السلام عليكم
الموضوع هااام لايحتمل التأجل
والله مو قادرة اصدق بقولكم المشكله واتمنى تحلونها اختي كانت ملتزمه لاتعرف اغاني ولا مغنين ولا ممثلين ولا تعترف بالمسلسلات واحنا بالبيت الحمدلله عيله محافظه مانعرف قنوات الرقص والاغاني يمكن مسلسلات ايوه بس اغاني الحمدلله مانسمع فجأه لاحظت على أختي تحب الظلمه ودايم تسكر النور واذا دخلت بالحمام تسكر النور ودايم سرحانه تفكر تسكر عيونها وتنزل راسها تحت واحياناً تضحك ودائماً تطالع فوق تناظر لسقف كأنه تشوف احد واذا جلست لحالها عند التلفزيون تفتح اغاني ورقص واذا كلمناها قالت مالكم دخل انا خفت منها وقبل شهر لاحظت عليها ماتصلي!!!!!!!!!!!تصدقون اختي الملتزمه ماتصلي ؟؟؟؟؟؟؟ وربي مو مصدقه كلمتها عن الصلاة قالت انا الي ادخل النار ولا انتي المهم دايم تقول فلانه اكرها واذا قلنا ليش قالت تكلمت فيني عند فلانه واذا قلنا وش دراك قالت ادري وهي اصلاً لاتطلع ولا تروح اصلاً احنا مانطلع نادر مانطلع من البيت وهي ماعندها جوال
ذاك اليوم جلست احاول اسحب منها الكلام قالت الناس تتجسس علينا قلت كيف قالت لحظه ونزلت عيونها تحت ورجعت كملت قلت كيف تتجسس علينا قالت حسبي الله عليها المذيعه ..... ورى الباب تتجسس وطردتها(وهي اصلاً جالسه قدامي ماسوت شي بس بين كلامها تسكت وتناظر تحت وثمن تكمل لي ) قلت كيف هي المذيعه بنفسها تجي قالت لا هي ترسله لنا ( مدري جن او شيطان المهم تقول يجي ومكتوب عليه اسم المذيعه ويقول هالجني انا جيت من المذيعه ارسلتني لك اتجسس عليك)) قلت طيب كيف تطردينهم قالت معي ملك يطردها واحياناً بالمسدس يرميها(يعني يرمي الجن الي مكتوب عليها اسم المذيعه هو بدون ملامح مجرد اسم وبس هي الي تشوفهم) قلت طيب بشوف زيك كيف ؟؟ قالت لحظه ناظري للكنبه تشوفين احد ؟؟ وانا ناظرت ماشفت احد قالت ماشفتي الفنانه ........؟؟ قلت لا ماشفتها قالت الا دخلت تتجسس علينا وبعدين قالت لحظه جت تعتذر لانها تتجسس قلت بصير زيك ؟؟ماتقدرين هم قالولي انتي معجزه انا من اصحى اشوفهم قالت عندي لك حركه عشان تعرفين الناس وش قالت لك قلت وشو ؟؟ قالت بعطيك رقم وارسلي له قولي اريد المراقبه لهذي الشخص واكتبي اي احد تبين تتجسسين عليه قلت طيب عطيني ونزلت راسها شوي وبعدين كتبت لي الرقم تقول هم يجيبون الرقم لي ودخلت الواتس ولقيت صاحب عالرقم طالع من سنه ، وهذا الي يجيها احياناً يقولها فلانه بنت خالك تكلمت فيك كلام شين ونقلت هالكلام بنت عمتك وجارتها نشرت هالكلام عنك ، عجزت اصبر وخبرت اخوي لان ابوي وامي كبار بالسن ولااقدر اخبرهم رحت خبرت اخوي وصرخ وجاب اختي وتكلم معها وقالت جاني ملك قال لاتصلين وراح جاب شيخ وقرأ عليها مرتين ولا لاحظنا اي تغير وجبنا شيخ ثالث ولا فيه اي شي نفس الافكار بس صارت تسكت عشان مانعلم عليها وصارت تصلي بس قدام اخوي والله مو اختي الي اعرف كأنها شخص ثاني بين يوم وليله تركت الصلاة ولااااا ولا يأنبها ضميرها عادي عندها لاتقولون هذي كاهنه لا لان وهي تتكلم معي جالسه اقرأ المعوذات والكرسي ولا صار شي واعطيناها القرأن عشان تقرأ البقره تقرأ شوي وتتركه
كنت اقول فيها مس او عين لان صارت لها وهي صغيره عين ..بس شيخين قروا عليها ثلاث مرات وبدون اي نتيجه تكفون قولولي وش بلاها تتوقعون مرض نفسي ؟؟ واذا مرض نفسي وشو هالمرض وش اسمه ولو عين او مس ليش ماتشافت وليش ماصار عالاقل تحسن على قراءه الشيخ ابدد ماحست بشي بعد القراءه والله البنت بيضيع مستقبلها الي عنده حل او معلومه عن الامراض النفسيه لايبخل علينا وامس كلمتها قلت انتي حيرتينا معك وش انتي مسيحيه ؟؟ قالت لا انا لا دينيه واذا فتحت معها سالفه الصلاه وليش تركتي الصلاه تعصب وتصرف الموضوع واحياناً تسكر اذانها وامس عصبت وصرخت علي قالت (الله يلعن شكلك!!!)). وهي اصلاً ماتعرف اللعن وبعدين صوتها يخوف وهي تلعن .. مرات اقول فيها سحر يمكن احد سحرها لانها كانت مسجله بموقع فيه انواع الجنسيات قلت يمكن احد اثر عليها او احد اتصل عليها وسحرها او فيها مرض نفسي بس هي تغيرت فجأه ؟؟ دون سابق انذار وبقولكم اعراضها تناظر لسقف دائماً يعني بس ماتطول يعني كأنها تناظر احد فوق ماتتعدى 5ثواني بس الي يشوفها يشك بحالتها .. تسمع اغاني كثييير كأنها بتعوض عمرها الي فات ولا سمعت .. تحب الظلمة بس تجلس بالظلمه تكفون انقذوني وش الحل ؟؟ مرض نفسي ولا سحر ولا مس رحنا فيها لأحسن المشايخ وقرأ عليها ولا لاحظنا أي شي ؟؟