زوج أختي يحبني
 

أول شي أنا طالبه منكم الحل وأتمنى ما ألقى ردود تجرح

راح أكتب بالتفصيل


مشكلتي هي زوج أختي

أنا أصغر منها عمرها 23 وأنا 22 وزوجها 25


كل أسبوع يزورونا هي وزوجها صار لهم متزوجين سنتين

وخلال هذي الفتره كنت الاحظ أن زوج أختي مايشيل عينه عني كلما أطالعه القاه يطالعني وأستحي واشيل عيوني


بعدها بأيام لقيت رساله على الواتس أب من زوج أختي لقيته يسأل عن أحوالي وأنه يبي يكلمني عنده كلام مهم يبي يقوله
لما أطلع من مجلس الرجال أنتظره عند مجلس الحريم ببيت أهلي

أرسلت له طيب


لما جا اليوم ألي بعده سبقته للمجلس الحريم أنا جا ببالي أن صاير شي بينه وبين أختي ويبغاني أتدخل



لكن ألي صار أنه تحرش فيني وباسن.... والحمد الله أختي الصغيره مرت قريب وقدرت أنحاش لغرفتي


خفت مره وبكيت من الخوف قام يرسل لي رسايل أعتذار وصارحني أنه يحبني من أول ما شافني في زواجهم

ويسألني هل موافقه أتزوجه أذا طلق أختي


ما رديت عليه



لكن بعدها من رسايله وأنه بيعشني في نعيم ونظراته أذا زارنا مع أختي

بديت أميل له ولأن زوج أختي وسيم حبيته ):



أدري أني غلطانه وأني راح أدمر حياة أختي
ولا أقدر أصارحها بألي صار من البدايه


تكفون عطوني حل كيف أتصرف

حقيقتاً وبدون مجامله أنتي إجتمعت فيك صفتين وطغت عليك بكل ماتعني الكلمه من معنى وهي :

( الدلاخه و الهباله )

تتوقعين أبوك وأمك يرضون يوافقون عليه يتزوجك بعد مايطلق أختك ؟

أو أنكِ تظنين بأنك ستصبحين قرينه لأختك ؟

اقول لك : الله يصلحك إنتبهي على نفسك لا يضحك عليك ترين نواياه وسخه وأنتي أصبحتي بالنسبه له فريسه سهله

ممكن تخبريني انتي من وين لان كلامك صدمني بحاول استوعب

اهلا بكي عزيزتي

هذا الي تسوي غلط بغلط
وكيف تسمحينلة يقول كذا
انصحك تتركينا
لان رح تدمري العلاقة بين اختك وزوجها والعلاقة بينك وبين اختك
وبينك وبين اهلك
ورح تدمري اختك
واهلك ما رح يوثقوا فيكي
انتظري يمكن يجيكي نصيب افضل من زوج اختك
وزوج اختك هذا نيتة غير صافية
ان شاء الله الله ينورلك دربك
ويصلح حال زوج اختك
ودي لكي

الصراحه
الرد الي تبين تسمعينه ماحد راح يقوله لك ابدا

قبل مآ تفكرين بنفسك

فكري بختك وكيف راح يكون وضعه

وحطي نفسك في مكانها بضبط

وتخيلي الموقف جدا ناس مآ عنده ضمير

الحين ترك الكل ومآ ضاقت عينه إلا على آخت زوجتة

اصلنا هذا حتى اختك مايستاهله

فكري بعقلك مو بقلبك


وشيلي فكره طلاق اختك
وعيب عليك تفكرين كذا

لاتخسرين أهلك عشان انسان مايستاهل اساسنا

صراحةً ماأعرف كيف أرد عليك !!
لأني ماتعودت أرد بهذا الأسلوب
لكن موضوعك مستفز جدآ
حضرتك طالبه محد يجرحك بالردود !! هذا دليل معرفتك بالخطاء اللي واقعه فيه أنت وزوج أختك المصون
مافكرتي بجرح أقرب أنسانه لك (أختك ) !!
وكيف عندك قلب وتدعين الحب !
و تبغين تبنين سعادتك الوهمية الكاذبه مع شخص لم يغض بصره عن أخت زوجته
وكيف راح يؤتمن عليك ؟
هذا يقدر يمد النظر لعشرة غيرك
وضاحك عليك بأسم الحب
وكيف تسمحين لنفسك تتواصلي معه ؟؟
وكيف بيعيشك بنعيم ؟
أسالي نفسك مليووون مره ؟؟؟
أحفظي كرامتك
واتقي الله في أختك