|
كيف ابكتب بك قصيده توصفك وانتي قصيده ابشري بالشعر ياشيخة دواوينـه وتاجه لو طلبتي شاعرك يكتب لك من ازرق وريده بس انا لاجيت اباكتب ينشغل بالي بحاجـه كيف ابكتب بك قصيده توصفك وانتي قصيده لك دلال الشعر وغيابه وتعقيدة حجاجه بـك تغليه وجموحـــه وابتسامته العـنيده لك حضور النور والفجر وتفاصيل انبلاجه واسمه ورسمه وذعذاعه وطلاّته وعيده تذهلين الخيزران بسمح قدّك واعوجاجه تسلبين الريم فزّاته ولفتاته وجيده تشبهين الما ولا انتي الما ولو فيك ارتجاجه لا تشاقى طفل يلمس صفحته باصابع ايده لا تزمّي الورد في ثغرك ويتعكّر مزاجه من غواية شاعر ماانتي بطفلته الوحيده واغفري للشاعر المتلعثم ذنوب انحراجه والله ان الجرح الاوّل لكن الطعنه جديده شاعرك ماخاف جرحه ما يخاف الاّعلاجه لايريد اللي يقول ولا يقول اللي يريده ما دخل في سوق الا بعد مايعرف خراجه والنخل ساسه تحت الاقدام وعذوقه بعيده ما علينا كلما اشتد البلا قرب انفراجه طعنة ماتذبح الرجال يا (نوره) تفيده بعض ما فيني كتبته وان بقى في القلب حاجه لك على الخاطر كلام ولك على بالي ...................... للشاعر الممتع علي السبعان |
الله الله اش هالابداع والذائقه حاولت اقتبس شي وللامانه القصيده من اول حرف لاخر حرف جميله صحت ذائقتك تقبلي مروري +***** |
الله يعطيك العافيه ع طرح الموضوع رائع |
احلام منسيه كلمات فخمه وذوق سلم احساسك العذب الف شكر لك مانحرم . |
الله يعطيكـ تمام الصحة والعافية على روعة إنتقاءاتكـ النقية كلمات في غاية القمة والجمال يسلم لنا ذوقكـ ياغلاهم ودي لكـ واحترامي |
شيخ الذوق تواجدك هنا اضاف الجمال والروعه أج ــمل وأرق باقات ورودى لردك الجميل ومرورك العطر لك خالص احترامي وتقديري :111: |
| الساعة الآن 11:50 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا