صاحبي يسعد صباحكم انا مشكلتي مع صاحبي قبل اسبوعين زواجه والله مااعتبره الا اخوي يالي ماجبته امي في يوم زواجه طلب مني اروح معاه للاحلاق ورحت معاه وطلب مني سيارتي اسبوع طبعا سيارتي كنت شاريها من قبل زواجه بيومين ومابغيت افشله كنت فرحان له قلت تحت امرك سيارتي انا اشتريتها لئن بتكون سيارة العمر وبيكون زواجي بعد عيد الفطر ذا ان شاء الله طلب مني اجهز له الشقه يكون في حركات دلع للعرسان وطلبت لهم عشاء المهم كلمت اخوياي وقلت ابغي فزعتكم نبغي نسوي له زفه مسيره للعريس الى القصر والله ماقصرو وراح 3 من اخوياي قدامنا واستقبلونا بالرشاش يعني ماقصرنا معاه ولا اتمنن عليه انا ماكتبت مشكله الا من القهر لشكيت ل اخوياي بياخذو فكره عنه سيئه وانا مابغي الشين له انا كتبت المشكله بالمنتدى انتم مارح تعرفوني ولاتعرفو صاحبي ولا ابغي منكم تدعو عليه ادعو له ان الله يهدي المشكله صاحبي بعد اسبوع كلمته عن السياره قال انا بدبي وبتجيك سيارتك انا تفشلت من اخواني كل يوم اخذ سيارة واحد من اخواني يسالوني وين سيارتك عطنا رقم صاحبك ونكلمه المهم بعد اسبوعين اتصل علي وقال اخوي بيجيك ذحين وقلت مشكور اخوه جاب السياره وراح مع واحد من اخوياه تفاجئة الاكياس يالي عالمراتب منتفه تنتيف وعالكرسي شوكلت وعصير السياره مرا وسخه والبنزيم ربع مع اني فللت الموتر عشانه والسياره فيها صوت انا انقهرت اتصلت عليه مايرد وكل ماجي عند بيته يقولو موموجود سالت اخوه قال انا مالي شغل اخوي اعطاني السياره كذا وسمعت من بعض الاشخاص انه زعلان عشان جبت له 500 عانيه والله ثم والله انه قليله بحقه بس اقساط السياره كاسره ظهري شريت السياره 250 وكاله وسمعت انه زعلان ان اخوياي ماجابو عانيه واخوياي مالهم شغل حتى وصلونا عند الباب وراحو حضرو المسيره عشاني انتو قولو لي وش الحل معاه اقابله خايف اقابله واجلده او انسى الموضوع واقطع علاقتي معاه والله مقهوور انا ولا مره طلبني شي وقلت له لا ليش الحركات ذي |
أسعد الله صباحك أخي تمت الموافقه ... ___ صراحة اسمح لي صديقك لم يراعي تلك الصداقة أنت ما قصرت معاه وقفت باللي تقدر عليه وكل أنسان وظروفه مو لازم تدين عشانه او تضغط على نفسك وانت ما عندك !! والله يعطيك العافية بس للأسف ما قدر كل هذآ والأن أنت خليه ولا تكلمه رايتك بيضا ولا تتعذر له ولاشيء الصديق اللي ما يعذر صديقه ( اسمح لي ) ما ينعد رفيق درب يكفي اللي مسوية بسيارتك ! واعتراضه على العانية كم يبي أن شاء الله ؟ المسالة ما تقاس ب 500 و 1000 وجودك بجانبه ومساعدتك له كافية وافيه والله يعين ... |
اقتباس:
|
ليس أمامك سواء أرسل رسالة عتاب تخبره أنك مصدوم من هذا التصرف !! وأنت اللي وقفت معه باللي تقدر عليه الخ .. وما فعله بسيارتك عيب ولا يليق بالعشرة والصداقة اللي بينكم وتتمنى له سعادة كريمة |
اقتباس:
ابغي يبرر لي فعلته !! |
باين انك مغبون ،، ي اخوي ردد لا حول و لا قوة الا بالله ،، و تروح غبنتك ثاني شيء اذا الخراب اللي بسيارتك يتصلح ،، صلحها و وكل امرك لله لان ربي راح ياخذ حقك منه ،، ثالث شي زي ما قالت لك همس ارسل رسالة عتاب ،، لكن باحترام و ذوق ،، الرابع ،، ما اقول تسحب عليه ،، لكن لا عاد تقابله و لا عاد تعده صديق ،، كأنه ما صار بحياتك و الاهم لا عاد تعطي احد اكبر من حجمه ،، و حركات استحي و ما استحي و عيب علي ،، اتركها شيء ما تبي تسويه لا تسويه ،، شيء ما تبي تعطيه لا تعطيه و هذا درس تعلمت منه و الحياة قدامك الله يريحك قلبك |
اقتباس:
السلام عليكم ورحمة الله وبركاته اتصلت عليك اكثر من مرا ويطلع لي جوالك مغلق ومرات مشغول انا اعتذر منك على الازعاج واتمنى منك تبرير بسيط سيارتي جاتني فيها خراب غير الاكياس يالي عالمراتب تنتفت وغيرالاوساخ والبنزيم ربع انا مابغي منك الا تفسير عالشي ذا واذا انت فعلتك ذي كانت عمد منك ابغي وش الغلط يالي ارتكبته بحقك واذا على العانيه انت عارف بضروفي السياره كانت قبل زواجك بيومين استلمتها من المعارض وانت عارف الشي ذا وكلفني العشاء ......... انا ما اتمنن عليك بس انا وش الغلط يالي ارتكبته بحقك انت الوحيد يالي من اصحابي اثق فيه ولا ارد له طلب وانت عارف الشي ذا اتقبل من اي احد الفعله ذي الا منك انت لئني عارف انت اكبر من الامور ذي ابغي تبرير منك ذي كانت رسالتي |
وعليكم السلام ورحمة الله وبركاته بصراحه يا اخي السياره ب 250 ؟؟؟ وتعطيها بسهوله لغيرك ! هذا غلطك ايضا لاتكون شخص يسهل استغلالك لماذا لم تؤجر له سيارة عندما طلب منك انه يريد سيارة ؟ المسؤول الاول والاخير هو انت لانه كان بامكانك ان تقول له سوف اعطيك سياره وتروح تجمعون انت واصدقائكم وتاجرون له سياره لمدة اسبوع او شهر اعتقد انها لا تتجاوز ال 2000 ريال وايضا حسب نوع السيارة المهم تؤدي الغرض وكفى بالمظاهر الكذابة الخادعة انا الان احملك انت كامل المسؤولية والغلط وعليك ان تسكت عن الموضوع وتعديها وان تقابلت مع صديقك عامله بشكل عادي لن تستفيد شيئ من معاتبته والصراخ والاستفسار عن السيارة وخرابها لانه لن يفعل لك شيئا ولا تنتظر منه ان يعوضك بمبلغ مالي لاصلاح مافسد كونو بسطاء تعيشوا سعداء كما اني لم افهم سبب زعل صديقك منك او العانيه لم افهم ماهي العانيه هذا درس لك ولغيرك من الكثير من الشباب الله يهديهم ارجوا من الله ان يوفقك في حياتك القادمة وكن اكثر تحفظا ولتسهل عليك قول كلمة لا تحيتي لك .... |
نقطه مهمه اخرى نسيت ان اذكرها هذا صديقك مصلحه ويبيعك وقت انتهاء مصلحته منك والدليل انه استغلك اكثر من مره وكله طلبات يريد العشاء ويريد تجهيز الفندق ويريد حتى سيارتك ؟ يطلب فقط لكنه لا يعطي وللاسف يؤسفني قول ذلك لك ولكنها الحقيقة صديقك عديم التقدير والاحترام والدليل كان من المفترض ان يقوم هو بارجاع السياره بنفسه اليك ويشكرك على الموقف لا ان يرسلها مع اخيه !!! اجعل علاقتك رسمية معه او مع غيره فهكذا ستعيش مرتاح البال الله يعوضك خير من هذا الصديق الغير صدوق تحيتي |
اقتباس:
ماكان في وقت نستاجر له كلمني بيوم زواجه واعطيته كنت فرحاً له معتبره اخ لي انا مااقصد يصلح يالي فعله ابغي تبرير على فعلته اما العانيه هوا مبلغ ندفعه للعريس بمناسبة زواجه انا ماكانت مشاعري معاه على انه صديق بل اخوي يالي ماجابته امي حتى مصدوم من فعلته |
اقتباس:
الله يهديه يارب على مافعله اا ساعدته في زواجه مايعتبر مصلحه لئني اعتبره اخوي والاخوان مابينهم مصالح ولامرا سوا مثل الحركات ذي |
المشكلة ليست في صديقك . بل المشكلة فيك لانك لا تحسن اختيار الاصدقاء الرجال . فلهذا لازم تدفع ثمن المجازفة في اختيار الاصدقاء الاوفياء . واعتبرها تجربة في بداية حياتك . وعلى قولتهم ... كل يعمل باصله . فالرجل عمل باصله وانت عملت باصلك والعوض على الله . |
وعليكم السلام ورحمة الله وبركاته اول شي خلاص انسى الموضوع لان م وراك الا القهر والنكد .. ثاني شي سوي سيارتكك ولاعاد تعطي احد ابد هذا بيكون درس لك لا وله وجهه يزعل .. ثالث شي انت لا عاد تتصل عليهه ولا عاد ترسل له رساله لا نصيه ولا صوتيه ابد هو راح يحسس بغلطه ويتصل .. وبعدين تعاتبوو .. والله يسعدكك ويوفقك بزواجتكك يارب ويرزقكك الذريه الصالحهه يارب .. حَسُوسَـآآ |
:eiwp: اما عاد عشان عانية وين راحت الصداقة والرفقه !!!!! الفلوس وسخ دنيا الله يعوضك وهذا درس لك افهم منه انه مو اي صاحب يعتبر صديق صادق صدوق هذا ابدا ماقدر وقفتك معاه ومسوي زعلان اسمحلي هذا مررره مايستحي واللي انصحك فيه لا تطلب تبرير ولا شي دامه سحب عليك من باعني بعته حتى لو كان ابن عمي مو بس صديق الله يعوضك بس هذا اللي اقدر اقوله |
اقتباس:
وذا يالي افكر فيه بس صعبه اقطع علاقتي فيه لنا اكثر من 15 سنه |
مشكورين حبايب قلبي على ردودكم اسف على ازعاجي لكم ممكن يكون درس لي الله يكون السعد برفقتكم دائماً :31: |
اقتباس:
توقع من الناس كل شيئ لكي لا تاخذ صدمة او موقف سلبي في حياتك لاتتعلق وتثق باحد ثقه مطلقة ابدا حتى وان كان اخيك ! ولا تبحث عن التبرير وتساله لن يفيدك تبريره بشيئ!! لقد حصل ماحصل لو كان نادم فعلا سوف يبدي اسفه على مافعله بسيارتك وسيقول لك ساصلحها لك ولا تهتم واعذرني هذه صفات الصديق الحقيقي والانسان النبيل سيبادر هو من تلقاء نفسه وليس يتلقى منك العتب والسؤال و الرسائل وهو يتجاهلك اما ا ن كان زعل بسبب انك لم تعطيه مبلغ من المال اللتي تسمى عانيه فهذا ليس من حقه ان يزعل ولو كان صديق حقيقي لن ياخذ منك شيئ لانه يعرف ظروفك المادية وديونك وتسديد اقساطك للسيارة رايي الاخير هو ان تتكتم عن الموضوع وعامله بجفاء مثل ما عاملك ولا تسال عنه انت فعلت اللذي عليك وترسل له عدة مرات وهو لا يجيبك احتفظ بكرامتك و كبريائك ان رغب هو في التواصل معك سيفعل ذلك ويبرر من تلقاء نفسه تحيتي لك اخي الكريم |
اقتباس:
يسوي حركه وسخه حركة اطفال اعتبرها لاتلوميني اختي مصدوم فيه لو اذنبت استاهل انا لااعلم كم يكلفني تصليح السياره وسياره بالثمن ذا تصليحه غالي الله يهديه يبرر غلطته عشان مااخسره |
اقتباس:
