02-01-17, 09:18 AM
| #1 | |||||||||||||
  
| 
رواية خفايا الروح ( منقولة )
المقدمه (ابو فيصل )..... (ناصر).. رجال كبير في السن حوالي عمره 45سنه ومتقاعد وعنده ولدين وثلاث بنات (فيصل عمره 24 سنه ).. ولد حبوب حيل وطيب وقلبه كبير على خواته وعصبي حييل لمى يقوم من النوم ..(ومناير 22 سنه ).. مراه حبوبه عندها ولد اسمه صلوحي وهي قلبها كبير مره ...(ووصايف 20 سنه ).. هي بطولة القصه ... بنت تخفي في قلبها سر كبير في خفايا الروح (ونوف 18 سنه).. بنت مرجووجه لدرجه تتمنى في يوم تنقلب ولد وهي بنت حالمه بس حبوبه حيل واخير...( نواف 14 سنه )... ولد غريب دايما برى البيت ويحاول يعلم نفسه بنفسه من غير مساعدة احد ام فيصل زوجة (ابو فيصل ) اسمها (نوال ) ....عمرها 41 سنه اميه لا تعرف الكتابه ولا القراء بس تعرف تقراء اسمها اعيالها هي حاره وتعصب بسرعه ....عكس زوجها .... ((ابو خلف ..))(( صالح )) عمره 47 متقاعد من وزارة الصحه كان شغلته بسيطه وعنده ثلاث اولاد وبنت .... ((خلف عمره 26 سنه )) زوج مناير وعنده ولد طبعا كل قرارته عند امه وهو خاتم بيدها .....((يوسف 23 سنه )) .. ولد حبوب ودمه خفيف يحب البر كثير ورجولي اكثر من خلف واهم شي يعاند امه في كل شي ......((. عهود 19 )) .... بنت لها وجهين تقريبا يعني ما تعرفونها عدل مع الطيبين طيبه ومع الشر شريره ((عبدالله 16 سنه ))... عبدالله دوره في القصه مو اساسي ولا ثانوي عادي ((ام خلف )) ...(( شمى )) .. اصغر من زوجها بسنه وهي مره كشره يعني تحرش تبلش وتحب تبدل السوالف وتزيد عليها وتغير درجه اولى من ام فيصل نوال.... ((وخلف)) ماخذ ((مناير ))بنت عمه ابو فيصل .. وعنده ولد اسمه صالح على اسم ابوه الجزء الاول ..........(( بسم الله الرحمن الرحين )) في بيت ابو فيصل يتصل تلفون ابو فيصل على زوجته ام فيصل نوال ..... الو يام فيصل وينج للحين ما جيتي صارت الساعه 12 بضبط الظهر وما رجعتي ........! ام فيصل....... يابو فيصل خمس دقايق وانا جاايه تعرف ام براك لازم اقعد عندها لمى تجي بنتها من الدوام تعرف جارتنا ما عندها احد وهي كبيره ........... ام براك مراه كبيره في السن وساكنه مع بنتها بدريه ... بدريه كبيره في العمر حوالي 40 سنه ما تزوجة ما جاها نصيب ......... وتشتغل ابو فيصل ......... خلاص دقايق اذا ما جيتي رااح امر على كانتي تحط لي الغداء ابرك منج ام فيصل وهي تضحك ........ ههههههه ادري ما تصبر عني واعرفك ما تحب تاكل من غيري ... ابو فيصل .......هههههه كانك عارفه اجل عجلي تراني جوعاان ام فيصل ......... اقول ابو فيصل قعد البنات على ما اجي تعرف اليوم الخميس وابيهم يقومون عشان ما يخربون نومهن ***************************** بيت ابو خلف ... مناير هي وعمها في الصاله وحدهم .. على الغدا ... ابو خلف .......... مناير يا بنتي ما تبين تسيرين على بيت اهلك .... مناير ...... يبه بلا... بس خلف نايم وما يقوم الحين .. ابو خلف يا بنتي اذا نطرتي خلف خستي (عفنتي ) تعرفين ما جاء الا وقت الفجر من شغله وتعرفين ان الساعه عشر بليل لازم يكون هناك في المركز ..... مناير ... يبه وش اسوي هذي شغلة الشرطي ... ابو خلف ... اش راايج يا بنتي انا راايح الصناعيه قريبه من بيتكم اخذك لبيت اهلك .. مناير .... لا يا عمي ما ابي اتعبك وخاف من خلف يعصب الاني رحت من غير ما اقوله تعرف خلف عصبي .. ومناير في قلبها ... ودها تمشي من الحين بس وش تسوي تعرف انه خلف ما يسمع الا كلام امه ... يعني اذا تبي ترووح لبيت اهلها زوجها ياخذ الاذن من امه عشاان اذا كانت تبغي حاجه من مناير... على السفره الغدا ..... ام خلف ..... مناير ما ودك تروحي بيت اهلك ....... مناير بدهشه .في قلبها ... عالمهم كلهم يبوني اروح بيت اهلي اليوم ؟؟ ام خلف ... مناير ووجع ما تسمعين ؟؟ مناير ...هلا عمه ... بلا ابي اروح بيت اهلي بس تعرفين خلف الله يهديه ام خلف بعصبيه .. وش الله يهديه مجنون عشاان الله يهديه ؟؟ خلاص سوي نفسك عشاان عمك ابو خلف ياخذك معه .. مناير ... انشااءالله وراحت تغير ملابسها وملابس صالح ((صلوحي)) ولدها ********************* في بيت ابو فيصل الساعه 4 ونص وصــــــــــايف ..... بنت عاديه انطوئيه حييل وما تحب تجتمع مع عايلتها عكس نوف وصايف حصل معها موقف وهي صغيره كان عمرها 9 سنه وما علمت احد حتى امها في الموقف هذا. .. تحاول تبعد عن البشر تحاول تخلق عالم لها من الكتمان والخوف ... تبكي وما يسمع صووووت دموعها الا لاالله العلم بصدرها ....... (( الموقف هذا تعرفوونه في القصه )) وصاايف جميله ومؤدبه وشعرها لاخر ظهرها وما هي متينه ولا ضعيفه كان جسمها متناسق وعيونها وساع ولونهم عسلي فااتح ورموشها سود هي تجنن بس ما تبين جمالها لاحد.......... وهي تحب تكتب الشعر الساعه 4 ونص ام فيصل ........ نوف تعالي ونادي ووصايف معك ,,,,,,ما ادري ليه هالبنت ساجنه نفسها في غرفتها.. وربي هذي البنت ناويه تجنني ابو فيصل ..... قلت لج يا بنت الحلال خلينا ناخذها حق طبيب نفساني بس انتي اللي رافضه ام فيصل .... ليه اسم الله على بنتي عاقله ماهي مجنونه ابو فيصل .... لا ما هي مجنونه بس تصرفاتها ما هي عجبتني ... انتي نسيتي كم مره نمسكها في تالي اللليل وهي تمشي من غير ما تدريعي من نفسها !!! ... لولا الله ثم الباب القفل كان البنت ضاعة ام فيصل ... البنت كبيره وش يقولون عنا الناس لمى يعرفوون عنها ... وصاايف جاااءت فجاء .......... هلا يمه تبيني ....... ام فيصل وهي تصرخ ....... انا ابي اعرف وش قعدك فووق وحنا مجتمعين تحت ما تبينا ما تسوالفين علينا يا بنت تعلمي وشلوون تاخذين وتعطين مع البشر ... ما ابيك تصيرين خبله مع الناس ...... انتي كبيره ولازم تعرفين مو مثل كل مره انشااءالله وانتي ما تسوين شي ثاني ... تقعد وصاايف عند اهلها وهم يسالفون ... ساكته تسمع بس ما تتكلم مثل داايما... الامناير عند البااب معها صلوحي ولدها .............. الـــــسلام عليكم ياهل الدار ويقومون الكل يسلمون على مناير تعرفون اليوم الخميس والبنات يسيرون على اهلهم .. ويقعدون وسالفون مع مناير وتاخذ نوف ولد مناير صلوحي وتلعب معه وتصوره في تلفوون وصايف الجديد رااح ابو فيصل حق المخيم .... واقعدت ام فيصل مع البنات ..... والا لقت مناير تبكي .فجاء ... ام فيصل .... مناير يا بنتي وش فيج وصايف كانت تسمع وعارفه مشاكل مناير مع عمتها وزوجها ...بس لمى تسمع قهر اختها تبكي وتطلع من غير احد يحس مناير .... يمه خلف ناوي يطلقني ... ام فيصل ........شووشووشووشوو ليــــــه يطلقج مناير ....... يمه يقول انه اخذني عشاان يبرد كبد امه علي واخذني عناد عشان اعيال جمعتنا ما ياخذوني ... وانا مالي رجعه لهم يمه تكفين قولي لابوي ماابي ارجع لبيت شمه ما ابي ارجع للظلم ما ابي ارجع للرجال امره بيد امه وربي يا يمه تقعدنا الصبح وتدخل الدار من غير دستور ومن غير احم وتقومني تقوولي قومي يا ام لساان يا العووبه ..... وتقولي احمدي ربك ان اخذنااج وسترنا عليج .. يمه تكفين ليه انا فيني شي ؟؟ ........ ووصاايف كانت تبكي من الداخل من غير دموع .... وصايف تكره اي رجال غريب او قريب تكره كل جنس رجل ... تعتقد انه الرجل شبح ... شيطان وقامت وصاايف من الجلسه العائليه اللي كلها هواش بين ام فيصل وبنتها مناير وراحت حق السجن ... غرفتها وتاخذ الورق والقلم وتسجل كل شي في قلبها ...... وصايف ما عندها صديقات غير عهود بنت عمها صالح وبعد ما تزوج اخو عهود مناير قامت العلاقه بين وصايف وعهود تخف وما عاد مثل اول اتصالات وصايف صار صديقها الجديد الورق والقلم ووصايف وهي قاعده في غرفتها ......... تدخل نوف المرجوجه على وصايف وتقطع افكارها ودموعها نوووف ........ وصايف وش فيج تبكين وصاايف ..... عاجبك حالة مناير نووف . وهي تضحك من القهر .......... عاادي تعودنا وصاايف .... ياااي ياسخفج وياقوي قلبج نووووف ........ يااي انتي وش تقولين ليش تشلين كل هذا في قلبج اخذي الامور في بروود ووصايف ......... ااااااه ياليتني مثلج في البروود نووف ........ تدرين وش قال عني يا وصاايف ؟؟ وصاايف.... منو ...؟؟ نووف ... يؤيؤ كبيره اذا ما تدرين اكيد نسيتي نوووف كانت تقوول كل شي يصير معها في النت حق وصايف ...الانه تدري انه وصايف ما تتكلم وصايف ....... لا يكوون الي بحرف الخاء نووف..... لالالالالا ووصايف ..... اجل غيره اللي بحرف العين ...... نوف ......... يؤيؤيؤ اي هو تدرين وش قال ,,,,,,,,, ووصايف تقطع كلامها .......... نوووف ووجع وش قلنا تلعبين بس مو الكلام هذا نوف ...... يؤ انتي ما تعرفين الرومانسيه ووصايف ... مخليه الرومانسيه لج ياعمي روحي نوف وهي راايحه من الغرفه رافعه خشمها تناديها ووصايف ........نوووووووووووف نيوووفه نووف بعصبيه ................ ووجع نعم وصايف تووجعج .... ما قلتي لي ما دخلتي ماسنجري ما شفتي فيه رساله نووف ........ اه بلا فيه مالت قواقل ووصايف....... غيره نوف......... لالا ما في ووصايف ......متاكده نووف ....... اي متاكده | |||||||||||||
| |
|
02-01-17, 09:19 AM
| #2 | |||||||||||||
|
الجزء الثانــــــــــــي ****************************** في بيت ابو خلف ام خلف شمى تنادي............. عهــــــــــود عهـــــــــود عهود ......... هلا يمه وش فيج صوتج وصل للجيران ام خلف ووجع يا طويلة اللسان وينج عهود يمه تعرفين اني تعباانه ورحت حق غرفتي ام خلف ....... يالله زهبي نفسك عشاان نرووح حق بيت خالتج انا ما صدقت مناير تذلف عنا عهود ....... حرام عليج يمه مناير بنت عمي وما سوت شي ام خلف ....... لازم ابرد حرتي فيها ما اكوون شمى ما طلقتها وبرد كبدي منها ومن امها عهووود ....... يمـــــه ام خلف تقاطع عهود....... ووجع وكم مره اقوولك انهم ما يحبوونا ... ام خلف تحاول تزرع الكراهيه بين عهود وووصايف ... ام خلف...... الا عهود ما قلتيلي وصايف ليه ماعاد تتصل عليج مثل قبل ؟؟ عهود ... يمه ما ادري وصاايف لها ايام متغيره علي .عهود ما تدري عن سر وصايف ولا شي عنه وصايف كانت تسوالف مع عهود باشياء عاديه مثل وين رحنا وين راحوا ووصايف تعطي الكلام العادي يعني مات تحب الحش ابد وعهود محترمه راايها ............. معلومه عهود ووصايف بنات عم ************************ وصاايف قاعده على الكمبيوتر ....... تدخل امها عليها فجاء وصاايف خاافة!! ام فيصل ......... ووصايف يمه فج شي ؟؟ وصايف بخوف .......... ها لا يمه عادي ام فيصل ........ يا وصايف انا بروح حق بيت خالتج اذا تبين شي قوليلي ابي اروح مع مناير ضايق خلقها تقوول ....تبي تطلع من جو البيت وصايف ....... لا يمه ابد سلامتج ما ابي شي ام فيصل ....... ابي ارجع وما ابيك قاعده على الكمبيوتر ولا تشبكين وصايف .......انشاءالله يمه قبل لا تطلع امها تناديها وصايف ...... يمــــــــــه ام فيصل ........... هلا وصايف وصايف ........ نوف معاكم ام فيصل ... لا ما ابيها ترووح معي الانها كل يوم رازه وجههها معي ووصايف ........ اها ام فيصل قبل لا تطلع ... وصايف ليه ما تروحين معنا تسوالفين وصاايف ....... لا يمه ما ابي ام فيصل .......