أيامكم سعيدة ، و اعماركم مديدة
........................ في طاعة الرحمن


أحب الذكريات و احتفظ بالاشياء القديمه و ما اقدر ارميها ،،
اليوم كان عندي فقرة ترتيب اغراضي ،،
فتحت الصناديق اللي غطاها الغبار ،، من زمان ما تفرجت فيها ،،
و اليوم عشان جلست ارتب قلت اصور و اوريكم قطعة من قلبي ،،

اقولكم سر ..!

ف الوقت الحالي ما احب احتفظ بشيء ، لأعوامي الجايه ،، احاول اقتصد اني اشيل معي ذكريات
عشان القلب بيكون اضعف و ما راح يتحمل الذكريات

ومع التكنولوجيا صارت الذكريات تسكن الهارديسك ،،
و لحد الآن عندي ثلاثة هارديسك <- هذي اللي ما تبي تحتفظ بشي خخ



يؤ .. بغيت انسى اني بنزل موضوع صور و حسبتني ف المدونه من حماس السوالف خخ


تعالو معي ،،









صندوقين من اهم الصناديق عندي
واحد يخص صديقة عمري و الثاني لي ،، و كل واحد بوريكم وش فيه







وردة من مسكتها ايام زواجها ، محتفظة فيها ف علبة ام اند امز ،، الحلاوة اللي كنّا نحبها ايام الجامعه
السكر كان ف مقهى : اول مره طلعت انا وياها ،، من الهباله اللي فينا كتبنا ع السكر ذكرياتنا و التاريخ
الميداليه اهدتني اياها قلب و اذا انفتح مكتوب حروفنا
و الكحل حقي ايام الجامعه ،، بريته الين صغر خخخ و تحسفت ارميه خخخ
و السلسال هديه من وحدة بس نسيت من هي خخخ لخبطت بين ثنتين







صورة مقربه




الصندوق الثاني :









رسايل من اختي الصغيره ،، يوم كانت صغيرة ،،
يوم وريتها اليوم تقول ترا كنت اسلك لك خخخ قلت لا و الله تحبيني خخخ
و اساور كانت تسويها لي








هذي الرساله قريبه ،، قبل ستة سنين تقريبا ،،
رسالة من انسانه عزيزة على قلبي ،،
كنّا نشتغل بمكان واحد ، جلسنا سوا ثلاث سنين بعدين نقلت ،، لكنها تركت أثر فيني زي الأثر اللي تركته فيها
و كتبت لي هالرساله للذكرى






عروستي ، تهبل ،، لحد يقول فيها شيء


،،

تذكرون ايام الاوتجراف ..!
نرجع ورا شوي و نشوف ثلاث رسايل اخترتها من اوتوجرافي القديم الاثري ،،
كان ايامها وناسه نخلي كل العالم تكتب لنا فيه خخخ





الابله الوحيدة اللي خليتها تكتب لي هي ابله " امل" ،، ابلة الرياضيات ،،
كانت هاديه و رايقه و كنت احبها مرره ،، الله يذكرها بالخير











هذي من اقرب صديقاتي لي ،، مدري هي ايام المتوسط و الا الثانوي <- تبي تتوهكم خخخ
لا و الله مدري بس هالثنتين كانو من اقرب الناس لي ،، و ما نسيتهم على انه مافيه اي تواصل معهم






،،،،


اقرب شي من الذكريات ،، رسومات بنتي ،،
فيه كثييير رسومات و رسايل غراميه خخخ
لكن بوريكم اكثر ثنتين يشدوني و يمكن بعدين اوريكم الباقي




هذي الرسمه يمكن عمرها اربع سنين او ثلاث ،، بس صغيره ،، شوفو حتى كاتبه اسمها بالمقلوب خخ
خوفتني هالرسمه و حيرتني ،، ارسلتها لمحلل رسومات اطفال ،، و حلل لي الرسمه
بس ما فهمت قرائته للرسمه و ما دققت فيها كثير ،،




الرسمه هذي شاركنا فيها ف مسابقة اولكر بس ما فازت




اخيراً





جوالاتي
ناقص بس اول واحد اشتريته ،، مدري وين راح ،، حزينه عليه
كان نوكيا النورس تتذكرونه <- انتي خليك ساكته خخخ
مستحيل ابيع جوالاتي




هذي بعض ذكرياتي ،،
و وصيتي لأهلي اذا مت يحرقون كل شي لي ،،
لا يحتفظون ب شيء لي




حزنتكم ف النهايه خخخ ،، معليش سامحوني
ان شاءالله تستمتعون بالصور