صدقني اخوي احنا لو نعرف وش يصير بالمستقبل بنتلافا كثير اشياء ونتجاوزها وانت ماسويت الا حق الصداقه والاخوه اللي بينكم وعملت باصلك ومن فرحتك لصاحبك ما اغليت عنه سيارتك وهي دوبها جديده واديته بكل رحابه وهو كان المفروض يحافظ عليها بحكم الصداقه والاخوه اللي بينكم ولا يسوي بها هاكا لانو لو سيارته كان احرقتو لو صار بها هاكا ومن ناحية المعونه والله حظور اغلا الناس عندي وصحباتي بالنسبه لي اغلا من المعونه ذاتها والكل كذا انا يهمني تواجد من احب مايهمني وش يقدمون وانت بعد السياره ما اعتقد في حاجه لدفع المعونه هذه اكبر وقفه ومعونه قدمتها له في ناس مكرووووهه لانها ماتحافظ ع اغراض غيرها تقهر ودها تندج ع اسلوبها ذا زي ماتحب المحافظه ع اعراضك المفترض تحافظ ع اغراض غيرك نصيحتي لك من وجهة نظري غض الطرف عن صاحبك هذيك مراسل له ع طول وتدق ولاهو ع باله انا ما اقول انسا صاحبك وتخلا عنه مع ان اسلوبه يجيب الضغط لكن اصرف نظر عن ذا الشيء وطنشه والله يعينك ع تصليح سيارتك يا انه قهر دوبها جديده قربع ابوها عدل سيارتك واتنسا صاحبك لين هو يجي يسأل عنك ومعتقد اذا جا بيطنش الموضوع اكيد بيعطيك مبرر لو تصادفتو باذن الله وع قول اهل جيزان انت ووجهك ووجهك ابيض ماقصرة بحق صاحبك وصاحبك والله قصر معك وفعلته واضحه وضوح الشمس والله يسرها لك يارب ويصلح صاحبك ومبروووك مقدماً الله يوفقك بحياتك ويكتب لك الخير انت ع نياتك تقدر الصداقه وهذا موب غلط لان بينكم عشرة عمر وعشرة العمر ماتروح هبت ريح باذن الله يكون فيه مبرر قريب يبرد قلبك ع صاحبك والايام بينكم باذن الله كفيله توضح له معنى الصداقه والاخوه اللي بينكم يمكن هو موب عارف وش يقول في الوقت الراهن لكن عسا خير وحط ببالك يستحيل ينسا وقفتك وياه ابد بالتوفيق طال عمرك الله يسعدك ويحقق امانيك ويريح قلبك يارب تقبل ردي وعبق وردي مع خالص احترامي لسموك آسيرة حرف |
اخوي كان الله في عونك ولكن للاسف صديقك مو كفو والدليل انه مااتصل عليك قبل يسافر يرجع سيارتك لأنه ماهو مفكر فيك غير كذا ممكن معطي اخوانه السياره يتمشون فيها بختصار احمدربك رجعت سيارتك سليمه من غير صدمات والمواقف هي من تعلمنا معادن الرجال وصديقك هذا فرقاه غنيمه برد على عمرك والزمن كفيل فيه |
ماتخسر صديق عمرك اكيد الظروف وصلتة لكدة بس هيرجع زي قبل ممكن السياره تتعوض بس الصديق الجدع ما يتعوض |
اقتباس:
ومايبغي يكلمني الله ياخذ الفلوس يالي بتفرقنا مشكورين والله ربي يسعدكم ادعو له ان الله يهديه ويسعده بحياته مهما كان ذا صاحبي |
اقتباس:
واذا على العانيه والله قليل بحقه لاتقول كذا ادعي له ان الله يهديه ويسعده |
# , , , , الله يكون بعونك هو يالي خسرك انت مااخسرته |
صديقك مو برجال ولايستاهل الطيب بعض العفون ماينفع معهم الطيب وانت كل ماطلبك عطيته ليش ؟؟ صديقك ع عيني ع راسي لاكن مو لدرجه ذي ومن ياخذ عنيه للحين ؟؟؟ زين عطيته وهو يتشرهه ارسل له رساله قول الطيب ماينفع بك وتوكل ع الله منت ميت ولاداخل النار اذا تركته ب النهايه اذا عرف غلطه حلو ماعرفوه باللي مايرده والخوه واجد |
وانا خيتك لو عندك انا اقل شي اخبط بالشنطه على راسك عشان تفتح عقلك ياقلبي 250 ذي اسافربها لندن واسبانيا وكل الدول |
الساعة الآن 12:17 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا