|
لاحول ولاقوة الا بالله السلام عليكم ورحمة الله وبركاته مساء الخير انا ام عبد العزيز سبق وطرحت موضوع http://www.al2la.com/vb/t62819.html شريت لولدي ساره وصار يجي ويروح عالسياره والحمدلله وفر لي واذا بغيت السوق او شي مايقصر الله يسعده يارب الولد خلص تحفيظ القران وحفظ نصف القران واعطوه شهادة شكر وتقدير وسويت له حفله في بيتي خواله وعمامه وخالاته كل العائله حضرو حفلته انا جبت هديه له فتحت له حساب وحطيت له مبلغ بعد ماخلص الحفله وفرحت بولدي ابوه عرف كم بحساب الولد سحب منه بطاقة الصراف وضرب الولد صارت مشكله كبيره اخواني ادخلو وعمامه وانا وربي تعبانه من الرجل ذا مادري اش اسوي معاه الولد نفسيته تعبانه يقول مافرح لي الا انتي وخوالي واحد من اعمامي وابوي بس يتلفظ عليه ومايقولي الا ذا ولد امه حتى صارو اولاد عمه يعايروه انا خايفه تجي معاه نفسيه او يحصل له شي لاحول ولا قوة الا بالله انا صراحه تعبت ابوه ناشب للولد كانه مو ولده فلوسي وانا حره ومايصرف عالبيت الا انا بناتي تعبو ولا وحده من خواته ولاهو جاء تطمن على بناتي الله يخلي لي اخواني قولو اش اسوي معاه اطلب الطلاق والا اصبر اخواني تعبتهم معي في مشاكلي ولدي صار يخاف من ابوه يكره لدرجه اذا دخل البيت يدخل بغرفته لما يخرج واذا سال عنه ابوه يسوي عمره نايم ابغي حل لاحول ولا قوة الا بالله |
الله المستعان من وجهة نظري الشخصيه إنتي المفروض ماتسوي كذا وتتعاملي بهذي الطريقه دامك عارفه ان ابوه يبغى يقهرك عن طريقه فتح الحساب من الافضل كان ماتعطيه البطاقه وتفتحي حساب وديعه بآسمه لين يكبر ويصير مسؤول عن نفسه انتي الان محتاجه ولدك يكبر ويصير رجال ويعتمد عليه لاتعطيه كل شي نفسه فيه حاولي تصنعي رجولته بالشده واللين يعني صح فلوسك وانتي حره لكن آمني مستقبله بطريقه ثانيه وبعدين فهمي ابنك ان هذا ابوه مهما كان لوكان الاب ماعنده تفكير وعقل ويقحم الابناء لتصفية حقده انتي كبري عقلك ولاتنزلي من مستواك لهذي الامور وحاولي تأمني مستقبلهم افضل من اعطائهم الاشياء والفلوس الان بتقولي مثل ايش بقولك بيت ملكهم وديعه في البنك بآسمائهم أمني مستقبلهم محد ضامن عمره والله يهدينا ويصلح حالنا |
للقدره علي الرد انتي وابوه منفصلين ولا عايشين مع بعض انتظر الاجابة |
أنا بصراحة مقدر أقلك حاجة حتى تتعاملي فيها مع زوجك وولدك لكن كل اللي اقوله لك اصبري ولا تطلبي الطلاق مو عشان شي عشان اولادك لأن المسألة حتتعقد أكثر ممكن يطالبك فيهم وياخذهم منك فكذا راح تخافي عليهم أكثر فاصبري عليه أحسن ويبقو يصير أولادك عندك وتحت عينك |
وعليكم السلام لقت قرات موضوعك منذ البارحة ولم ارد عليك الا اليوم بعد تفكير في مشكلتك وقرات مشاركتك القديمة ايضا لكي اتذكر موضوعك اختاي انيتي قلتي بان ولدك دائم يزعل ويهدد بترك البيت اذا لم تشتري له سياره المره القادمة سيهدد نفس الشي ويقول سوف يتركك لاجل لم تزيدي في مصروفه وحسابه !!! سوف يعتاد امر الرفاه والدلال وتفسدينه ابنك مازال قاصر ومراهق تحت العمر القانوني اي 16 - 17 سنه انا عرفت شخصيتة بانه ليس كفؤ للسيارة من اول ما هدد بترك المنزل فما بالك بالاموال والحسابات البنكية المصرفية ؟؟ انتي قلتي فتحتي له حساب في صراف لماذا تفتحين له حساب باسمه ؟ اجعليه في يده حساب كاش اذا احتاج شيئا وليس من صراف لابد عليك ان تعلمي ابنك يدير مصروفه وحياته بشكل جيد وانتباه لانه هكذا ربما يتساهل ولا يعرف كيف يصرف المال وهذا سيفسده كثيرا مستقبلا ولا تنسي بانه مازال مراهق ايضا وسوف يسهل عليه الوقوع في امر محذور مثل المتاجره وشراء المخدرات من الشباب ضعاف النفوس والرفقة السيئة برايي ان انشائك لحساب صراف خاص به وباسمه امر ليس جيد اجعليه يشعر بالحاجة والمسؤولية وصدقيني سوف يستغلونه اصدقائه وربما يحسدونه عندما يعرفون ذلك وسيكون في نظرهم الابن الغني المدلل وربما يغارون منه ويكيدون له فكري من نواحي كثيره حول هذا الامر _________ النقطة الثانية زوجك اياك والانفصال عنه اذا انفصلتي عن زوجك سيكون انفلات ابنك امر اسهل بكثير ولن تريه مجددا لان الان يخاف من والده ويسيطر عليه بالضرب لكن بعد انفصالك لن يوجد من يردعه ويخيفه حتى ولو كان بضربه واخوانك واعمام الولد مثل ماقلتي لن ينتبه له احد ولن يكونو اكثر حرصا به من والده وان شكيتي لاخوك سيقول ليس ابني كلمي زوجك هو ولده !!! كما ذكرتي انتي سابقا مهما قسى الاب على ابنائه فلن يحبهم احد اكثر من اهلهم واسالي شباب المنتدى كيف كانوا في مراهقتهم وكيف كان يضربهم اهلهم !!! لا تضيعي ابنك فاني ارى خلف هذا المراهق تمردا وتهديدا كثيرا وغريزتك كأم يجعلك تشفقين عليه خوفا وحرصا من ان تفقديه ارجو ان اكون وفقت في نصيحتي لك تحيتي |
[center]السلام عليكم كيف الحال اخواني بدايتن بكاتب الموضوع والاعضاء الكرام صراحه انا توي عضو جديد بهذا المنتدى الي استغربت انو لازال موجود مع اندثار واختفاء جييل المنتديات ( جيل الطيبين ) وبالنسبه لموضوع الاخت دام الزوج لايصرف عليكم ووجوده مثل عدمه اطلبي الطلاق منه لانك كذا بتكونين ارتحتي من اشياء كثيره منها يصير يقل تحكمه فيكم ثانيا ينكسر ويحس على نفسه والافضل من هذه الطرق السلميه اختي الغاليه انك تتركين اسلوب الرفق به واتمنى ان تحصلين على عجرى ( بمعنى عصى ضخمه ) ثم تموسلينه لين يقووول للعنز ياخاله هذا انفع حل واتمنى من الله العلي القدير لك التوفيق والستر . حفظك الله لاولادك [/center] |
| الساعة الآن 07:54 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا