سمين وشكلي غير جميل
 

عمري ٢٨ تقدمت لخطبه اكثر من فتاه
ولم يحصل نصيب وارجع السبب لاني سمين
كثير وشكلي قبيح حاولت انقص من وزني ماقدرت
جربت الرياضه وكل انواع الرجيمات
عمليه التكميم مااقدر عليها حاليا لانها غاليه حالتي النفسيه بدت تصير سلبيه جدا
المشكله اني سمين وشكلي غير حلو كل البنات تبي الرجال الوسيم والرشيق
ياليت حلو وسمين ولا بنت راغبه فيني
وش اعمل احتاج اتزوج
لي بيسأل وزني ١٣٥ وطولي ١٧٠
احد يساعدني

اولا سمنتك مفرطه واسمحلي يا اخوي انت كذا بتدخل نفسك في امراض خطيره يعني قبل تفكر بالزواج فكر بصحتك اول وصدقني لو تزوجت ماراح تقدر على واجباتك الزوجيه ابدا بهذا الوزن


بالنسبه لوزنك على طولك جدا مرتفع لذلك يحق لك تسوي عملية ربط معده في المستشفيات الحكوميه المتخصصه وببلاش لاتقلي غاليه هذا كلام غير منطقي ابدا وفيه مستشفيات خاصه تسويها ب١٥٠٠٠

بالنسبه للقبح معليش انت يمكن تشوف نفسك قبيح يمكن فيه ١٠٠٠ بنت تشوفك وسيم بس بعد ماتنحف شويه مو شرط وزن الرشاقه لكن ع الاقل تخرج من البدانه ودائما خل عندك امل ومستحيل تتزوج اذا قعدت تشتكي او قعدت تخطط انت فحاله تحتاج منك التنفيذ مو الكلام


وواثق ١٠٠٪ لو نحفت بتتزوج علا طول

لو فجده روح مستشفى الملك فهد وقلهم مشكلتك بالتفصيل وعيش الدور انك محبط نفسيا وانك ماتقدر تسوي اي مجهود وخايف من السمنه وهم بيضبطوك :MonTaseR_59:

مستحيل مستشفى حكومي اخاف اموت عندهم
والخاصه تعملها ٥٠٠٠٠

انت بس حط عندك هدف وامل انك راح تنحف
بس يبي لك مجهوود مافي شي يجي سهالات

انت ماتقدر ع تكلفه العمليات
ادخل نادي مثلاً اتوقع انه ب 1000او 1500 بست شهور
صح بتتعب بس راح تلقى نتيجه
بس قبل النادي سو فحص شامل ممكن سمنتك هرمونات او غده مو كثره اكل
وروح لاستشاري تغذيه واخذ منه جدول للوجبات اليوميه
راح تتعب شوي بس لازم تحط ببالك انك لازم تضغط ع نفسك

فكر بنفسك وصحتك قبل كل شي

والله يرزقك الزوجه الصالحه

وعليكم السلام


مايحتاج تسوي عمليات وتعرض نفسك لمشاكل صحية
حط في بالك إن أي عملية لها مضاعفات وسلبيات
أنا اشوف انه بالإمكان تتجنب كل هذي المشاكل
، لكن تحتاج لأمرين لابد من تنفيذها

الأمر الأول تتجه لأقرب عيادة تغذية وعلاج السمنة في أي مستشفى
وهم بدورهم يعملون لك نظام غذائي خاص تمشي عليه

الأمر الثاني تشترك بنادي رياضي قريب من حيث سكنك

ولنجاح برنامجك الغذائي الرياضي لابد يكون عندك تحفيز داخلي
شعارة ( الإتزام ، المثابرة ، الجدية )
من غير هذي الأمور .. ماراح تحصل نتيجة مرضية

بالنسبة للشكل ومظهرك ممكن تتبع الإرشادات الي عطيتك
أما الجمال فـ هذه حاجة ربانية لادخل لنا فيها كبشر
، انا اشوف ان الجمال حاجة نسبية
البنات فيهن الجميله وفيهن الأقل جمالا يعني مو واحد والخيار لك بالنهاية

الله يسهل امرنا وامرك ،،