بترحل ارحل بس رجع لي عطري ..
العطر ريحة روح ماهو بديكور ..
لاتجيب لي عذرك ولا اجيب عذري ..
مافيه احد منا يا محبوبي بمعذور ..
لاتحسب ان جرحك حبيبي بيهري ..
انا من اللي لا انجرح قال مشكور ..
الثقب هذا اللي تركته بصدري ..
هو نفسه اللي راح يدخل معه نور ..

خِلّك يحبّك يا بَعَدْ سِيْد المْلاح
إن رحت عنّه راودنّه مصايب

ياما على شانك تحمّلت الاجراح
وياما جروحي من صدودك عطايب -

سرقتني عن جملة الناس يا صاح
والفكر عندك ماخذنّه نهايب -

القلب بعدك من له اليوم يرتاح
من بعد ما هو في محبّتْك ذايب -

...

حدتني الدنيا علـى قولهـم حـد
ولا هزني عصف الظروف بسهوله
قلبي اليامن صد عن رغبته صد
مابالتقاعس للنواعس رجولـه

أنا محتار ما بينه وبين (دبي) بالمثقال
يا أمّا (دبي) له تحلا أو انّه لي محلّيها -

ولي فيها محب أسرف على قلبي وحط وشال
طلب روحي وروحي منه فيها اللي يكفّيها -

...

صوتك حنين وليل الأشواق مسرآه
وصمتك قصيده تنسمع دون تحكي
.
في عينك الإلهام يكتبك وآقرأه
ومن نبضك آصحاب التعابير تشكي