الليـالـي مشاكلـهـا عــراضٍ طـوالـي
للنفـوس الشقيـه وللنفـوس السعيـده
غـاره مـن يميـن وغـاره مـن شمالـي
توهمـك بالهـدوء وعاصفتـهـا شـديـده
ياوجودي على الراحـه وياوجـد حالـي
ليـت مالـي مـع الشـعـار ولانشـيـده
هـب ياهالزمـان اللـي غزانـي لحالـي
كل يوم علـى الهاتـف يجينـي قصيـده
ذي معاتب حبيـب وذي مشاريـه غالـي
وذي تخفض من السكر وهـاذي تزيـده
والعرب علمهم بي يوم صدري شمالـي
والليالـي مقفـت بـه لايمـكـن تعـيـده
روحـت مـع مهـب الـريـح ياهمـلالـي
ماحـد جـت لـه الدنيـا علـى مايـريـده
والتجـارب عطتـنـا مـيـزة الاحتمـالـي
ودرستنـا مشـاويـر الحـيـاه البعـيـده
ان مـابـه حـيـاه الا وراهــا زوالـــي
والبـنـادم بهالدنـيـا شبـوحـه بعـيـده
ميـر ماهيـب لامكسـب ولاراس مالـي(
كود من حط قولة والنعم في رصيده )
وطاب عند البعيد وطاب عنـد الموالـي
وله نصيب الأسد من الخصال الحميـده
وان تثنـت عـزوم مشوربيـن العيـالـي
عزمه اقوي من ظروف الحياه العنيـده
يرتكـي بالمناكـب للحـمـول الثقـالـي
والظفـر يطبـخ فالـراس الـيـا وريــده
خل فعل الجدود وخـل فعـل الخوالـي
نـدري انـك ولدهـم والعلاقـه وطيـده
وندري ان فعلهم يستر بنـات الحلالـي
حتى لـو جـدك كحيـلان وانتـه حفيـده
اما حث القدم واطلع علـى راس عالـي
والا خلك كذا وان مت مـا انـت بفقيـده



راقت لي