خوفي من الزواج
 

اليوم حظرت زواج مع امي واختي جت عندي وحده بعد كﻻم طويل وقاعده تمدح فيني وبعدها سألت امي قالت هاذي بنتك قالت امي ايوه قالت متزوجه انا على طول نطيت قلت انا مخطوبه كان ودها تأخذ رقم امي وانا باﻻساس مو مخطوبه بس قلت كذا ﻻني كرهت الرجال احسهم خباث ونكد وفيهم ملعنه من كثر مشاكل المتزوجات الي يشتكون من ازواجهم اخاف اتزوج ويكون نكد وينكد علي او يكرهني او خائن ﻻني مره حلمت حلم وفسرته عند حرمه مفسره قالت بتزوج بس بيكون نكدي كرهت عمري صح اني احلم بزوج يحبني واحبه واكون ام بس خايفه ما اتوفق مدري وشبني كرهتهم الرجال وانا ابوي متوفي 😢💔واخواني همهم نفسهم قلت ابر في امي احسن لي من زوج نكدي وما اتوفق معه وكمان ما عندي ثقه بنفسي وكارهه عمري ويمكن عشاني ما احب شكلي وما عندي ثقه بنفسي فكري مشتت ادعولي با الفرج وربي يهديني ويرزقني بزوج يحبني العمر كله وﻻ يكون نكدي مرره خفت من الحلم ﻻ يتحقق 😔وتحسون اني غلطانه يوم قلت اني مخطوبه الحين قاعده اقول اول شي اتوظف او اكمل الجامعه وبعدها اتزوج وانا عمري 28 سنه وشهادتي ثانوي قاعده اقول اول شي ادور وظيفه او اكمل جامعه بعدها اتزوج من خوفي من الزواج وملعنت الرجال 😿مدري ليش صار الخوف مصيطر علي

ذكرتيني قبل اقل من 10 سنوات اعتقد وحده قالت لامي لو خطبنا بنتكم تدونا هي
رديت بدال امي قلت لها لا ^_^ الحرمه عصبت ومدت البوز ومشيت
كان عندي خوف من عالم الرجال وكانو بنظري قاسين قلب
لكن صرت اقرا عن الرجال كثير صرت اثقف نفسي كيف اخلي مملكتي جنه
واسيطر ع قلب زوجي مستقبلا يعني اتربع ع عرش قلبه وكيف اربي اولادنا
صرت اشوف اخواني لما كبرو كيف قلبهم حنون
كل خوفي وافكاري طلعو غلط في غلط
اما علم الغيب عند ربي كل الي علينا نستخير لما يتقدم لنا شخص
ونتوكل ع الله واحنا نسعى نبني مملكتنا زي مانبغى والرجال كلهم حنونين لكل انتي
بيدك تخليه يظهر هذا الشي او لا باحترامك وحبك ومعاملتك له
ف يالغلا اتركي الافكار السلبيه واتوكلي ع الله
ربي يسخرلك زوج المستقبل ويسعد قلبك

:رحيق:


" تمت الموافقه ع المشكله "

الله يرزقكم بأزواج صالحين فيهم خير ..

والزوجه بيدها تخلي زوجها يحبها ومايردلها طلب ..

ودي ..

اذا كان يخاف الله

فلما لا توافقين؟!

المشكلة مع الرجال الذين لا يخافون الله في شيء
يركضون وراء اهوائهم و شهواتهم

هؤلاء من نتجنبهم لانهم ليس كفء

اما من يخاف الله فستكسبين قلبه بالاحترام و التقدير و المحبة

و الايام و العشرة تكسبكما يوماً بعد يوم هذا الحب اكثر و أكثر

لا تتعجلي في القرار .. القرار يكون بعد السؤال جيداً عن الرجل

اما الرفض هكذا بدون معرفة حقيقة الرجل

فيه ظلم له!

الخوف شي طبيعي في هذي الامور لكن اذا سنك سن زواج حاولي تقللي من هذا الخوف

اولا حطي في بالك انك صعبه ماتتزوجين لانك اكيد في يوم راح تتمنين ان يكون لك اسره واطفال

وهذي سنة الحياة واول شي تسوينه اذا جاك خطيب صلي صلاة الاستخاره وان شاء الله مافيه الا الخير

ربي يوفقك ويوفقك جميع المسلمين :MonTaseR_124:

أختي
سبب خوفك كله من متابعتك وسماعك لقصص سيئه وسلبيه للزواج
ليه ماتفكري تفكير إيجابي وتفاؤل
ليه تحكمين على زواجك بالفشل !!
وان كل الرجال خونه
فيهم رجال ماشاء الله قائمين في بيوتهم وزوجاتهم

وبعدين قصة تفسير الأحلام وربط حياتك بهذا الحلم غلط
الأنسان لازم يكون مؤمن بربه ويحسن الظن
ولاينسى الدعاء والأستغفار
وعلى فكره الحياة الزوجيه لابد أن يشوبها الكثير من المشاكل
فهي ليست جنه ،،

وبعدين كيف كارهه نفسك !
هنا بتدخلين بدوامه ثانيه وتصيرين منعزله على نفسك ومنطويه
مافيه بنت بشعه _ الا اللي هي تهمل بنفسها !:17:
لاتجعلي الشيطان يضحك عليك ب أفكار وأوهام قاتله
أهتمي بنفسك من كل النواحي ،،
وعيشي حياتك
وأنبسطي
وتفأءلي بالحياة
وأدعي دومآ أن يرزقك الله بزوج صالح يخاف الله فيك
واللي فيه دين وخلق لاترفضينه
بكره يروح العمر وتتحسرين ،

أهم شيء أبعدي عن الأفكار المدمره لنفسك وصحتك
وثقي بربك وتوكلي عليه
وأزرعي الثقه بداخلك ،، وأن مو ناقصك شيء
تقدري تأسسي بيت وعيله
وتلاقي زوج يحبك وتحبينه
وفقك الله ...