|
وإن حكينا ماحكينا .. غير بـفـلان ومتاعـه " ! مايرد النفس عن درب السخط غير القناعه ’ والرضا حِكمـة تشـدّ العـزم ( بالحـزن الثقيـل ) مالنـا لا ثـار مـوج الـهـم وإشـتـد إندفـاعـه , غيـر دعـوة رب هـذا المـوج والخافـق ذلـيـل نوب نضعـف لا غزانـا الهـم وأتعبنـا شِراعـه ! نفقد الحِكمـة ونبحـر بالأسـى مـن دون حيـل " ونوب تِفقِدنا المصايـب مـن بلاويهـا الشجاعـة ] ونوب نخـوات الشجاعـة ترمـي الخافـق قتيـل || عايشين بطيب عيـش ونشتكـي ظُلـم المجاعـة ’ في مظاهرنـا سكـون , وفـي مخابرنـا فتيـل نشتكي ونقـول: جـرح الوقـت يـا كبـر إتساعـه الحقيقـة لاتمايـل ها آلزمـن قمـنـا [ نمـيـل ] ماخذتنـا هالليالـي .. بيـن أياديـهـا بضـاعـة .. ليـن جيناهـا عـروض .. وسعرنـا جـداً قليـل !! إن وقفنا ما وقفنا .. غير فـي وجـه الجماعـة / وإن جلسنا ما جلسنا .. غير عن فعل الجميـل وإن حكينا ماحكينا .. غير بـفـلان ومتاعـه " ! وإن سكتنا ماسكتنا .. غير عن حق ودليـل " ! تشتكي منّا أخـوّة .. أصبحـت وهـم , وإشاعـة ٍ || ليه خليتوا جروحـي .. مـن فعايلكـم تسيـل ... ! وتشتكـي منّـا مبـادي .مالقـت منّـا شفاعـة .. حقّها مُجحف وفينـا مالقـت درب وسبيــــل هالزمن لـو مايطيعـك طاوعـه وإحـذر خداعـه .. نوب تغرينا ملامـح , وسطهـا وجـه ٍبديـل ’ والشقا وإن طال غيمه .. تالي الغيـم إنقشاعـه .. ماخبرت الغيم يبقـى .. فـي سمانـا لـو يخيـل .. والوجع موجود طبّه .. بس يحتـاج لـمناعـة / والمناعة حزم قلب , وصبر , مع قلب ٍيشيـل | والزمن وإن زاد قسوة .. يبتسم لك لو لـساعة ’ وإن تبسّـم لـو لساعـة إحمـد الـرب الجلـيـل | إبتسامة عقب دمـع ٍ .. حـرّق الجفـن إلتياعـه " خير من دمع ٍفقد ضحكات من وقـت ٍ طويـل ... والله اني لشخص غالي حامل هذي البضاعة كاتب بـ إسمه قصيدة خل وخلانه خليل < بإختصار: إرضى بواقـع دنيتـك وإقبـل سماعـه ... واقتنع بأحكام وقتـك لوغـدى قلبـك عليـل " ,.. |
صح لسانك |
أبيات جميله تسلم الأنامل |
صح بدنكـ ي ام باسل اسعدني جدا مرورك ربي يعافيكـ ويسعدكـ مودتي لكـ واحترامي |
جير الخواطر كل الشكر لك على تواجدكـ الجميل اسعدني جدا مرورك ربي يعافيكـ ويسعدكـ مودتي لكـ |
بإختصار: إرضى بواقـع دنيتـك وإقبـل سماعـه ... واقتنع بأحكام وقتـك لوغـدى قلبـك عليـل " ,.. صح لسانك ابيات في قمة الروعه يعطيك العافية تقبل مروري |
| الساعة الآن 11:34 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا