|
ابى حل لزوجتي السلام عليكم ورحمه الله وبركاته من الاخر مابي اطول فرصه وابي اقول الي بخاطرى عندى زوجه ماتعرف النظافه كيف اتعامل معاها؟؟ يعني تتروش مرة وحدة في الاسبوع قسم بالله واحلف وانا صايم ان لها ريحه عرقها تدوخ الوحد حد الاستفراغ .وماقصرت معاها كل العطور الفرنسيه الماركات الغاليه اشتريها لها وعطور الجسم وانواع الوشن وكريمات معطرة بنكهات توت وفروله ..لخ للجسم بس مافي فايدة كم مرة لمحات لها واقول تروشي تنظفي بس مافي فايدة طول الوقت نوم النهار وسهر الليل مدري وش الحل المشكله لي منها اربع اطفال ولنا فوق 15 سنه متزوجين ومتحمل وصابر اول علشانى اهلى والحين علشان اطفالي.والله مليت احس الناس المتزوجين عايشين صح اذا شفت احد احسده لاني مغبون حياتي راحت وماعشتها مع انسانه مثل باقي الناس صحيح كنت اول احبها ومازل لها مكانه بقلبي الي الان بس ابى حل لمشكلتي اتمناء انها يجي يوم وتشوف هذة المشكله الي كتبتها وتقراها وتحس انها هي المقصودة . وشكرأ لكم واقبل النقد والردود لان مافي شي يبي يحسن الوضع g.s |
مادري وش اقولك الصراحه هي اذا ماحست بالشي ذا ماتقدر تغيره عندي احساس ان عندها نقص فتامين دال يجيها كسل بالاهتمام مالك الا حل واحد بس خايف الحل مايناسبك انك تمدح وحده من جماعتك قدامك وقدام اهلك يعني تمدح اهتمامها ل اولادها صدقني راح يشتغل عندها عرق الغيره وراح تتسبح بتيدول كل يوم :سكر: والله يسعدك يارب ويعينك |
بسيطة انسخ الرابط وارسله لها واتس هههه امزح معك ياغالي .. اعمل لها فحص طبي شامل بما في ذلك الغدد لربما تعاني من مشكلة تجعلها في حالة خمول وكسل دائم .. تحياتي |
اقتباس:
النظافة تعدمن ضمن النطاق التربوي منذ الصغر أي يعود الأبوين طفلهما على فعل معين يمارسه في كل يوم بشكل إيجابي مثل الاستحمام ونظافة الأسنان ورمي المخلفات في مكانه المخصص إلى إلخ وبما انك لمحت كثيرا وقت التلميح قد انتهى وأتى وقت التصريح وإلزامها في أن تستحم من كل يوم أن لم ينفع اهجرها في الفراش النظافة ليست فقط مظهر بل أسلوب حياة يقيك من الإمراض .. |
حالة وزا يا اخوك الله يعينك :MonTaseR_68: لكن عليك بالكمامات يما الله يفرجه هههههههههه النظافة مطلب ديني قبل اي شيء لو تنسخ بعض هذه العبارات او جزء من موضوعك وترسله لها او على قروب للعائلة لعلى وعسى ان يصل اليها او سو حركة مثلا قل فلانة اي وحدة قل نظيفة ريح عطره تشمه من مسافة غدي يتحرك شيء ايه صح انت فحصت خشمه عند مستشفى لا يكون بس ديكور وهي ماتشم شيء مقدر وضعك يالغالي :81: |
النظافة من الايمان اعانك الله اخي سؤال هل المنزل نظيف هل تهتم بنظافة الاطفال ام ان هذا شئ خاص بها !!!! |
عليكم السلام و رحمة الله وبركاته ... انت تقول لنا فوق 15 سنه متزوجين خلال زواجك 15 سنه لم تستطيع ان تصارحها ؟؟؟ وصبرت عليها ؟ يمديك تعودت على ريحتها ياشيخ ^_^ يعني الان نفذ صبرك عليها ؟ المسكينه ؟ ارجوا ان لا يكون هذا عذر لك لكي تريدنا ان نقول لك تزوج بالثانيه !!!! لو كنت تحبها فعلا و لها مكانه في قلبك اخبرها مباشرة وقل لها لا تهملين نفسك و اخشى ان يميل قلبي واتزوج امرأة خرى غيرك ! اهتمي بنفسك واعتني بنظافتك وعطري جسمك وقل لها انك لم تقصر معها في شيئ عليك ان تصارحها ولا تجعل هذا عذر لتذمرك منها ! انت تقول هنا احس الناس المتزوجين عايشين صح اذا شفت احد احسده لاني مغبون حياتي راحت وماعشتها مع انسانه مثل باقي الناس وما ادراك ان الناس عايشين مبسوطين وانت مغبون .؟ يمكن يوجد احد مثلك صابر وساكت لا تقارن حياتك مع حياة الناس لانك لا تعلم مايوجد بينهم فـ البيوت اسرار والان تذكرت هذا كله بعد 15 سنه ؟؟؟؟ اللوم الاول والاخير يعود عليك انت لانك لم تخبرها ولم تصارحها من البداية وهذا اسوا شيئ بين الزوجين وهو الصمت والتغاضي واخفاء المشاعر و الرغبات وعدم ذكر الملاحظات ربما زوجتك من النوع الي على نياتها او انها من بيئه بسيطة وبدوية لا تفهم شيئ في خطوات العناية بالنفس اجعلها تسجل هنا في منتدانا وتدخل قسم المرأة ولك وعد وعهد مني اني اكثف مجهودي لاجلها واعلمها كل شيئ وسأهتم بوضعها واعطيها من وقتي وانزل مواضيع لاجلها شخصيا و اتكفل بتعليمها واتابعها بنفسي واجعلها من افضل سيدات العالم ان كانت جاهلة وافضل من الناس الي تسمع عنهم انت ! وبامكانك مراسلة الادراة واخباري باسم معرفها ان تم تسجيلها بالمنتدى ^_^ سافعل كل شيئ لمساعدتك ومساعدتها . تحيتي لك |
المرأه لا تهمل نفسها إلا بإهمال الرجل لها وهذي المشكله منك أنت لو أهتميت بها وبمظهرها بطرق غير مباشره منذ البدايه ستحاول تلقائياً تهتم بمظهرها وبأناقتها أمامك في كل مره بزياده ولكن مادام وصل بكم الحال الى ماوصل فالحل الوحيد معك وهو ( تأفف منها وستتحسس منك وتنظف نفسها ) أما غير ذالك تأكد بأنك ستصنع لنفسك مشكله معها .. |
ممكن اسأل سؤال هل زوجتك تصلي . |
وعليكم السلام ورحمة الله وبركاته يعني صراحه من وجههة نظرري مافي احسن انك تصارحها و تقولها من غير تلميحات لانه مافي احسن من الوضووح ... |
كلام مطر الفجر صح ي اخوي ،، بس لا تمدح احد قدامها مهما كان ،، |
للاسف يالغالي هذا يدل على ضعف شديد في شخصيتك فلو انك رجل ذو كلمه لامرتها بصيغة الامر اغتسلي وتنضفي فالنضافه من الاميان لان كل راع مسؤول عن رعيته فانت من جعلتها هكذا بالتلميح وعدم الكلام المباشر اتمنى ان لاتعيب عليها امام الناس هذا اساسا ليس من المروئه ولا من شيم وقيم الرجال اتقي الله فيما تملك:x23: |
_ ولله مشكلة 15 سنة واجد:outhg!: دامها تقطعت فيك السبل ومافيه فائدة مالك الا تمسكها ودخلها الحمام تفك عليها الدش ولا ان طلعتو بالحوش ولع الدينمو وفك عليها اللي حق الماء :6ت7: |
15 سنه وأربع أطفال ونوم نهار وسهر ليل يبدو لي زوجتك تعاني بصمت وفي خلل في الموضوع أو تمر بمرحلة أكتئاب لأن مافي بنت ما تتأنق لنفسها قبل غيرها إلا وعندها مشكله تمنعها هل طول السنين هذي كنت تجاملها ؟ والأدهى والأمر لو كانت فعلا تدري أنك تجاملها أو يمكن هي تتمنى تتغير ولكن عندها عقبات صارحها وتصارحك حاول تفهمها ترى بعض الأهل مايعلمون بناتهم ممكن الوحده تتزوج لكن ماتعرف تصلي ولا تطبخ ولا تنظف ولا تربي هنا البلى في أهلها والدور أنتقل لزوجها يايكحلها يا يعميها ماينفع تشري لها ماركات وعطورات ومدري إيش لازم هي بنفسها تشري ع ذوقها هالأشياء الله يصلح مابينكم :22: |
موضوع فيه مبالغة وتعدت حدود المبالغة 15سنة ولاتستحم غير مرة واحدة في الاسبوع اين الغسل بعد الجنابة يا أخي فربما مرتين أو ثلاثة في الاسبوع ولم الصبر طوال هذه الفترة الطويلة وأيضا هناك أربعة أطفال الله يحفظهم لكم إذا لم تبنى العلاقة الزوجية على المصارحة فحقا هناك خلل وفجوة عميقة المرأة بطبيعتها حساسة عاطفية لو فقط بتلميح بسيط منك سيكون هناك تغيير كبير وفي المقابل حسب اهتمام الرجل بمظهره ونظافته سيكون له أثرا في شريكته هذا ما أحببت قوله |
| الساعة الآن 05:19 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا