بري حالي ويا برياه باري كل ماذكر زمانه
والبلا ان ذا غلاه وذا مكانه كل ماله يزيد بزود عنه

طّرف الليل والمشحون ساري قدله ايام ضايق
لالتهم صوت من لباه رايق يعرج به على ماضاع منه

سعد من هو على السجات ضاري ماهو بمثل حالي
كل ما قلت قدني اليوم سالي زوعت بي هجوسٍ مستكنه

كل ما مر طاري دك طاري جعلني والله فدوه
جعلني فدوة اللي صدق قدوه كل زينٍ خذوه الناس منه

خاطري يا نسيم الليل زاري خف من برد هبك
كل ذكرى بنودك خاف ربك عاد ذكرى نوفمبر مستعنه

دمع حبه على الخدين جاري غاسل به ضلوعي
يا ضلوعي ويا صافي دموعي اح يا جرح كبدي من مسنه

صاحبي وجه حزن الشوق عاري بينّ الحزن بينّ
والله ان الجفا ماهو بهينّ الجفا نار والميلاف جنه

للحزن والشقا وسم ومواري في حكاه وعيونه
صاحبي حايلً البعد دونه وعادني ما قطعت الياس منه

غاب عني وانا ماني بداري فاقدٍ حس صوته
جعل ما ذوق هم وحزن موته حتى من هبة النسناس احنه

والله ان الهوى غبن وعزاري ليت مافيه فرقا
كان ما قلت ليت الحظ يرقا ولا قفيت التنهاته بونّه

وصّيتْ قلبي عليك وفكري وظنِّي ... ان غبت عنهم عليك عتابهم هادي



ما ودِّي تجرح شعورك كلمةٍ منِّي ... وانته حياتي وعمري وومهجةْ فوادي



ودي تعيش العمر راضي ومتهنِّي ... مرفوع راسك عليك العز متبادي



يا تاج راسي وانته منِّي وعنِّي ... تامر وتنهي وامرك أول البادي



من كثر حبِّي عليك الخوف يمحنّي ... وافقد شعوري واشوفك غاية مرادي



ان غاب صوتك أناجي الليل واونِّي ... واتخيِّلك واتذكّر هامةْ بلادي



مديون لك بالغلا والحب متجنِّي ... يا مستحل الفواد العاشق الغادي



من يشبهك في البشر يا ذوقي وفنِّي ... يا راحتي وبسمتي وموتي وميلادي



وصّيتْ قلبي عليك وقال مبلنِّي ... واحذر غيابك على قلبي مَهُبْ عادي