مشكلتي مع وزارة العمل
 

السلام عليكم ورحمة الله وبركاته

اسعد الله ايامكم بكل المسرات وكل عام وانتم بخير ..

عندي مشكله تواجهني حبيت اطرحها لعلي القى رأي ممكن يفيدني لأنني تعبت كثيراً من كثر المراجعات

أولا انا صاحب مؤسسة مقاولات ولدي مايقارب 60 عامل وموظف عليهم حسب النظام الي اجبرنا عليه 14 سعودي


عندي النشاط في السجل التجاري مقاولات عامة وكنت في غفله الى قبل سنه ونصف او سنتين تقريباً اكتشفت ان النشاط مسجلينه علي وزارة العمل تجارة الجملة والتجزئه لذلك هم طالبين مني توظيف سعوديين أكثر

ولو كان مسجل النشاط صحيح الي هو مقاولات عامة راح اكتفي ب5 فقط بدل ال14 سعودي الي كل شهر ادفع عنهم في التأمينات مايقارب 9500 الف غير رواتبهم .

راجعت وزارة العمل وطلبت منهم يعدلون النشاط رفضوا قلت لهم هذا السجل قدامكم مقاولات عامة كيف مخلينه تجارة جملة وتجزئة وحنا على باب الله ماعندنا الا الشي الي يكينا من وين لجدي تجارة جملة وتجزئة وهذه تجارة كبيرة جداً

كيف تسجلونها علي بدون اثباتات من رخص وسجلات . اكتشفت انهم بس يبون نوظف سعوديين يعني نصب x نصب
وانا وش ذنبي اكثر من 4 سنوات ادفع 9500 الف للتأمينات عن كل واحد 650 ريال للسعوديين غير رواتبهم بعضهم من 3000 الف وبعضهم من 2000 وبعضهم من 1500

وانا ابي تعويض على الي دفعته هذا الي مسجلينه كله ظلم وبهتاناً .وبعد عناء من مراجعات قالوا لي لازمتراجع وزارة التجارة وتعدل السجل

قلت اعدله لأي نشاط قالوا لمقاولات . طيب هو الحين مقاولات كيف اعدله لمقاولات قال لازم تراجعهم

راجعتهم وفهمتهم ولكن للأسف مافي تجاوب قالوا لي لازم تعدل رخصة البلدية .

ذهبت للبلدية قالوا لازم تعدل السجل بالأول .. انا بصراحه تعبت وقلت بسلمها لمعقب .. ف المعقب فهمته على كل شيء

وقالي هذا ظلم واضح اذا عدلت النشاط ماعاد لك أي تعويض وحقك الي دفعته لمدة 4 سنوات راح يخلون الخطأ عليك انك انت مسجل تجارة جملة وتجزئة .
وش الحل هل من رأي يفيدني هل اشتكي لديوان المظام او المحكمة . او اضل اراجعهم الان لي سنتين مراجعات بدون أي فائدة .

ولكم التحية

الله يعينك ،،
و اتوقع يبيلك رأي محامي ،،
و الله يسهل امرك

المحامي راح يطلب كشوف حسابات لرواتب السعوديين وانا اسلم بعضهم كاش وبعضهم احول لحسابه وبعضهم لحساب غيره يعني مافي يده شيء ممكن يثبت اني مسلم رواتب
حتى التأمينات رفضوا يعطوني كشف حساب يقولون عن طريق الموقع والموقع مافي .
شكرا يالنور .

أكثر وزارتين متلاعبه بأنظمتها هي ( وزارة العمـ ....... ) و ( وزارة البلـ ........ ) بغض النظر عن ( وزارة الصحـ ..... )

وأكثر الشكاوي من المواطنين في ديوان المظالم تتم على هذي الوزارتين تحديداً لأن أنظمتهم بنيت من محامي شاطر بطريقة غير مفهومه للعامه

فالله يعينك وييسر أمرك توكل على الله وأرفق شكواك مستدلاً بجميع المستندات التي تدل على الخطأ في ملف أخضر علاقي والى الامام سر لطابور السرى في ديوان المظالم ، وتأكد بأنهم سينصفونك في الأخير ولكن يلزمك الصبر والانتظار لسنوات طوال ..

<<<< إلا أقول وأنا اخوك ماعندكم سعوده ؟ :60:

ترى مافي حل إلا تنقل كفالة العمال وتصفي السعوديين ثم تبدأ من جديد أما غير ذالك ارى بأنه صعب عليك

صحيح قد تخسر الكثير ولكن قد تحل وتجنب نفسك من مشاكل أكثر مستقبلاً

اما لو ضليت كما انت عليه الآن سيعتبرك نظام مكتب العمل والعمال متلاعب في النشاط وربما يكسرون ظهرك بغرامات كبيره ومستمره لا تستطيع الخروج منها ..

حياك الله اخوي اللورد فعلا والله الي ينظر في نظام وزارة العمل نظام شيطاااني
وانا متردد وخايف اذا قدمت على ديوان المظام ان وزارة العمل بعد ما يوصلها صورة من صحيفة الدعوى أنها تصر على خطأها وتدافع عنه وأكيد لديهم محامين وحقي يروح فيها حقا محتار معهم حسبنا الله ونعم الوكيل اكلوني خسائر مدة 4سنوات ظلم

بالنسبة للسعودة فيه بس على نشاط فرعي لسى ماخلص حق شهرين :x38: