البارحه فى غبة الوصل سباح واليوم من عرش المواصيل مخلوع ياصاحبى صرح الهوى والوفى طاح والقلب كنه من عراويه مقشوع |
بيني وبين الصمت عشره من سنين،،. واخاف اخون الصمت لامن تكلمت بعض الحكي يوجع ولو كان حرفين،،. وش ينفعك لامن حكيت وتندمت |
ان كان تغليني غلاً مثل ما غليـك مجبور توطا بالهوى مـا وطيتـه إلى متى راحت حياتي وأنا أرجيك الله لا يقطع رجـاً بـك رجيتـه لو كان تنسانـي فلانـي بناسيـك حـقٍ وذا ذنـبٍ لنفسـي جنيتـه |
خذ من الصمت مايكفي لـ سجن الكلام ولاتسولف على حزنك ودمعك بخيل!! اول الحب لهفه وانتظار وغرام وآخر الحب غصّه وإنكسار ورحيل |
صب لي من كاس ضحكاتك نبيذ ودي أشرب مـن تفاصيلـك خمـر 🍻 . وإن سكرت و قلت ياربــي لذيـذ لا تعاتبني وأنا في حالة سكـــر ..! 😍 |
طاريك يسرقني لو اني مع الناس وأروح مع ذكراك محدٍ درى بي .! |
_ صوتـك يمر إذني ويسكن شعـوري .. حتى ولو تَعتب علي .. ما يخالف ! كثّر سواليفك , وشبّع , غـروري .. أنا معك بالذات .. أحب السوالف :نبض: |
ياناس لي صاحب ودي على طول أجيه الصدر له ينشرح والقلب يشتاق له اشتاق وأجيه وارجع منه وعود عليه كل الأحاسيس مدري ليه تنساق له |
_ أحيان نكتب شعْر ، وأحيان نُكتَب ، وأحيان نعجز نوْصف اللي نحسه ! لو كل ما يطري " نقوله " بـ نتعَـب ، بعض الحكي ، عن مجتمعنا ندسّه ! / |
من قال احبـك لا تصــدق كلامه حتى تشوف من المواقف براهين جــرب تشــوفه فـ الزعل والملامه يشري وجودك او يبيعك على مين ؟؟ |
_ - مشكلتي إني : رغم بُعدك و نسيانك ! لـ الحين عندي : شعور انك : بـ ترجع لي . |
أنا التناقض بطبعي بس باصوله مرات بلسم ومرات أسقي السمي روحي ما هي روح روحي كنها دولة ما يهزها ريح او تتاثر بذمي |
_ عتق فمّ الحيا من قيد سجنه وراحت تركض ابياته عجُوله يُوصف حسنها ، تحمر وجنه حبيبة قلب شاعرها خجُوله . |
عشقت الشعر من صغر سني وكتبت الشعر . . ووزنة قافه لو اقابل . . من الشعار جني اوقف في وجهه .. ولا اخافه .. بقلمي .. |
صح لسانك استاذ نجم ضاوي ......... من عز نفسه مآ يذلونه النآس و من ذل نفسه لآ يدور معزه والحر يكفخ بالسمآ دون مقيآس وعش الحمام يطيح لآ أهتز هزه مما راق لي |
مـآإ نـؤويـنـآإ آلـبـعد مـن شـي قـليـل..! قـلـؤبـنـآإ لـآإ عـآإفـت عـمـرههـآإ مـہ تـحـن"( ! . . . |
قلب تمادى في ذنوبه ولا تاب ينهي الخطأ الدايم ويرجع يعيده عقب السنين اللي مضت نرجع أغراب وشلون ابلقى لي حياة جديدة طقت على قلبي قبل تفتح الباب كانت حزينة بس فرصة سعيدة |
حنا وجيه رجال ونخاوي رجال نكسب رضاها قبل تكسب رضانا وترا الردا واهل الردا مالهم فال لا في مخوتنا ولا في مستوااانا |
فدا عينك فدا رمشك فديت خدك البراق فديتك لاتخليني |
إذا مزج حبر القلم دم الأطراف يصير لي معنى عن الناس خافي |
_ فاتنــة تسرق عيون الحاضرين كنّها تغفى شوي .. اليا أرمشت وقفت كل الشباب ( الجالسين ) وقهرت كل الصبايا ثم .. مشت :نبض: |
دوروا لي قلب يشبه لـ امنياتي؛ يشبه اطباعي يضيق و ما يعلّم ! دوروا لي قلب حساس و يحاتي؛ لي متى و انا انجرح و لا اتكلّم ! * |
اموت انا فيها .. وتموت فيني وكل منا . . في الثاني يموت اشوفها في الكون نور عيني وهي في اهداب عيني تموت ... بقلمي ... |
_ عسى الجرح الذي يدنيك اشوفه عنك يبعدني وانا اللي اكرهك واحبّك شعوري صعب تفسيره حسيبك يالهوى الظالم حسيبك لا تعاندني بـ يلقى صاحبي غيري وبلقى في العرب غيره / |
رقيق القلب واحساسك رقيق كل شي فيك يلفت انتباهي ثقيل شخصك وتفكيرك عميق العيون وساع والقلب ساهي ... بقلمي ... |
واللـي خـلـق يالغاليـة نعـمة الشـوف محد(ن) يسـاوي عند عيني غـلاتــك ولولا الحياء يابنت الاجواد والخـوف لا اقــول احـبـك فـوق حـبــك لـذاتــك |
الناس والدنيا منازل بلى ساس رحيلهـا وان طولـت مقتفيـهـا هذي هي الدنيا وهذي هي الناس خسران من علق هقاويه فيها |
بيديك مديت لي كاس المحبه وصرت ............ انا أول اللي يذوق المر من كاسها من يومها وانت قدام عيني ولو ما ظهرت .............. دايم وعيني تشوفك بين جلاسها قدرت ولا على نفسي معك ماقدرت ............. لا زاد عنها غيابك زاد وسواسها |
ما هو فقط على الصعيد المحليّ / في دوري الابطال يكمل مسيره ، هو #الهلال النادي الفاخر الليّ / خلى النوادي كلها تموت غيره حمد البريدي |
:ههه: اتعب مـن التفكير و ابليس ملعون يطش راسي في علومٍ .. ما أبيـها ..!! و العقل واحد و الهواجيس .. مليون و الظاهر ان عقلي يبي يروح فيها ..!! |
رساله الى مسك الغلا ... الاهلي في عيوني النادي المحلي لا لعب . . ضد الهلال . . يهد حيله الله يا الملكي بطل . ولعبك يسلي عز الله اللي مايعرف تأريخك هبيله ... بقلمي ... |
صح لسانك يالنجم |
_ تفنن ياهلال المجد وغرد بأعذب الألحان ملايين البشر لعبك بكل جنون يهوونه نحب مشاهد الكوره من أجلك يا أزرق الألوان على خضر الملاعب فن غيرك ما يجيدونه :نبض::نبض: |
صح بدنك .. عاشق الشعر .. .. رقة انثى .. ما نفعكم غير ابو زنده والمهنا هذا الهلال . . وهاذي مساعيه على حس غش الفرق فرح وتهنا الغش والرشاوي . هذي مباديه |
_ انا ماتبت ، احبك اكثر من اول لو انك عن عيوني غبت ولو انك تجرح احساسي وانا يامُنيتي ناسي ، اذا حبك مرض فيني؟ عساي من المرض ماطبت :نبض: . |
اقتباس:
بحاول فيما بعد باذن الله .. صح لسانك ولكن لنبتعد عن العنصريه ترا كلنا سعوديين :رحيق: |
الود ودي احطك وسط عيني واغطيك وامتع العين بشوفك . . يا نظر عيني عن عيون الناس . يا غلا الروح اخفيك واهنا بقربك .. ما بقى .. من سنيني ... بقلمي ... |
اقتباس:
ههههههههههههههههه لا يامسك الغلا الله لا يجيب العنصريه بيننا ... وانا عمري ما كنت عنصري ... ما كنت الا امازحك مزاح اخ لاخته فقط ... صح بدنك وكلك اخيه ... الشعر ماهو كل شي اهم شي الاخلاق وادبك تغطي على كل شي ... والشعر يهبه الله لمن يشاء ... الله يوفقك يا مسك ... واعذريني على الاحراج ... |
_ الصمت يكفي ويشفي صـدر راعيه لا صار كلّ الحكي ماله .. معــاني :رحيق: .! |
هذا يقول بغيبتك ما أقدر آعيش. وهذا يقول بغيبتك ماني بحي .كلام كله كذب في مرحلة طيش. شفهم تخلوا عن بعض ماحصل شي! |
الساعة الآن 09:19 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا