السلام عليكم
عندي مشكلة وهي ان تصير في بيتنا
مشاكل بين ابوي وامي وانا أتأثر مرررة فيها
واصير ابكي واتضايق وهذا الشي أثر علي بشكل
كبير ودراستي صارت زفت والدنيا سودة بعيوني بالمختصر
كرهت كل حياتي وسبب هذه المشاكل سحر من جدتي ام ابوي
لانها ماتحب امي وتبي تفرق بينها وبين ابوي وسوت سحر لنا بالبيت
عشان يكرهون بعضهم ويتركون وانا واخواني مرة متضايقين وخايفين
يتطلقون امي وابوي وربي مقهورة وحاسة نفسي بموت كرهت كل شي
وجدتي الله لايسامحها اكرهها اكرهها تبي تزوج ابوي ثانية وتكرهه فينا
حاولت استمر بحياتي واقول عادي مشاكل بتصير وتروحبس ماينسكت عنها
كبرت مرة حتى العيد ماحسينا فيه ودوم نلاقي مواد سودة على ارض البيت وبغرفة
امي وابوي ونسمع صراخ عالي بنص الليل اعوذ بالله
وانا بعد مدري تصير معاي اشياء سيئة كثير وشاكة ان ام ابوي تكون مسوية لي سحر
لانها تكرهني مرررة مرررة فجأة اقوم اصارخ ويوم جو يخطبوني مدري اش صار وقتها
صارخت بقوة صوتي وبعد الصرخة ماحسيت على نفسي ابد الا لقيت نفسي على الفراش
وجسمي كله مجروح ودم واحيانا اقوم من نومي الاقي سريري كله ومخدتي والارض دم اقول
انا اتخيل بس المسها بايدي وامي تشوف الدم بعد الارض غرقت دم
ساعدوني تكفون وربي ماني عارفة اش اسوي وامي رافضة فكرة نروح عند شيخ نهائياً