تنازلي ينقص من قدري
 

السلام عليكم ورحمة الله
انا بنت و ابي رأيكم بدون مثاليه خاصة البنات
وش رأيكم بالي تحط زواجه بس رجاجيل ما يحضرن الحريم
فيه أسباب المهم منه اني حسيت زوجي ماديته مهي ذاك الزود مع أجار الشقه و اثاثه و السفر و يصرف على امه و ممرضه لها و اختين له و تعرفون الي صار مع هالرواتب هو ما شكا لي بس انا لاحظت و حسيت من حاله و نفسيته و ما تسوا اضغطه على ليله مهي طالعه مثل الأحلام و على ناس والله ما يستاهلون لا خوال و لا عمام
بس تعرفون الرجاجيل تلقينه بكره يعايرك بها ويشوفني ناقصه اخاف انكب عمري هو طيب و يستاهل و اشوفه يضغط نفسه يجيب لي الزين ما قال ظروفي بجيب على قده بس الرجاجيل ما تعرفين لهم فيهم انفصام يخلونك تندمين على طيب هي زواجاتنا عايليه بس هو بيسويه لخاطري و انا و الله سكت عشان ما بين ناقصه و لا ما ودي به و لا يفرحني انه يحط قاعه و هالخرابيط
أقوله و لا وش رأيكم

******
اضافة :للي بيقترحون انه يصير على اهلي و اهله ما قدر انه يصير الزواج اهله و اهلي بس بدون احد يا يلغى الحريم يا ينحطون

اشوف مافيه مبرر انة ما
يكون فية اشهار لزواج بفرح ابسط حقوقها تفرح بنفسها زيها زي كل البنات
مو شرط قاعة وعشاء فاخر فيه استراحات اسعارها جدا مخفضة بمتناول الجميع
وصدقيني الله بيسرها
هذا رائي كام وبناتي في سن زواج
اذا كان هو مو مستعد لزواج الان عادي يأجله فترة لانة هالاشياء البسيطة ممكن تكون شرارة خلافات قاتلة بينهم في المستقبل
الله يوفقك ويسعدك ويسخرلك كل خير

الله يجزيكم خير جميعا
بس الزواج ما ينفع يصير اهلي و اهله ... يا رجال بس يا قاعه