كيفك ........... وصايف قاعده في سجن دارها تبي امها يوم تقعد معها لو يوم وتسالها وش فيج وصايف في قلبها كلمه مو بس كلمه موقف هزها من طفولتها ما تعرف تقول حق امها كيف تبدا كل ما تبي تكلم امها تخااف ........ تقول حق نوف تخااف اكثر ....... تحتار اكثر واكثر ومما سبب في داخلها انطوئيه كبيره في حياتها بس كل ما تذكرت ذااك الموقف بكت بكت بكت حيييييييل الموقف مو سهل ..... بس خافت تعلم امها وتخرب علاقة امها باخالها وقالت في نفسها اموووووووت ولا اخرب علاقة امي باخوها وصايف كانت تضحي لامها مو بس امها تخااف بشكل كبير من اي رجال ....تعبت حالتها النفسيه حييل في عمر 16 سنه والحين وصايف عمرها 19 ماشييه في العشرين في بيت ابو فيصل .................. وصايف ما اسمعت وصية امها لها عن الشبك وشرت من جيبها الخاص (( الحصاله )) كرت ابو دينار انترنت وشبكت ....... كانت تشبك في المنتديات ام الشات ما تحب تخطلط باحد ...كانت تحب تقراء كثثير وتسلي نفسها في القراء وماسنجرها كان في بنتين مو كثير *********** بيت ابو خلف عهود................. يوه امي راحت وخلتني في البيت برووحي ابي اتصل على وصاايف اكيد راح القها وهي تتصل .... تلقى بيت عمها مشغوول .. وتقول في نفسها ييؤؤيؤيؤ اكيد شابكين عهود تتصل على تلفون وصايف ... تشيله نووف نووف .... الووو هلا عهود الدبه وينك ما عاد نسمع اخبارج عهود ,,,, هلا والله بمرجوجه نووووووف عهود ... اقوول احترمي نفسك ماني دبه نووف ..........يوويؤيؤ هذا البيت محد يضحك عهود ... الا لا تكونين شاابكه لي ساعه وان اتصل نووف ......... لا مو شابكه هذي اكيد وصايف الله يقطعها وهذي وامي موصيتها عهود ......... ههههههه اش راايج تخرعينها وتقولين لها امج تقوول خلي الخط نووووف ......... والله فكره حلوه رااح اخرعها ............... نووووووووف تدخل بسرعه ..................على وصاااايف ووجع امي معصبه حدها .... تقول اكيد وصايف شابكه واتصلة على تلفوونج ......... هي ما قالت لج لا تشبكين ها .... وصاايف كانت ما عندها الجرا ترد الانها تدري انها غلطاان بس هي كانت طفشاانه وقالت حق نووف ابي اسوالف خليني وحدي ......... نوف اكذب عليك هذي عهود تبيك على التلفون وصاايه .......... يمه منج خرعتيني يا نوف قولي لها تكلمج بعدين نوووف ...... ليه مو الحين تكلمينها . وصاايف ....... مالي خلق لها . نووف ........ عشان اخوها ؟؟ وصايف ........ اي عشان اخوها والشي الثاني الانها ما تتصل علي الا اذا جاءت مناير عندنا ..... يعني تاخذ سوالف مناير وين راحت وين جئت ... نووف بدهشه .... غررريبه !!!! من يشوفك قبل انتي معها حيييييييل مع بعض سبحان مغير لاحوال وصاايف ......... عهود مو مثل قبل ......... تغيرت تغيرت حييل تصدقين يا نوف صارت تسوالف عن مشاوير اختي وتسب اختي جدامي وكل ما قلت لها شريت الشي هذا بسرررعه راحت السوق وشرت نفسي ليه وصارت تقولي انتي معقده وانا ما ارضى احد يقولي هذي الصفه نوووف ......... اي هي صاجه انتي معقده حييل وصاايف وهي تصيح .......... نوووف خليني برووحي تكفين نوووف ...... ابي اخليج بروحج يالمجنونه بس لا تشبكين من غير امي ما تدري وبعدين تحطها براسي تطلع نووف ... وصاايف وهي قاعده برووحها حالتها النفسيه تعباانه ....... وصايف مريضه في القلب والحمدالله مرضها مو ذاك الخطوره وتقووم تشغل غنية لا تجرح احساسي ... احسين الجسمي وتطول عليها ... ليتك تداريني .... وتحس بي يا جاسي .... ولا تجرح احساسي انا انسان حساسي .... وتقووم تبكي ........ *************************** عهود ظلت تتصل على نووف وتقولها ابغى اكلم وصاايف نوووف ........ بعصبيه ....... ما تفهمين وصاايف ماخذه شوار وما تقدر تطلع من الغرفه عهود ......... ساعه وهي تنشف شعرها نوووف ........ اي تعرفين شعرها طويل مو مثل بعض الناس دقايق ... نوف كانت تتطنز على عهود الانه عهود بطه وعيونها صغار وشعرها لاكتفها... عهود تغير حييل من بنات عمها ******************************* ام فيصل جات من بيت اختها مع مناير الساعه 11 ام فيصل ............ نووف ......نووف ....... نوف ........ هلا يا اغلى ام في الدنيا هلا بامي اللي تاخذني بكل مكاان واللي راح تشتري لي لوب توب نووف كانت تتطنز على امها ام فيصل .......يالعياره يا نوف ما تفكينا من شرك وتروحي تسويلي كاست عصير بارد نووف ........ وليه يا حافظ ومناير مكسوره ما تسوي لك عصير ام فيصل ........ اولا احب كاست العصير من يدك وثانيا انا امرت عليج مو على مناير وانتي تعرفين حالة اختج تعباانه نوووف,,,,,,,,, انشاءالله راح اسوي لج بس اوعديني باجر توديني بيت عمي بدر ام فيصل ... انشااءالله اوديك .......بس نوف وين وصاايف ؟؟؟ نوف .... يمه في غرفتها قاعده ام فيصل ..... لا يكون طايحه وما تدرين عنها ....انتي متاكده انج شفتيها بخير نووف ......... اي يمه متاكده وش فيج رووحي شوفيها لا تساليني انا ام فيصل تروح حق غرفة وصايف وتدخل الغرفه من غير ما تطق الباب تلقى وصايف قاعده على سريرها ورجولها عند بطنها ومنزله راسها تحت وشعرها طايح على ظهرها كان منظرها يكسر الخاطر ....... تتامل ام فيصل بنتها ... تسال في نفسها ... هالبنت فيها شي مو عاديه وهي قاعده تشوف بنتها ........ وصايف ارفعت راسها وعيونها مليانه دموع., تفاجئة بامها موجوده في الغرفه وما ما قالت لها شي ؟؟ الانه دايما ام فيصل تهاوش وصايف على تصرفاتها اللي مو عاديه تقرب ام فيصل لبنتها ...... وصايف فيج شي يمه وصاايف ..... ما صدقت انه امها قريبه منها وتسال عنها .... ما صدقة في هذي اللحظه كانت محتاجه احد يسالها كانت حابسه دموعها المقهوره ......... وبسرعه راحت لحظن امها وتبكي وتبكي ........ ام فيصل اسئلتها وش فيج يا وصايف ؟؟ انتي متضايقه عشان اختج ولا تحسين بضيقه في قلبج وصاايف ....يمه احس بشي بقلبي يعورني ام فيصل ....... اسم الله عليج يا قلبي ........ تبيني اتصل على فيصل يوديك للجمعيه او للمطعم وصاايف ........ لا يمه ما ابي اطلع مع فيصل تعرفين فيصل لازم يهاوشني اذا طلبت منه شي ّّ ام فيصل .........اجل وين ودك تروحي وصاايف بصراخ ........ ابيـــج جنــبي بــس يــــــمه تكفيـــن لا تخلينـــي تكفين يمه افهميني ام فيصل ما قدرت تتحمل دموع بنتها .......ومن كلمات بنتها اللي تحس انها تعاتبها ****************** بيت ابو راشد شخصيات جديده ابو راشد ((بدر )) اكبر من.... صالح وفيصل اخوانه ........ عنده بنتين كبار وولد البنات كلهم ما يشفوون ما عاد الولد راشد ((بدريه الكبيره عمرها 34)) ((راشد 32)) ((فاطمه30 )) كلهم مو متزوجات بس راشد طالع في بيت بروحه مع زوجته واعياله ام راشد ((حصه )) كبيره في السن وطيوووبه حدها بنات ابو فيصل دايما في الصيف ينامون عندهم الانه البنات يفرحون حيل معهم وخصوصا نووف ومناير بدر او راشد ....... اقول ام راشد اش رايج نسافر باجر للخفجي بشوف اغنمي وش صار معه ام راشد ........ ابشر ابي اقول حق جارتنا ام عادل عشان تروح معنا مع رجلها تعرفني اخااف الوحشه في الطريق واخااف عليك ...... من الليل ما تشوف عدل يا ابو راشد ابو راشد ...... خلاص سوي اللي تشوفينه والينات ابي اوديهم حق بيت اخوهم ********************************************** وفي الليل في بيت ابو فيصل قاعده ام فيصل ((نوال)) مع ابو فيصل ((ناصر)) في غرفتهم بعد ما نامت وصاايف والبنات ام فيصل ...... ناصر لازم نشوف حل لوصايف .. ناصر ... ليه وش فيها عورها قلبها اليوم ؟؟ نوال ... لا بس البنت صارت حالتها حالها .... ما تبي تطلع وتبكي كل ما دخلت عليها ناصر .. انا قلت لج بس انتي اللي رافضه فكرت الطبيب ........ البنت مو عجبتني حالتها دايما سرحانه وما تقعد معنا ولا تنسي الاهم انها تقوم في الليل من غير ما تدري نوال ...... خلاص انا ابي اقعدها باجر اخليك توديها للطبيب اللي ما ادري وش تسميه ناصر .... اسمه طبيب نفساني للامراض النفسيه نوال ... مع انه الفكره مو داخله برااسي بس الاهم بنتي ما تروح عني ناصر ....... لالالا باجر نسيتي صلاة الجمعه خليها يوم السبت نوال ....... يصير خير بس تكفى يا ابو فيصل لا تنسى البنت | |||||||||||||
| |
|
02-01-17, 09:20 AM
| #3 | |||||||||||||
|
الجزء الثـــــــــالث *************************************** بيت ابو خلف صالح ابو خلف صالح......... وش تقول يا خلف البنت ماهي لعبه تتزوجها وتجيب ولد وتطلقها ولا تنسى انها بنت عمك وش اقول حق عمك لمى تطلقها وشلوون اشوف نظرة الناس لي لمى يعرفوون ..؟ خلف ........ انا ما احبها هي عووبا وما تسمع كلامي وعنيده وراسها يابس ........ وانا ما يهمني كلام الناس واذا اسئلوك الناس قوول نصيب ورااح...وهذا نصيبها.... ام خلف تساعد ولدها على الخطه اللي ارسمتها عدل ..... ام خلف شمى ........ صالح الولد ما يبي البنت لا تقصبه ابو خلف صالح بصراخ...... وش اقصبه وينه يوم اول ما تزوجها ما قال عنها شي ويوم جئب منها ولد يطلقها انا بنت اخووي ما تتطلق واذا طلقتها يا خلف ازعل عليك ولا تنسى الناس ما تخلي النايم يا ولدي ام خلف شمى ........وشووش انت تعرف بنت اخووك كسلانه وما تعرف تطبخ وما تعرف شغل البيت وكله ناايمه ابو خلف صالح ...... بعصبيه شمى اسكتي ولا تدخلين في الرجال وزوجته خـــــلف ..... يبه انا رااح اطلقها وما ابيها ما ابيها انا ما ابي مناير ابو خلف صالح .......... وولدك وين رااح يعيش ....... ما فكرة في الضحيه ياولدي راح يعيش بعيد عنك ام خلف شمى ...... وين يعيش اكيد عند امه ورااح تحرص عليه وحنا ما نبي جاهل منها ابو خلف صالح .... متحطم من قرار ولده ...... قاعد يفكر وشلوون راح يواجه اخووه وش رااح يحط السبب في طلقها مع انه السبب سخيف عشان اكل ولا لبس .. ام خلف شمى ...... كان يوم العيد لها في طلاق مناير ******************************* يوم السبت جئت ام فيصل تقوم وصاايف عشان الدكتور النفساني ام فيصل ...... وصاايف وصاايف يمه قوومي وصاايف في فراشها نايمه ....... يمه خمس دقايق ابي اناام ام فيصل بسرعه ابووك بنتظرك تحت عشان الطبيب . وصايف ....... طبيب ..؟؟؟ ليه يمه الشهر هذا ما عندي موعد حق القلب الحمدالله انا بخير ام فيصل ما تحب تقوول لها انه ابوها راح ياخذها لطبيب نفساني ام فيصل ......... لا يا وصاايف اليوم عندك بس ابوك نسى يعلمك وصاايف قامت ولبسة العبايه والملافع وطلعت عند ابوها وتفطرة وركبت السياره مع ابوها وفي السياره ....... وصاايف ........ يبه انا متاكده انه ما عندي موعد الشهر هذا انت اكيد غلطان ابو فيصل ......لا يبنتي ابي اتطمن عليج عرفت انه قبل يومين عورك قلبك وصاايف في قلبها ........اااااااااه يا يبه ليتك تدري وش اللي في قلبي ليته عوار القلب يروح مع الدواء لكن اللي في قلبي ماله دواء غير الصبر .... ابو فيصل كان حاطه غنيه في الراديوا ووصايف تسمع وهي سرحانه اسمها لون باهت خالد عبد الرحمن السعودي وصلوا لمستشفى... من غير ما تحس وصاايف وينهم كانت طوول الطريق سرحانه في الاغاني وصلو لباب الطبيب وصاايف ......... يبه لحظه هذا مو طبيبنا وهذا مو طريقه اصلاً الاب ...... يابنتي هذا طبيب ثاني وصاايف تقراه اللوحه المكتوبه فوق في المستشفى وصاايف بنزعاج ........ يبه هذا المستشفى النفسي للامراض النفسيه الاب .......... اي يا بنتي ابي اتطمن عليج ...؟ وصايف وهي تنزل راسها ......... انا مجنونه !!!!!!! الاب ........ لا يا بنتي منتي مجنونه بس مو عاجبني سكوتك وسرحانك يا بنتي هذا المستشفى مو للمجانين بس هذا للي حالتهم مثلج بعد اللي ما عندهم احد يسمعهم +++ الاب يحاول يطمن وصاايف انها مو مجنونه وان المستشفى مو للمجانين بس ابو فيصل يدخل للدكتور اللي اخذ موعد معه لبنته وطبعا شرح حالة بنته للدكتور قبل لا يجيب وصايف.. وصاايف وهي داخله للدكتور الدكتور ......... هلا وصايف تفضلي لو سمحت ابو فيصل ممكن تخلينا اشوي ابو فيصل ........ انشاءلله يا دكتور ......... وطلع ابو فيصل ووصايف تقعد على الكرسي وهي كلها افكار ودموعها على حدود العين مو مصدقه ابوها القريب منها يسوي كذا معها وتقول في نفسها ............. غريبه يالدنيا غريبا وبعدها دنيا خذت فرحي خذت عمري السعيد .. دنيا تمشيني على ماهي تريد .. اسايرها تعاندني .. اعاندها ولا اقوى اضحكها وانا ابكي .. وهي ترسم لي البلوى .. دنيا ..دنيا .. الدكتور ........ ها يا وصاايف اعرف انك شطووره ورااح تتكلمين عشان كذا طلبت من الوالد يطلع برى عشاان نتكلم على راحتنا قوولي لي يا وصايف انتي تغيرين من اخواتك او من احد ..؟؟ ابيك تقولي لي كل شي في قلبك اووكيه يا بنتي وصاايف ........ ساكته الدكتور وصاايف انا انتظر ردك .. وصاايف ......... الدكتور يا بنتي عشان مصلحتك تكلمي وفضفضي لي وصاايف بعد الهدوء الطويل .......... وش تبيني اتكلم ما عندي شي اقوله او تبي تعرفه؟؟؟؟ الدكتور ......... انتي مريتي في موقف صعب او شي سبب لك صدمه ما تتكلمين وصاايف ...... ساكته وودها تقول وتخااف الدكتور يعلم ابوها بكل شي الدكتور جرب كل شي بس وصاايف رفضت تتكلم........ وصاايف خلاص يا بنتي ما راح ازعجك اكثرمن كذا بس اذا احتجتي انك تبين تتكلمين تعرفين الرقم طلعت وصاايف من عند الدكتور ودخل الوالد ابو فيصل يسال الدكتور عن حالة بنته ابو فيصل ............ ها يا دكتور وش فيها بنتي الدكتور في ضحكه ......... الله يهديك يا ابو فيصل مو بيوم والليله نعرف مرضها هذي بنتك مريضه نفسيا بس شكلها مصدومه من شي هي مو راضيه تتكلم ولا عطتني شي بس لازم تجيبها كل اسبوع مره ابو فيصل انشااءالله يا دكتور وصاايف وهي قاعده في الكرسي الخارج غرفة الدكتور منزله راسها مرعووبه خاايفه وتقول في نفسها معقووووووووووله ابوي ابوي يسوي كذا فيني ...... هم لو عرفوا الحكايه كان اعذروني .. ابو فيصل يطلع من الدكتور .......... وصايف يا بنتي يا الله نمشي وفي السياره وصاايف ساكته وكل خمس دقايق تناظر ابوها وتنزل راسها ابو فيصل لاحظ وصاايف كيف تناظره بس ما حب يبادلها النظره الانه عرف انها زعلانه عليه وعند وصلهم لللبيت المصيبه الكبيره اللي ناطره مناير ام فيصل ............ يا ابو فيصل تعال شوف هذي جراتنا ام برااك مرسله هذي الورقه مع الخدمه تقوول لا يقراء هذي ورقه مدام مناير ما ادري ليه بذاات مناير ما تقراها وانت تعرفني ما اعرف اقرا ابو فيصل وجنبه وصاايف ابو فيصل ......... ما توقع هذا الخبر كل شي كان يتوقعه الا هذا الشي .......طلاق بنته مناير من ولد اخووه ابو فيصل من غير شعوور طاحت دمعة وطاح هو على الكنبه وبسرعه وصايف كانت عنده اخذت الورقه تبي تعرف وش السالفه وامها عند ابوها وفجاء تصارخ وصاايف طلقها طلقها ولد الذينه طلق اختي ام فيصل ما فهمت وش اللي طلاق كانت ام فيصل xxxxxه بين زوجها الطايح جنبها كانه الطفل والدمعه بخده ولا بنتها اللي تصرخ بصرخاات الالم اكرهه اكرها وبعد مرور يومين من طلاق مناير حالة ابو فيصل تدهورة وكان مصدووم من السبب وسال اخووه اكثر من مره عن السبب وكان صالح ابو خلف يهرب من الرد وكان يكتفي بكلمة نصيب نصيب مناير كانت متحطمه نفسيا وام فيصل ما تقصر تزيد عليها الكلام بكلام يجرح القلب يا مطلقه وش استفدي الحين قعدتج عندي ما تسوي ........وش تسوين مع ولدج وش تقوول عني الناس ************************ ام خلف شمـــــى ......... فرحاانه كثير من الخبر اللي ما ساعها من الفرحه وكان الناس مثل دايما ملقوفين ويحبون الاخبار اللي زي كذا ام خلف ما تقصر بكلام عن مناير ......... تقول عنها عوبا ولساانها طويل وما تعرف بشغل البيت شي وان طلاق مناير جاها صدفه وما تدري عن ولدها وطلاق حرمته <<<< حطوها في العقل في مراه ما تدري عن طلاق ولدها ولا عن اخباره ؟؟؟ غريبه عهودد ............... ها يا مناير وش حالج الحين ادري انك مصدوومه من الخبر بس وش اسوي وشلون وصاايف وشلوون رااح اكلمها او اسوالف معها ******************************* وصاايف .......... بعد عهود صار ما عندها احد تسوالف معه صارت تزيد على الحزن ودايما سرحانه ولا على النت اللي كل ما شافتها ام فيصل عصبت ........ وصارت تسجن نفسها اكثر واكثر في غرفتها وصاايف وهي تلعب في النت .............ام فيصل ......... وصاايف انا كم مره اقولج تعال وسوالفي معنا تبين انتي الثانيه تتطلقين وتقعدين في جبدي مثل اختج ......البنات رااح يجننوني ياليت ربي يوم جابكم لي موتكم ابو فيصل ......... نسى موعد الدكتور النفسي لوصايف ************************************************** *** (ابو علي طلال عمره 47)) طيووب حبووب لكنه اذا عصب انحاشوا زوجته ام علي .....دلال 45 )) مراء متعلمه كبيره في السن لكنها مربيه بناتها عدل وحساسه كثير ودمعتها دايما على خدها ((ما ادري الدمعه ليه دايما على الخد احس مرات انها عياره )) عندها ولدين ..((( علي 30 .))....((((((( سعد 28 ))))))))).. وثلاث بنات (( مها 26)) متزوجه وعندها ولدين ((امل 23 )) متزوجه وعندها بنت ((وايمان 19 )) مخطوبه حق ولد ام فيصل لفيصل ام علي دلال ........ يؤ يا مها ما دريتي .. وش صار مع بنت عمتك نوال مها ...... لا يمه وش صار ام علي دلال ........... تطلقة امس ما علمتني عمتك دريت بصدفه وبكيت لها حرام تتطلق ومعها ولد مها .... لاحول ولا قوته الا بالله ........ ليه يمه تطلقه ... وليه هي ابشاره عشان تعلمك عمتي ام علي ...... اي لازم تعلمني لا تنسين راح ياخذون بنتي ايمان لهم واخااف انه بنتهم فيها شي مهااا ..... يمه ما تقدرين تمنعين زواج ايمان لا تنسين انه ايوي عطا كلمه لعمتي نوال ام علي ..... ليه تطلقة مناير اعرفها زين ... مها ... يمه انتي ما سالتي اللي جاب لك الخبر ليه طلقها ام علي ....... تدرين منو اللي عطاني الخبر هذا مها .. منو يمه ام علي ......... عمتها حصه اللي علمتني وما خلت احد ما تصلت عليه وعلمته... مهااااا ....... حراام يمه مناير ما تستاهل وليه ولد عمها طلقها وليه صالح ما كلم ولده خلف ام علي تضحك ........هههههههه اصدق يا مها انه امه ما تدري بطلاقه ولا الابو مها \.... وش قصدك يا يمه ام علي........... ام خلف تحلف للحريم وتقوول انه ولدها طلق حرمته وهي ما تدري مها..... يؤيؤيؤيؤ ما يصير في البيت نفسه هي وما تدري عن ولدها وحرمته علي جاء ...... يمه يمه يمه يا ام علي ام علي دلال ....... هلا والله بولدي حشاشة كبدي ... امرني علي .... يحب راس امه يمه وين سعد هذا اللي ما يتسمى ام علي ... ليه وش تبي فيه هو نايم عند حرمته علي ........ لا بي فيه شغله ام علي دق عليه تلفوون تلقى علي ........ الالا خلاص لمى يقوم راح يلقى رسالتي له ام علي .......... في قلبها تدعي لولدها سعد ان الله يرزقه في الذريه الصالحه الانه له 7 اسنين من تزوجوا وما عندهم ولد او بنت بس تدرون ليه الله ما ارزقه للحين .... تعرفون في الباقي الحكايه بس خلوا اسم سعد في بالكم ّّّّ!!! | |||||||||||||
| |
|
02-01-17, 09:21 AM
| #4 | |||||||||||||
|
الجزء الــرابـــع ********************************************** ام فيصل .......... يالله يا بنات نبي نسير على خالكم طلال ابو علي مناير ..... انشاءالله يمه انتي متاكده ان البنات اليوم عندهم ام فيصل ..... اي متاكده كلمة مها و امل وهم في بيت اهلهم مناير ........ ابي البس صلووحي واجي ........ وراح احط ميك اب خفيف نووف ....... يالله اخيرا طلعنا من السجن ام فيصل ......... اقوول بلا تطنز يانووف وقوومي بدلي يالله وصاايف .... يمه تعرفيني ما احب اطلع لبيت خالي ام فيصل بعصبيه .......... انا ابي اعرف ليه بذاات بيت خالك ما تبين تروحين له مع انه ايمان كبرك وصاايف وهي مجبوره ترووح .............خلاص خلاص ابي ارووح فيصل ............ ها يمه وين تروحوون اليوم ام فيصل وهي تضحك......... ههههههه ابي اروح حق بيت خالك ..حق ايمان عروستك فيصل .......... ياست الحبايب والله ناويه تفشليني عند خواتي اليوم مناير ........... ههههههههههههههههه من قدك تفشلت واخيرا الولده كفت عنا وقامت فيك ام فيصل ........... مناير ووجع هذا اخووك خليه!!! مناير ......... انا ما قلت شي ام فيصل ......... اقول مناير قومي بس قوومي اطلبي حلو من سابليه حق بيت خالك مناير ........ انتي ما عندك فلووس وتبين من سابليه تعرفين انه سابليه ضو غالي فيصل ......... يمه اذا ما عندك فلووس انا عندي نوووف الملقووفه ............ اي طلع طلع عندك فلووس وخاشها حق بيت العرووس ولمى نقوولك نبي فلوس ما تعطينا الحين اطلعت الفلووس عندك ياحليلك يا خوي ما تبي تفشلنا جدام عرووسك فيصل ما يقدر يهاوش نوف الانها تقول الصج فيصل ..........هههههههههه والله يا نوف انتي اللي تفهمين وربي انك مرجوجه مرتين يالخبله ابي الحلو عشاان ام فيصل ما تفشل جدام عروستي هههههه وصاايف مثل قبل سااكته وتفكر اشلوون رااح تروح بيت خلها وتقابل سعـــد هي مالها خلق تشووفه من اساس ********************************* بيت ابو خلف صالح ام خلف مع ابو خلف في الصاله مع عهود وعبدالله خلف قاعد في شقته تحديدا في غرفته يتامل صور ولده صلوحي في جواله اللي عمره 8 شهور ويقول في نفسه حرمتك يا ولدي مني ...... ادري اني ابو قاسي ..... ؛حرمت نفسي من كلمة بابا منك ادري انك راح تكرهني يا ولدي بس وش اسوي كنت احب امك بس في شي يمنعني اني اتمسك فيها يدخل يــــوسف على خلف فجاء يوسف ..... هلا ابو صلوحي وش فيك سرحان خلف .... لا ابد كنت اشوف رساله جيتني يوسف ........ ـكذب علي وانا اخووك ....... تشوف صور صلوحي صح اكيد انك اشتقت له... تصدق يا خلف انا حييل زعلان منك الانك سمعت كلام امي ... المفروض تتمسك في مناير ...مناير ذهب قليل مثها خلف ينزل راسه........... يوسف ........... تدري يا اخوي انك غلطت ... كذا تخلي ولدك متشرد بينك وبين امه خلف بصرااخ .........بس بس يايوسف ....... لا تزيد علي هموم يكفي اللي فيني يوسف ........ الشي اللي ما تدري عنه انك قطعة حبي انت يا خلف خلف ......... كيف قطعة حبك وانت تحب ياولد شمى يوسف يضحك قهر ......... هه توك تدري عهود تدري اني احب وصاايف ...وصاايف بنت عمي اموت فيها بس انت قطعة حبي لها وخليتها بنسبه لي حلم بعيد الاني احبها يا اخوي انت اخذت مناير وقلبي مع وصايف وكنت راح اقول حق ابوي اني راح اخطبها ووصايف حلوه ........وكثير اللي طلبوا يدها وهي ترفض تنطرني ياخوي وصايف تحبني ......... خلف ........ صج يا يوسف تحب وصاايف ؟؟ يوسف اي احبها مثل ما كنت تحب مناير اختها ... تتذكر يوم البرمناير كنت تشوفها وهي تجيب الماي وانت قاعد في سيارتك.......... وكنت اتطنز عليك يالدب خلف ............ يااااااي ايام اياام يا يوسف يوسف .......... هذا اليوم دوري انت يا خلف حطمت حبي لوصايف ... الحين لو ابي اتقدم لها ...عمي ماراح يوافق الانهم راح يقولون انك مثل اخووك خلف .......... وليه يرفضك عمي ... انت تشتغل ووصايف راح تساعدك ااذا هي بعدها تحبك يوسف بضحك ....... هههههههه انت قلتها اذا بعدها تحبني ... اذا شافت الضيم مع اختها اكيد راح تكرهني الانك اخوي خلف ....... يؤيؤيؤ يوسف لا تعور قلبي بقصتك يوسف ........ لا تتطنز ادري فيك ... لا تنسى انك غلطان انت الثاني .... الانه مناير ما فيها اي عيب وانت خليت للبنت مليون عيب خلف .... تدري انه امي لقت لي مراه يوسف .......... يؤيؤ لك الحين من طلقت مناير شهرين ورااح تتزوج بسرعه هذي !!!! خلف... اي وش فيها انا رجال وما فيني اي عيب يوسف .... خلاص انا ابي اطلع مليت منك ومن سوالفك ومن كلامك مع امي بس يا خووي انت الغلطان في مناير وطلع يوسف من شقة اخوه يوسف قاعد في داره (غرفته ) ...... اه اه يا وصايف انتي حلم بعيـــــــد لي احبك احبك موووووووووت يا وصايف ,,,,,,, ودي اكلمك واشرح حبي لك وتعرفينه وادري انك تكرهيني مليون مره بس لو تسمعيني راح اهديك هذي الابيات ....... رص المشاعر بالحبر يا قلم رص وبعد المشاعر باقي الحب رصه قلبي يعاني وانت بالحب مختص وانت اللذي عقلي بلافكار خصه قصه غرام وكانت اكبر من النص فها حبيب ساكن القلب نصه اخر كلامي اطلبك ياقلم وص خلو علاجي بالاشواق وصه أتعبت قلبي من جفاك وتغليك وتاهت بي الشرهه ولا أحد ذكرها المشكله قلبي حلف مايخليك ومدري متى ظروفك توقف ضررها قلبي وعقلي والمشاعر تباريك وروحي هوت روحك وحبك سحرها الذنب ذنب الحب ماهو خطا فيك هذا خطا نفسي وهذا قدرها | |||||||||||||
| |
|
02-01-17, 09:22 AM
| #5 | |||||||||||||
|
الجزء الخامس ************************************* في بيت ابو علي طلال ام علي ........ يا بنات مها امل ايمان عمتكم نوال راح تجينا اليوم جهزوا الشاي مع القهوى وطلبوا الحلا بسرعه ابو علي ...... والله هذي الساعه المباركه اللي تجينا ام فيصل من زمان عنها ..... ام علي اي والله يا ابو علي ما بقت تجينا نوال مع البنات ************************* عهود تدخل غرفة يوسف اخوها .عهود .......... يوسف امي تبيك تحت تقول تبيك في موضوع ظروري يوسف ........... وش تبي امي ... الا صج يا عهود متى اخر مره كلمتي وصايف بنت عمي عههود ...... ما ادري امي وش تبي بس ... وش جئب طاري وصايف لك يوسف .... لا بس سؤال واتمنى انك تجاوبين عليه عهود ..... قبل شهرين تقريبا من زمان ما سمعت صوتها والسبب طلاق اختها من اخوي ......... وكل مره اشوفها تصد عني تتجاهل تسوالف معي ........ يوسف .......... خلاص انا نازل لامي بس عطيني جوالك شوي يا عهود عهود بستقراب .......وش تبي فيه ؟؟؟ كله بنات وما ابيك تاخذه يوسف بعصبيه ........... اقولج عطينيا وعطيني رقم وصايف ولا اكسر راسك عهود ........ وش تبي في رقم وصاايف وش علاقتك فيها .... يوسف لا تكون تخرب سمعت بنت عمك يوسف بعصبيه ......... مجنون انا اخرب سمعت بنت عمي اقوولك ابيه لشغل ولا تسالين اووكيه ولا تقولين لامي ولا ذبحتك ....... واذا قلتي لها اني اخذت رقم وصايف منك اموتك يا عهود عهود .......... اوكيه قوولي وش تبي فيه بس .... يوسف لا تظن اني اكره وصاايف وادري اني غلط عليها وادري انها بعد هي تحبني لسه والدليل تصد عني ! يوسف اخذ جوال عهود واخذ الرقم منها وعهود xxxxxه ما تدري وش يبي من رقم وصاايف ********************** في بيت ام علي .. ام فيصل ...... ياهل البيت يااهووو نحن هنا مناير ....... يمه اشوي اشوي يمكن في الحجره الثانيه وما يسمعون ام علي ............. الله حيا في ام فيصل هلا فيج يا اختي ام فيصل .......... هلا والله ام علي ويقمون البنات ام فيصل يسلمون على بنات ام علي ويقعدون ويسالفون ويشربون الشاي والقهوى وياكلون الحلا الا هذا سعد مع زوجته ريم اسمها وعمرها 25 سنه وهي طيووبه لدرجه وحبووبه حيل ما في احد ما يحبها وهي قمر يمشي على الارض بس الله ما كتب لها تجيب اعيال من سعد اللي هو زوجها سعد دخل يسلم على عمته نوال الا تشوفه وصايف وتنزل راسها بسرعه الانها ما تحب تشووفه سعد ......... هلا والله ام فيصل هلا والله عمتي نوال وش الساعه المباركه اللي زرتينا من زمان عنك ام فيصل ........ الله يحيك يا ولدي سعد والله تعرف الضروف يا ولدي ريم .... وكيف حالك يا عمتي وشلوون ابو فيصل ام فيصل .... هلا ريم بخير ويسلمون عليك وصاايف تموووت على ريم زوجة سعد ....... وصايف ما عطة سعد وجهها ولا حتى سلمت عليه مثلا كيف حالك يا سعد او اشلونك !!!! بنات ام فيصل ......... هلا والله ريووووم كيف حالك وش الدنيا معك ريم ... الحمدالله بخير وصاايف اخيرا شافت سعد بنظره ... وكانت نظرتها مو اي نظره كانت نظرة... حقد ..كره .. بغض ..