على الهون ياجرح المفارق وضيق البال ...
 

https://pbs.twimg.com/profile_images...rS_200x200.jpg



على الهون ياجرح المفارق وضيق البال ..
.. .. .. .. .. .. .. .. على الهون ياهمٍ سطابي وقدّرته .!
اعزك لو انك جرح ومجاهدك قتال ..
.. .. .. .. .. .. وروضت جسمي لأجل سقمك وصبرته .!
لأجل من ملك قلبي من الجال لين الجال
.. .. .. .. .. .. .. وفجّيت له بابٍ عن الناس سكرته .!
وحطيت له عن شمس قيظ الغرام اظلال ..
.. .. .. .. .. .. وشـيّـدت له بـيـتٍ بقلبي وعمرته .!
عشقته ودلّلته وجرّيت له موال ..
.. .. .. .. .. .. وتخـيّرت قـربه لـيـتـني ماتخيرته .!
رعى ريف قلبي لين صارالحشا مدهال ..
.. .. .. .. .. .. وعــن مـدهـله جنّبت غيره وذيرته .!
سقيته من عدود الغلأ والغرام زلال ..
.. .. .. .. .. .. .. بعـد ماجذب مــن دم قلبي وصدّرته .!
اداري عليه من الزعل وأزعل العذال ..
.. .. .. .. .. .. .. وخطاه ان كبر في عين غيري تصاغرته .!
ترافقت انا وياه من يوم كنّا اطفال ..
.. .. .. .. .. .. .. .. تكوّن غــلاه بوسـط قلبي وكبرته .!
قبل مايغطي ليله المنتـثر بالشال ..
.. .. .. .. .. .. .. .. سرقت الكرى من نون عينه وسهرته .!
نقش كل حرفٍ من حروفي على السلسال ..
.. .. .. .. .. .. .. .. تباهى بها واغاظ ناسٍ مجـاكرته .!
وكتبت القصايد في عيونه على اليامال ..
.. .. .. .. .. .. .. .. ولامرني صــوت النواخذ تذكرته .!
تكاثر علي الله يجازيه كيف الحال ..
.. .. .. .. .. .. .. .. وانا يوم أسوق العمر له ماتكاثرته .!
وبعد كل هالتقدير والحب والإجلال ..
.. .. .. .. .. .. .. .. تغيّر وهقواته عـليـه مـغـيرته .!
لبسته ثياب الغطرسه لين جاء يختال ..
.. .. .. .. .. .. .. .. وكبر في عيونه يوم الأوهام غررته .!
واذا السالفه ضحك ومهازل ولعب اطفال ..
.. .. .. .. .. .. .. خبطت الغصن لين أبرق الريش طيّرته .!
خلصنا وقفلنا الصناديق بالأقفال ..
.. .. .. .. .. .. .. .. ومن جور حكمه كامل القلب حررته .!

ذائقية جميلة من شاعر كبير و مميز و مبدع وغني عن التعريف

تركي 2000

أحب هذا البيت

ونقش كل حرفٍ من حروفي على السلسال
.................تباهى بها و أغاظ ناسٍ مجاكرته


تقبلي مروري حكاية طفلة ،

لا تحرمينا من مواضيعك المميزة دائماً

أخوك / أنا فداهم

اخوي انا فداهم

تسلم على هالطله
جد تركي 2000 له ذوق خاص ومبدع

تسلم لي على هالمرور منور خيو ❤

منور اخوي شيخ الدوق