تغير زوجي المفاجيء
 

مشكلتي معقده أحياناً أقول بنفسي مابي أظلمه لكن في نفس الوقت لازم أكون حذره علشان أحافظ على بيتي

تعامل زوجي معي من بداية حياتنا كان فيه نوع من السيطره على كلامه ما يستغني عني

كان يحرمني أنام أخر الأسبوع عند أهلي لما يجتمعون أخواتي بس يسمح لي بالسهر ويرجع يأخذني بعدها يطلع لأصدقائه و يتركني بالبيت

حتى المناسبات والزواجات مايسمح لي أكثر من السهر وكان يتعمد يجي يأخذني بدري على الساعه 12 هو أحق من الناس بالنظر في زينتي



حتى لما أمرض مستحيل يأخذني لطبيب وكان يصر على الطبيبه والسبب أغار عليك




وبدأ يخف بالتدريج صار لنا متزوجين سنه ونصف


لكن من شهر تغير تعامله معي مو أنه كان سيء معي أو ما يحترمني بالعكس محترمني ويلبي لي طلباتي


لكن يحرص على راحتي يعني يطلب مني كل يومين ما أطبخ غدا ، يساعدني في شغل البيت !!



أول أشهر زواجنا فوضوي ويرمي ملابسه على الأرض وأن البيت مسؤوليتي !!



أستغربت منه مايسوي شي بالبيت قبل وهذه الفتره لما جتني أنفلونزا سوا لي كوب حليب أخر اليوم !!





ونفس الوقت زاد أهتمامه بنفسه وشكله ويشتري عطورات ويفصل ثياب جديده يروح للحلاق مرتين بالأسبوع !!


أحس الموضوع فيه إن فتشت جواله لكن مالقيت شي لكن التفكير جاب لي الهم


حتى الأنجاب رافض الفكره على كلامه لسه بدري لأن عمره 26 وعمري 25

طنشي كل اللي يسويه بس الانجاب لازم تصرين عليه

كل لما كبرتي في العمر يكون الحمل صعب عليك


الحين طايحين شاب متزوجين. يتزوج يكون عنده خويته، لوقت حاجه

اكبر ما يخرب البيوت هو الشك دام تقولي طيب معاك ومتعاون ولا يضايقك
ليه تحفرين وراه ايش بتشوفي مثلا افرضي مسكتي علية شي طيب والحل بتطلقي
وهو بيروح يتزوج ولا شي مافيه اسهل منها ولا احد بيقولة ليه طلقت وانت تعتبر حياتك انتهت لانه البنات ماحصلو عرسان كيف مطلقة
وخير يا طير يهتم بنفسة الشباب كلهم صارو كذا بسبب المشاهير تفتحت عيونهم على الموضه واخر صرعات الماركات ماعرفنالكم اهتم بنفسه قلتو شايف له شوفة اهمل قلتو ابو سروال وفنيلة نصيحة ام لا تسمحي لاحد يخرب بيتك وبذكائك كأنثى اكسبي زوجك واسحرية فيك ولا تطلقي وانحبسي بيت اهلك وافتحي لك حساب انستقرام وصلحي ورق عنب ويمر العمر وماحد لك اخوانك بيعشو حياتهم وانتي كل شي عليك محسوب وتحت المجهر
وبخصوص الإنجاب هو صادق مو وقتها المفروض ذا الشي يسعدك امان لك
وهي بتجي متى ماكتب ربي ماضنها مشكلة

اسمعي كلام أختي نوره ما شاء الله

و لا تفتشين ترى التجسس و التحسس منهي عنه بالقرآن
و الشك و الوساوس بتجيب لك الهم بس

تسنع و الله هذي الساعة لمباركة

خليك معه زي العسل و اهتمي بنفسك معه
ما تدرين يمكن يسمع نصايح من اصحابه او من مشايخ أو برامج في ضرورة اهتمام الزوج بزوجته عشان كذا تسنع
لازم يكون في سبب شين عشان يتغير ؟


تعوذي من الشيطان و لا تعكرين صفو حياتك
الله يهنيكم يا رب

بالعكس الله يجزاه خير