ابوي تحسبونه جا يسكتني ولا يواسيني جلس مسكني تهزيئ وسب تبكين عشان شعر اي ابكي عشان شعر اهتم واطول بالاخير تقصه تخربه اضطريت اقصه كله اواسيه صار لين رقبتي المهم هذا غير ان من تخرجت ما جاني ولا ريال واذا طلبت ابوي ولا اخواني فلوس يقولون مو ناقصك شي مع العلم كلهم موظفين ورواتبهم فوق خمس الالف والله اني عمري مارحت للسوق اشتري مكياج ولا عطور والملابس من عيد لعيد بس عمركم شفتو بنت ماعندها عطور ولا مكياج !!! مابي ماركات مابي غالي بس ابي مثل البنات اخواني والله عطوراتهم اكثر مني وانا بس عندي واحد ولا بعد ماخذته من خالتي ويقولون انتي ماكله شاربه نايمه ماينقصك شي انا مو بهيمه تعلفونها وبس انا انسانه عندي احساس و مشاعر وقبل شوي جالسه عند امي اسولف معها واخوي الصغير بغى يكسر دولاب الملابس حقه وامي تقولي قومي اول ماقمت ابوي دخل الا قامت تدعي الله ياخذك وافتك قلت وانا وش دخلني قام يصررخ علي ابووي اضربيها احسن ماقلت شي طيب خلاص وربي معاد اتحمل كل يومي لازم اسمع دعووات من امي وسب من ابوي هذا غير ان ماعندي ولا صديقه ولا اي احد افضفض له ولا اي شي من وسائل التواصل اخخخ بس الحمدلله ع كل حال ياررب ترزقني بالزوج الي يعوضني عن كل هذا |
حسبي الله ونعم الوكيل لا تنسين انك بنتهم لازم تصبرين وتتحملينهم هم جنتك ونارك الله يفرج همك ويريح بالك ويسعدك |
وعليكم السلام ورحمة الله وبركاته اصبري وتحملي وادعي لهم بالهداية والشفاء فـي كل صلاة إذا دعو وغلطوا عليك لاتردين عليهم اسكتي ولا كأنك تسمعينهم حاولي تطنشي وماتهتمي لتصرفاتهم وكلامهم واشغلي نفسك باي شيء.. نفسي اقولك : كلمي احد حكيم فـ العائلة ممكن يساعدك بس اخاف إذا وصل لاهلك خبر يزيدون عليك ويقولون انتِ تطلعين اسرار البيت ! نصيحة يالغالية : شغلي سورة البقرة فـ البيت وحاولي تداومين ع قرائتها وبإذن الله راح تتحسن احوالك آما موضوع العمل فـ كلمي ابوك وحاولي فيه كلمي ابوك لما تشوفينه رايق وجالس لوحدهـ يمكن هو يساير امك عشان مايبغاكم توقفون ضدها وماتسمعون كلامها قولي انا بشتغل ناقصني وانا محتاجه وانا ابــي .. ابوي إذا انت ماساعدتني مين يساعدني .. إذا ماوقفت جنبي وشجعتني مين يشجعني ؟ انا اشوف نفسي فـ الخانة صفر .! بلا طموح ولاهدف اسعى له انا احس ان وجودي مثل عدمه اليوم مثل بكره وبكره مثل امس ولاجديد فـ حياتي . ابي اشتغل واطور ذاتي احس ان انسانه وجودها له معنى ولي راتب خاص ميحدني ع احد . حاولي مرة ثنتين ثلاث عشر راح يوافق .. اسمعي كلامهم سايريهم لاتراددينهم فـ الكلام والله وانا اختك ان اهلنا يحبونا ويبغون مصلحتنا صحيح احيان يقسون علينا بغير ذنب وهـذا لسبب داخلي؟ يمكن يفرغون قهر وغضب ويمكن انهم مرضى وصابرين ويتحملون ..! إذا حنا م تحملنا اهلنا مين يتحملهم ؟ مين يدعي لهم ؟ ادعي لهم بالهداية والصلاح حاولي تتقربين منهم وتسمعين كلامهم الكلام اللي مايعجبك يدخل من آذن خرجيه من الاذن الثانية .. عشان نفسك اصبري وتحملي وكله بميزان حسناتك وفوضي امرك لله وادعي بكل وقت وبصلاة الليل واكثري من الاستغفار والذكر . الله يحنن قلوبهم عليك وع اخوانك ويرزقك بالزوج الصالح اللي يسر خاطرك ويعوضك عن كل شيء. |
و عليكم الســلآم و رحمة الله وبركاته..# أختي أريد أن أسئلك سؤالاً..؟ كيف أبوك و أمك ( و أنتِ خاصة في الصـلاة ). و هل أمك قد مسكت عليك غلطه ، ( أي غلطه. ممكن تنزع ثقتها فيك ) أنا من رائي الشخصي ..|~ أنـك قد تكوني و من دون علم بأنك عاقه لـوالدتك.. بـ ../ كونك تـردي عليـها ، فـ يجب عليك القول حينــها سمــع وطـاعه. او أبشري و لا يهمــك يالغاليــة ، او حاظر على راسي من هذا القبيــل ردك لها بـقولك ( وش دخلني في أخوانك الصغار ) ، هذا أسلــوب جاف جدا لـوادتك... أحرصي دوماً أن تـُلبي متطــلباتها من غيــر أن تأمرك بفعــلها..# أفعلي و أنتظري ردة الفــعل ، سـ /تدعين لي بالخير. و عليــك بالأتي: فـ ./هي خطــة محكــمه. أمــك تنظر إليـك بأنك أصبحت تستطيعين تحمل المسؤليـّة و أنتِ كـذلك. و لهذا السبب عليـك إتبــاع ما أقول: لابد أن تكسبي أحداً في صفك لكـي يعاونك. أخوك الصغيــر هو الشخص المناسب لهــذه المهمــه، أهتمــامك له و أعتنــائك بـه بكل كـبيره و صغــيره سـ يجعل هذا الشي .. في صالحك لانـه أخر العنقود و هو المدلل . ومالذي سوف تجنيـه من دلالك للـ المدلل . سوف تصبحين أنتي المــدللـه أيضاً. ( بما يرضي الله ) و ليس للمصلحة فقط أحتياجات البنات ../ لأ أخفي عليــك بأنه حق مشروع لكل بنت و لكن عليك بالصبــر و عليك بردة فعل أمك أذا رآتك تغيــرتي أنا لا أستــطيع أن أقول أنك على حق ، و لا أستطيع القول بـأن والديك مخطـئين فـ همـا جنتك ونــارك و عليك بالصبـر.. والدعاء ــــــــــ...ــــــــــ...ــــــــــ...ــــــــــ لفت أنتــباهي : موضوع طـُرح من قــبل العــضوه ../ ♡مِسًسًـك آلَغّ ـلَآ♡ ../ حقيقـة..|~ تــشكـر عليــه فـ /وقته منــاسب الأن وعلــيك قرآءتــه جيـداً و التمــعن بـه و الأستــفادة منــه..# http://www.al2la.com/vb/t50936.html لكـ ودي .. و كأن الله بـ عونك.. |
اقتباس:
|
اقتباس:
انا ما اراددهم بس ساعات خلاص انفجر اما بخصوص ابوي حاولت كثير كثير طلبته اشتغل في مقصف مدرسه مارضى طلبته اشتغل بالانستقرام انا اعرف اسوي تغليفات وكذا مارضى جاتني واسطه قوي توظفني فجامعه نوره برضو رفض قفل كل الابواب بوجهي الله يسامحه |
| الساعة الآن 11:23 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا