لحدن يكلمني ترى خاطري شين
ضايق وبي تسعه وتسعين عله

الطير يشكي ضيم الأيام لـ الريح
والريح تكسر ساعده ب الهبايب

هذي هي الدنيا مجافي وتجريح
فيها حظوظ الناس خايب وصايب


...

انا من البارحه وانا على اعصابي
نصف العمامه على راسي معصبها

أكره دروب العشق لكني ليا فاح العبير
اسري لها مساري العسّاس لديار الحيا
حبيت لكن غلطتي بالحب حبيت بضمير
واللي يحبون بضمير وصدق دايم اشقيا!
ياقلب سامحني.. على اللي صار واللي مايصير
الحب: غفوة عقل ما بين الهدايه والغيا!

يا سادتي
أشكي لكم وسادتي !
تحفظ تفاصيل الغرام
والمشكله لا جيت أنام
بثت حنين وذكريات
كأنها ، فيها حياة !
وبدا الأرق
كـ عادتي !