الطيب مع اهل الطيب له مواجيب
واللي ينصاني بالمواقف يالقاني

لقبل القرم السنافي اكثر له التراحيب
ولا النذل ولدالردي ماله الا الحقراني

كلن على ماتربا عليه يشب ويشيب
راعي الطيب طيب والظفعه عايش بالماني

بعضهم على كسب المراجل يكثر المواجيب
وبعضهم على الفشيله ماعوضها بثاني

و سلامي على من يقدر المكاتيب
و له في مجالس الرجال باع و مكاني

على ذكر المواجع والسفر والترحال

طويت آخر ورق عندي في دفتر أحزاني

طويته وانكسر قلبي وصوتي بالمواجع سال

ودريت ان الظلام اللي تحت كف السهر جاني

جلست أجمع مسافاتي وأغني للسفر موال

على صفحه من الماضي بها حلمي وعنواني

بها كم سافرت روحي وأنا بالليل وحداني

حبيبي كل ما اشوفك تجي بالذاكره تختال

نهر من فايض الذكرى يجي من داخل أشجاني

تخيل يوم عانقني خيالك خاطري وش قال

تخيل قبل أسولف لك سألني عنك وجداني

سألني لين خلاني مدينه هزها زلزال

تخيل ماهدى حتى لقاك بداخل شرياني

أروح لسدرة الموعد معاي لموعدك مرسال

وأخاف إنك تجي فبلي وترحل قبل تلقاني

هنا كانت ليالينا الغلا والمقبلات آمال


وهنا كانت مواعيدك مطر تخضر به أغصاني

هنا كانت نواظرنا سوالف في كلام أطفال

وهنا كانت عصافيرك على دربي تحراني

هنا شف باقي آثارك على رمل الوعد ما زال

وهنا شف دمعة طاحت من عيونك على شاني

حبيبي لا تسألني عن أوضاعي وكيف الحال

أنا بعدك سحاب أبيض أضم الريح بأحضاني

تسافر بي وأحسب إني وصلت لاخر وطن بال

صبرت وطال صبري لين مل الصبر من صبري

أبي بس أظفر بقلبك مادام الشوق لك مفضوح

ومادامك بالعروق اللي تحبك دايم تجري

أبي عطر الهوى منك حبيبي كل يوم يفوح

وبعلنها على الدنيا أحبك يا بعد عمري

حبيبي انت ما غيرك حبيبي قد سكن بالروح

ومن فكر يجي بعدك ترى بقول له بدري

تخيل كل ما تسأل بنبرة صوتك المبحوح

( حبيبي لو بسألك إيش رايك بعطري )؟

أذوب ويعترف قلبي ياعم العطر يا مملوح

بأنك تغري وعطرك مثل سحرك بعد يغري

كفايه باب خفاقي عشقك وصار لك مفتوح

وكفايه لو تغيب شوي أضيق وينشغل فكري

أنا ماهزني غيرك حبيبي بالبشر إنسان

ولا حبيت أبد قبلك ولا أفكر أحب ثاني

دخيل الليل والقمر أو نجم في سمانا ضال

ودخيل الحب وعيونك ودمع غرق أجفاني

أبي حبك يزلزلني يفجر داخلي بركان

أبيه يطهر جروحي يمحي باقي أحزاني

وأبيك تشد من عزمي إذا همي تلقاني

أبيك تشيل من قلبي معالم لوعة الحرمان

أبيك توقف بصفي إذا ظرفي تحداني

أبيك الصاحب الوافي يحيطني دايم بهيمان

أبيك العاشق المخلص يشافي دوم عطشاني

وأبي قلبك يواعدني لو خان البشر ما خان

أبي أطلب طلب واحد رجيتك وهو الأهم الآن

وأنا أدري مستحيل ترفض لأنك جد تهواني

(أبيك تعيش في قلبي إذا تسمح مدى الازمان)

(أبيك تشوف ماتملك في قلبي وما تعداني)

صدّق وإلا ما تصدّق .. أنا عاجز عن التفكير
تعال وشوف في عينك غيابك وش عمل فيني


حبيبي ما بقى عندي صبر .. يتحمّل التأخير
رحلت .. وعقبك الدنيا غلاها طاح من عيني


أجاوب اللّي يسألني عن أخباري وأقول بخير
وأنا لا خير بغيابك .. ولا حاجه .. تهنيني


على طاريك كل لحظه .. ولا أحتاج للتذكير
حريص القلب ما ينسى عيونك , لا توصيني


محد يقدر يعوّضني لأنّك .. في عيوني غير
ومهما شفت أنا الفرحه .. بدونك ما تسليني..


وكيف الحال وشلوني .. جواب ما يبي تفسير
بدونك إنت , ما تضحك حياتي وترمش سنيني


مثل شاعر عجز يوصف شعوره وخانه التعبير
أنا ضايع .. ولا أدري من فراقك .. أنا ويني


مثل طير كسر بعدك جناحه وما قدرت آطير
أحاول أبتسم وأنسى ولكن وش ينسيني..؟!


أشوفك في صباحي إنت معنى يا صباح الخير
وأشوفك في مسائي حلم وردي .. لا تصحيني



تصدّق .. السهر يرسم عيوني ويتقن التصوير
ويشق النور في صفحة حياتي .. وما ألاقيني



أنام شلون ومشكلتي عجزت ألقى لها تدبير
طلبت النوم .. لحظاته وعيّى النوم يعطيني



تغيّر وجهي .. من أوّل غيابك وإبتدى التأثير
حبيبي .. من التّعب كافي خذيت اللّي يكفيني



يا أغلى من رحل عنّي يا كل الحب والتقدير
تعال: إن كان لي عندك معزّه وكان تغليني



تعال: إن كنت تعشقني وإذا فعلا تبي لي خير
تعال: ومد لي .. كف الوصل .. وآمد كفيني



إذا كان الجفا واجب بدى من قلبي التقصير
أبيك الحين .. ترجع لي ولا ترجع تخليني



أنا ما أقول اللّي صار فيني ما هقيته يصير
لأنّي كنت .. ( متأكد ) .. بأن البعد ينهيني

أكيد انك على غفله نسيت وجبت لي سيرة!!

أو إني ما عرفت أعلمك وشلون تنساني !!

كثر ما كنت أشوف إن المفارق ضيقه ..وحيرة

كثر ما كنت أحس إنك ولهت ..وجاك ماجاني

أعرف الحب الأول ما يموت .. وما يجي غيرة

وأعرفك كل ما يطري عليك القرب ..تلقاني

أجل ما قلت لك ؟.:ساعة معك تسوالها ديره

علامك تزرع الغيبة قصيد وتحصد أحزاني

تغيب وما تبيني أطوي الدرب ومشاويره

وأنا لولاك ماكان القصيد يحرك أشجاني

إذا ماكل شاعر يكتب إلهامه وتفكيره

تعال إكتبني في دفتر حياتك ..وأعزف ألحاني

حبيبي والطعون اللي تجي من خنجرك ..خيرة

لان الجرح يأخذ هيبته من هيبة الجاني

تعبت وكل ذنب بغيبتك ماتت معاذيره

مثل ما كنت مسرف بالعطايا ..وأنت حرماني

تخيل حتى لو قلبي بديت أشعر بتقصيرة

أدور لك بداله قلب يعطي والعمر فاني

لو إنك تفهم إحساس الغلا وشلون تأثيرة

فهمت شلون ما شوفك ..وأجيب أسمك على لساني

تصدق عاد ..أنا والشوق والإحساس والغيره

جلسنا كل واحد يشكي غيابك على الثاني

أقولك شي ..وماتزعل علي..وتفضها سيره

أنا آسف..نسيت أعلمك وشلون تنساني

ب يغيب وصاحبه ما بعد غاب
وحب يدوم وصاحبه في غيابه
وحب يذوب خافقً ما بعد ذاب
وحب يداوي صاحبه من عذابه
وحب حياته كلها لوم وعتاب
وحب حقيقي ما يضرك عتابه
وحب بلا معنى وحب بلاأسباب
يبدأ غريب وينتهي في غرابه