الياغاب نجمك بالعرب غــاب ضــاوي
واليانفقد ضاوي فقدنا بـه احـسـاس
احساسنا بالـلـي بـعـيـد الـهـقـاوي
هو ونستي من بين من قالوا الناس
له بــصــمــة بالـمـنـتـدى والـعـزاوي
ولي فرحة في طلّته لـحـظـة الياس
ابو سـلـمـان الـيـاوعـد ما يــنـــــاوي
هو الــوفــاء هو البقى ساعة الباس
عـجـل عـلـيـنـا بالـردود الــطـــــراوي
تـجـلي هـمـوم زادت الـيــوم بالراس
ما من صـديـق يا عــزيـــزي يـــداوي
جروح قلب في ضميري لها ســـاس
اســبــاب طـفـل عيشته بـالـنــزاوي
ما له شبيه يـــم المشرق ولا فـاس
ابـو عــيــون مـثـل عـيـن الــنـــداوي
حر يـبـعـثـر ابـرق الـريّــش فـــــرّاس
اللـــه يا قـلـب من الـبـعـد عــــــاوي
وعين تهلّ دموعها عقب الادمــــاس
والعقل من كثر الـتـفـاكـيـر خـــــاوي
زود على الهاجوس والفين وسـواس
عـجـل عـلـيـنـا يا بـعـيــد الـخـطـاوي
عجل علينا يا بو سلمـان واحسـاس


القارظ العنزي