استغفر الله

اللذي لا الاه الاه هو الحي القيوم

واتوب اليه

انما الاعمال بالنيات ..

يارب عبدك بلا واحتار
ولا غيرك اعلم بحالاته

يقضي الليالي مع الافكار
مخفي عن الناس بلواته

هذي نصيحه واسمعها
واعمل بها وقت ماتحتاج

بعض البشر لاتصاحبها
حتى ولو كان لابس تاج

قصه هبله صارتلي مع واحد اهبل

كنت محمل بالونيت ذبيحتين وخيمه والعزبه
طالعين بر انا وكم واحد
متفقين نجلس يومين

وقفت عند اشاره .. الا بواحد راعي سياره كشخه يسالني عن الميقات
حاولت ا صفله لكن انا بمنطقه لو ا صف لجني مايدل

قلت تدري امش وراي بوصلك للميقات
هو طبعا ماهو من اهل الديره

الشباب الحين سبقوني راحو يمسكون مكان مخططين عليه
المهم بعد مشوار طويل وصلته للميقات
نزل وسلم علي وقال والله انك تستاهل
قلت وش قال خذ ويحط بيديني فلوس
قلت والله ماخذها
قال علي الطلاق غير تاخذها

قلت ببالي وصلت

قلت والله غير تطلق واركب السياره ويمسكني ياولد طلقت
قلتله مشكلتك مو مشكلتي قال ياولد تكفى فكنا من الشر
قلت انا بتوكل على الله فكني بس
قال والله ماتروح غير تاخذها انا طلقت
قلت والله مو مشكلتي
ياولد تكفى .. قلت ابد انا بمشي بس فكني
ويحذفني بشماغه قلت والله لو تحذفني بهدومك كلها بس خلني اروح
قال والله ماتروح .. تكفى يابن الاجواد

قلت تدري هاتها بس مو عشانك عشانها
بعد مانشفت ريقه

المهم جلست اضحك .. واخذتها

وانا رايح ركب بالمقعده يسوي شماغه وقفت عنده
نزلت القزاز قلتله توووووبه

قال انقلع والله ماعاد اقولها

المهم الرجال معطيني الف ريال وامر السوق واخذلي تويسن صغيرات
ومددنا الطلعه يومين

وبس

ايام كنت بالابتدائي

كنا ثلاث حواري جنب بعض

وكلنا نربي حمام

وانتشرت سرقات الحمام

المهم كم واحد طبو على صندقة ولد خالي وسرقو حمامه

وعرفناهم

وقعدنا نخطط كيل نرجع الحمام ونسرق حمامهم

المهم طلعنا بلكره جهنميه الا وهي

يوم الاثنين وقت المدارس الساعه وحده بالليل نشرد من بيوتنا
والدنيا خلا والكل نايم ونروح نسرق الي سرقوه

اول ياويلنا نتاخر عن الساعه عشره
وطلعة نص الليل ووقت المدرسه هذي جريمه

المهم طلعنا ورحنا وتكللت العمليه بالنجاح ورجعنا

بعدها بكم يوم رجعو وسرقو حمام واحد

قلنا نفس الخطه

صرت انا الي اراقب .. وعيال خالي يعبون بالخياش

وكل شوي على افلام كرتون جازورا

اقولهم جا جا يتناقزون اقولهم جازورا
ياولد لاتخلعنا

ويرجعون يكملون المهم سويتها فيهم مرتين

شوي واشوف واحد يتصيدنا ويتدسس رجال كبير

واقولهم اولله جاااااااا واحط رجلي واغبر وعلى البيت وانخمد
ولا كاني سويت شي

ويحشرهم بالصندقه حقت الحمام وينادي خالي

واشكالهم بالصندقه ككككككككككاي يصيحون
ويمردغهم خالي بالصندقه وهم يصيحون

ويقولون صعفق معنا

جا خالي للبيت وصحى ابوي

ماشاخر انا بس ذاك البوم جلست اشاخر يعنني متعمق بالنومه

ويصحيني ابوي ويجيبني لخالي

انت معهم من حسن حظي الي حشرهم مانتبهلي

عاد هنا جاك انواع الحلفان .. المهم افتكيت منها

واقابلهم بالمدرسه وككككككككاي تعلمون علي يالتسلاب
كله منك انت الي ورطتنا

المهم قعدنا نسب ببعض شوي ورحنا المقصف واشترينافطور

وتوبنا