01-05-17, 03:03 PM
| #1 | |||||||||||||||
 
| 
شهر العسل وجولتي في اوربا (1) المحطة الأولى زيوريخ
السلام عليكم في شهر 9 ميلادي كانت سفرتي لشهر العسل وكان الجدول جولة في اوربا لمدة 14 يوم وبداية الجولة كانت في مدينة زيوريخ السويسريه وتعتبر من اكبر المدن السويسريه والأحسن معيشه وفيها اكبر المصارف والبنوك وتتميز بطبيعتها الخضراء الساحره وتسمى قلب اوربا النابض انطلقنا من مطار الدمام الى مطار قطر لان رحلتنا كانت على الخطوط القطريه كانت طيارتنا تقريبا من الدمام الفجر  الرحلة ماطولت بحكم قرب المسافة وصلنا مطار قطر وطبعا المعلم الي لازم كل من يروح مطار قطر يتصور معاه ويصوره الدبدوب  وانطلقنا بسم الله الى الطيارة المتجهة الى وجهتنا (زيوريخ )  ووصلنا للأراضي السويسريه وسبحان الخالق بدت تظهر لنا طبيعتها الساحره من الطيارة وهبطت طيارتنا وخلصنا الأجراءات , وكنا خايفين مايدخلونا لان فيزتنا فرنسيه بحكم اكثر اقامتنا في اوربا في فرنسا , لكن وجهتنا الأولى كانت في سويسرا لكن الحمد الله كان تعاملهم طيب  وصلنا للمنطقة الي فيها فندقنا خلصنا اجراءات الدخول وحطينا اغراضنا وانطلقنا نستكشف طبعا منطقتنا اسمها منطقة (الباهنهوف ) اشهر منطقة في زيوريخ وتشهر بأسواقها وفيها زيوريخ القديمه ونهر الليمات وبحيرة زيوريخ  واخذنا نتجول في هالمدينة الساحرة , وشوارعها العتيقه الصامدة  استوقفتنا هالبحيره الي تخطف الأنظار (بحيرة زيوريخ ) سبحان الله ماقدر اوصف لكم كيف المنظر كان مريح , رغب التعب الي فينا ومواصلين الا انا المنظر هذا كان ينبع سعادة  وهنا نهر الليمات  قرصنا الجوع من كثر المشي وقلنا نبغى ندور مطعم ناكل فيه ولا نبغى نخاطر وجلسنا ندور مطعم عربي او على الاقل فيه اكل يقدر الواحد ياكله شفنا واحد عربي صاحب مطعم وقلنا ناكل فيه ونتوكل ع الله هههههه واضح واصلين لمرحلة جوع خطيرة  طبعا القصة الحزينه هنا ان الأكل ماكان كويس صراحه الله يحفظ لنا النعم ماقدر اقول الا الله يكون في عونا هذيك اللحظه هههههههههههه حاولنا ناكل ونجامل لكن ماقدرنا بعدها كملنا استكشافنا واخذنا لنا من العربات بطاطس  غابت شمسهم واحنا سيطر علينا التعب قررنا نروح الفندق وننام واحنا راجعين الفندق على اقدامنا وقفني مره ثانيه هالمنظر في الليل احلى !!  وهذا كان يومنا الأول يوم الوصول في زيوريخ راجعه لكم بيومنا الثاني ورحلتنا لشلالات الراين | |||||||||||||||
| |
|
01-05-17, 03:22 PM
| #2 | |||||||||||||||
|
اليوم الثاني صحينا طبعا من بدري حتى قبل تشرق شمسهم هههههه وطبعا مانبغى نفوت ولا لحظه استعدينا وطلعنا والجوع لازال فينا بعد وجبة امس هههههه نزلنا تحت للفندق وقالو لنا باقي مافتح الفطور بيفتح بعد ساعه طلعنا نتجول في الشارع وفي المناظر  طبعا هذا المنظر الساعه 6 عندهم تمشينا وحطينا خطط ان احنا نروح شالات الراين ورجعنا نفطر  الفطور كان عكس وجبة امس كان لذيذ خصوصا البسكوت الصغير بالشكولاته طبعا بلد الشكولاته بعد الفطور توجهنا لمحطة القطار لحجز تذاكر الى شالالات الراين وكان الطريق عباره عن جنة    حجزنا التذاكر وتيسرنا الى شالات الراين شالالات الراين موقعها بين المانيا وسويسرا يعني دخلنا الحدود الألمانيه تعتبر ثالث اجمل شالالات في العالم وصلنا الشلالات وسبحان الله لاشعوريا من تشوف منظر تدفع الشلال وصوت المويه تحس يبدا قلبك بضخ النوم وتجيك طاقه ايجابيه  طبعا دخلنا الدخول مجاني لكن اذا تبغون تاخذون القارب الي يلف فيكم بالشلالات تقريبا 3 فرانك اخذنا قارب ومن ضمن الفعاليات بالقارب ينزلك جهة جميلة جدا وتقدر تطلع درج تشوف فيه الشلالات من المرتفع بس كان جدا خطر وانا وزوجي نخاف من المترفعات ههههههههه وبعد الجولة الجميلة شفنا كشك وجلسات تطل ع النهر وزحمة عليه قلنا من الخيل ياشقرا كان يبيع بطاطس ومشروبات  وبعدها اخذنا نتامل في خلق الله والشلالات الجميله وجا موعد العوده طبعا الطريق تقريبا ساعتين بالقطار مع الوقفات  رجعنا واستسلمنا للنوم وخلص يومنا الثاني اليوم الثالث والأخير .. لي عودة | |||||||||||||||
| |
|
01-05-17, 03:28 PM
| #3 | |||||||||||||||
|
اليوم الثالث كانت الخطة نروح القمة الثلجية تايتلس لكن كانت الأجواء ممطرة والطريق خطر لذلك قررنا نقضي اليوم بالتسوق وفي منطقة الباهنهوف  استعدينا وطلعنا وكانت الجو ممطر ومع نسمات باردة  وقفنا نتاول الفطور الي من جد هي احلى وجبه عندهم  بعد الأفطار تجولنا ورحنا عند جسر الأقفال   وبما ان هذا الشارع من اشهر شوارع العالم في التسوق رحنا نتسوق وطبعا اخذنا ساعات ههههههه  نجي سويسرا وماناكل شكولاته ! لاه طبعا في نهاية اليوم رحنا مقهى نتاول الفوندو السويسري والكيك بس الفوندو كان جدا ثقيل الي يحب الشكولاته حيل يعجبه الي عجبني الكيكه هذي  ورجعنا بعدها الفندق نرتب اغراضنا وننام عشان من بكرا بنروح مدينة اوربية اخرى وانتهت جولتنا في زيوريخ مدينة السحر والجمال ان شاء الله عجبكم التقرير ولي رجعه لكم بتقرير ثاني عند مدينة اوربيه ثانيه تحياتي | |||||||||||||||
| |
|
01-05-17, 03:33 PM
| #4 | |||||||||||||||
 
|
ماشاء الله تبارك الله تصوير جدا جميل ومدينه جدا رائعه ابدعتي بالتصوير تسلم عدستك وتسلم ايدينك ابداااااع فى كل الحالات  موضوع مميز | |||||||||||||||
 |
|
01-05-17, 03:39 PM
| #5 | ||||||||||||
  
|
ماشاءالله عجيييبهه زيوريخ من زمان كانت فيني امنيه ازورهاا والصور اليممممهههه حسيت اني سافرت معكم من جمال وضوحها ودقتها ننتظر الدوله الاوربيه بحماسس | ||||||||||||
| |
|
01-05-17, 03:51 PM
| #6 | |||||||||
|
ماشاااااء الله اول شي مبروك الزواج الله يهنيكم ويسعدكم ويكتب لكم الذريه الصالحه جولة اوربا ماعليه كلام وخصوصا سويسرا | |||||||||
| |
