| |||||||
| :: تنويه :: |
| | LinkBack | أدوات الموضوع | انواع عرض الموضوع |
06-13-16, 09:56 PM
| #1 | |||||||||||
  
| 
الخطوط الحمراء
- الوه - مرحبا .. - مين انت ..!!؟ - انا تركي .. - مين تركي ..!!؟ - هههههه انا تركي بن سعد اللي امه جت لكم اليوم علشان تشوفك وتخطبك لي .. - كيف .. امممم ... ايوه ... كيف .. يعني ... قصدي - وش فيك يا بنت الحلال صارت كلماتك متقاطعه هههههههههههههههه - لآ لآ لآ .. بس ... - عندك احد .. ؟؟ - وش تقول انت .. ................ انت اللحين وش تبي ..!!!؟ - عفوا .. اقول عندك احد .. انا ابي اكلمك اذا سمحتِ ... - كيف ..... انا اسفه ما اقدر اكلمك ... - وشلون ما تقدرين تكلميني .. عندك احد ..!!؟ - لا لآ ما عندي احد .. بس ما اقدر اكلمك .. - يعني مستحية .. - لا لآ .. مش مسألة حياء .. انا قصدي انا ما اعرفك علشان اكلمك .. - اقول لك انا تركي اللي امه جت لكم اليوم علشان تخطبك لي .. تقولين ما اعرفك .. مو انتِ تهاني - ايه انا تهاني بس .... لآ لآ لآ قصدي .. يعني الى اللحين ما صار شي ... - طيب .. وعلشان يصير شي لازم اكلمك قبل ... - والله ما ادري وش اقول لك .. بس انا اول مرة اكلم انسان غريب عني .. ومرتبكة .. ما ادري وش اقول - عموما كلامي معك راح يكون في حدود متطلبات الزواج وغيره .. - طيب .. طيب .. كلمني وقت ثاني .. - متى الوقت اللي يناسبك ..!!؟ - بعد الساعة 12 بالليل -لا لآلآ يا بنت الحلال .. انا عندي دوام .. وما اقدر اسهر بعد 12 - طيب .. اممممم .. كلمني على 11 .. زين .. - اوك .. - يا الله مع السلامة - مع السلامة تهاني بعد ما أنهت المكالمة كان قلبها يخفق بشدة ويبدو على ملامحها الخوف والانزعاج .. لاول مرة تكلم شاب غريب عنها .. وراحت تفكر بينها وبين نفسها .. [ يمه .. باسم الله عليّ .. وش يبي تركي مني .. وش عنده .. وليش يتصل وحتى الان ما صار شي في موضوع الخطبة ..!!!! غريب هذا الرجال ... لآلآ لآلآ والمشكلة جرىء مرررررة .. يسولف عادي .. وكأنه يعرفني من زماااان .. يمه منه ..] وراحت بينها وبين نفسها تبتسم وهي تحلم في الزواج ومن وقت المكالمة حتى الساعة 11 وهي تفكر وتفكر وتفكر وش بيقول .. وش عنده .. وهل استطيع ارد عليه واكلمه زين .. ولو سألني عن ......... وعن ........... وعن ............ هل ارد عليه بصدق والا اقول له أي كلام ... ولو ما صار بيني وبينه نصيب .. وش يكون موقفي من المكالمة ولو .... ولو .... ولو وكثرت الفرضيات والتساؤلات بينها وبين نفسها صارت مشغولة جدا وقلقانه بشكل غريب ومن ناحية ثانية تركي شاب تجاوز عمره 34 سنة كانت له تجربة مع الزواج دامت 5 سنوات تقريبا قريب عهد بالطلاق بأسباب عدم الانسجام بينه وبين زوجته الاولى مع انه احبها وتمنى ان تتغير وتتفق معه في اتجاهاته ولكن ......... يتمنى الان ان يُكتب له زواج اخر وفق منظور اخر حسب قناعاته حينما اراد ان يتزوج مرة اخرى جلس يُفكر بالسلبيات التي كانت بينه وبين زوجته الاولى يسعى الى تلافي تلك السلبيات قبل الخوض في مشروع زواجه الثاني يهدف الى ارتباط دائم وفق رؤية صحيحة بعيدة عن عادات المجتمع | |||||||||||
| |
| مواقع النشر (المفضلة) |
| |
المواضيع المتشابهه للموضوع : الخطوط الحمراء | ||||
| الموضوع | كاتب الموضوع | المنتدى | مشاركات | آخر مشاركة |
| جي جي ذو القبعة الحمراء | مطر الفجر | فنون مرئيه - رسم ، نحت ، كتابه ، أعمال حرفيه ( أعمالُنا ) | 19 | 03-04-17 10:09 PM |
| مراكش الحمراء | تراب الحياة | السياحه والسفر حول العالم •• | 25 | 01-17-16 12:34 AM |
| سر الخطوط الحمراء في معجون | ســـارا | معلومات عامه - كتب ومناهج تعليميه - لغات - تاريخ •• | 12 | 09-10-15 12:38 PM |
| وردتي الحمراء ... | EL President | ابداعات أقلام الاعضاء الحصريه للمنتدى ( أقلامُنا ) | 4 | 07-22-15 07:49 AM |
| سر الخطوط الحمراء في معجون الأسنان | M.ahmad | معلومات عامه - كتب ومناهج تعليميه - لغات - تاريخ •• | 4 | 06-10-10 12:56 PM |
| أصدقاء منتدى مسك الغلا | | |||||