الم .. حسره كانت تشووفه يضحك ونسى وش سوى مع بنت صغيره قبل تسع سنين نسى عملته السوده في وصايف وصاايف كاتمه في قلبها المريض..... كاتمه الم فضيــــــــع ...... كانت تشووفه وهو يناظرها بنظره استغراب !! وصاايف بعيونها كره لشخص اللي قدامها .... كانت سرحانه وتتذكر الموقف كيف مر ... تتذكر كانت في غرفته قبل تسع سنين قبل زواجه بريم ... وتقول في نفسها .. حراام ياريم حراام ما تستاهلين سعد ...سعد خبيث ما تستاهلينه تذكرت يوم قال لها سعد تعالي ياوصايف شوفي غرفتي .. وصايف ام تسع سنين لبت دعوته وجاءت الغرفه اللي حطمت طفولتها ........ أغتصابها في غرفته وكنت تحسبه انسان صادق مؤمن بالله ....بس وش تسوي اذا كان كذب على طفله عشان يشبع رغباته قبل زواجه باسبوع ....... حرام والله حراام عليك يا سعد حطمت حلمي وصاايف ملاك قمر كانت جميله من صغرها ما تغير جملها وبرئتها مها .......... وصاايف وينج سرحاانه لي ساعه وانا اناديج وانتي سرحانه ... وين رحتي ؟؟؟ وصايف بضحكه ......... هههههه هلا مها اسفه تدرين اليوم علي معهد وقاعده من الصبح وابي انام ما نمت الظهر امل ....... اي والله الدوام يكسر الظهر والنوم ما يشبع في الدوام ام فيصل تقول لريم........ ها وش صارمعج يا ريم في الموعد الدكتور اليوم ما بين شي ريم بخجل وخوف ......... لا يا عمتي الدكتور يقول ما فيكم شي يمنع الحمل ام فيصل .... ليه اجل ما حملتي لك 7 اسنين من تزوجتوا وما جبتوا اعيال وصاايف في قلبها ........ هذي دعاتي له انه ما يشوف اعيال عشان ما ينسى اللي سوى فيني ريم ....... يا عمتي يجيب الله اللي فيه خير والصبر ياعمتي مالنا غير الصبر ام فيصل ....... ياريم يمكن نفس بينك وبين زوجك روحي حق المطوع خليه يقراه عليج انتي وزوجج ريم ....... انشااءالله وصاايف يدق جوالها ...... وما تشيله ......... ام فيصل .......... وصايف يا مل السمخ ما تسمعين تلفونك يدق وصاايف ....... يمه هذا رقم غريب وما اعرفه ...خليه يدق لين يقول بس مناير ........يمكن تطلع وحده من صديقاتج وصاايف .... اذا وحده من صديقاتي ترسل لي رساله ويتعشون ام فيصل عن ام علي ويرحوون البيت ......... ********************************************* في بيت ابو خلف ام خلف طالعه مع ابو خلف عهود قاعده في حجرتها تفكر وش يبي يسوي يوسف في رقم وصايف ... كانت تعتقد انه راح يسوي شي خطير لها وقاعده طول اليوم تفكر يوسف قاعد في غرفته ويكتب ابيات من الشعر حق وصاايف يبي يرسلها مسج لها ويرسل لها هذا المسج أدري انك صرت ضمن المستحيل بس قلبي رغم بعدك مانساك وأدري اني منك ضيعت الدليل والسبب لاشك هو كثر غلاك وأدري اني من سبب بعدك عليل الله واكبر صار حبي لك هلاك وادري اني ممكن القى لك بديل بس وين الي يساويك بحلاك وصاايف قاعده في غرفتها ترتب بدلتها عشان تعلقها في العلاق والا رساله جيتها وطبعا نغمت وصاايف خاصه للرسايل تقول جتني رساله غاليه تشبه النور احبها من حب شخصا كتبها من يمنعه لو يسكن العين والجور ....... قامت وصايف تفتح الرساله وما عندها اي شخص حولها وقرتها بس من منّ ما عرفت وصايف المرسل>>>>> وارسلة رساله للمرسل .... من انتي ؟؟؟ يوسف ذيك اللحظه فرحاان عشان وصايف ارسلت له وقام ارسل لها .........راح اعلمك منو انا بس اوعديني لمى تعرفي من اكون ....ما تمسحي اسمي من قلبك وصاايف ....... اصلا ما همني منو تكون ..ولو سمحت لا تتصل ولا خربيط مسج ولا اتبع معاك اسلوب ثاني ... يوسف ...... اخيرا اخيرا رديتي يا حبـــي وقراء الرساله وتضايق منها .... وارسل لها ..... انا يوسف صالح ولد عمك وابي اقولك شي ممكن كلمه يا وصايف تكفين وربي ابيك في موضووع ظروري وبعدها سوي اللي يعجبك /////// ..... وصايف انصدمت من الرساله انها من ولد عمها يوسف !!!! يوسف ولد عمي صالح هو وش يبي مني ونسى وش تصير لي مناير نسى انه مناير اختي واخوه خلف خرب علاقة العائله انا ما راح احب رجال لو مره بحياتي ......!!!! وصايف قامت وارسلة له رساله .... وش تبي فيني ؟؟ وقام ودق تلفون وشالته وصايف يوسف ... السلام عليكم يا بنت عمي كيف اخبارك؟ وصايف ... وعليكم السلام والرحمه .... نعم وش تبي فيني ؟؟ يوسف ... وش نعم تقولينها ومالك نفس وصايف ... وش تبي اقول لك !!!وثانيا وش تبي فيني ؟؟ يوسف ....... ممكن تسمعيني اشوي ... وصايف ... تفضل بس لا تكثر الانه الساعه 1 وابي اناام ممكن تعجل في الكلام يوسف ... ؟؟؟ احسبها طرده وصاايف .. احسبها اللي تحسبها ما يهمني المهم وش تبي خلصنا ؟؟ يوسف ... انا احبك يا وصايف احبك وابيك تصيرين زوجتي وانتي تعرفين اني احبك وصاايف ... نعم نعم تحبني !!! هههههههههه (تضحك) وش تحبني تبي تنفذ الخطه الثانيه انت الثاني العب على غيري اخذتوا اختي وطلقتوها والحين تبيني اخذك حامض على كبدك ... يوسف ... صدقيني اي خطه اي خربيط انا احبج يا وصايف وادري انج مو مصدقه ولا كلمه بس انا رااح اثبت لك والاياام بعد راح تثبت لك اني اموووت فيج وما لي شغل بامي رااح اخذك قصب عنها انا احبك من زمان وخلف مو مثلي وانتي تعرفين ...الا يسمع صوت التلفوون يسكر طوووووووووط طووووووط وصاايف.... سكرت التلفون الانها ما تصدق اي كلام من اي رجال تعرف انهم يلعبون على الحبلين بس ما تدري انه يوسف يحبها جد مو كذب... يوسف حاول يغير نظرتها له ولكن يوسف ما ياس اتصل مره ثانيه وشالته وصايف وصاايف ........ نعم وش تبي .. ما خلص كلامك لسه يوسف بعصبيه ........ ليه ما سمعتيني ليه سكرتي الخط بوجهي وصاايف ....... اظن اني سمعت كلامك ما فيه الكفايه وعرفته.. واحب اقوولك لا تجرب وتتعب نفسك فيني الانك راح تخسر يوسف ......... افهميني يا بنت الحلال انا شاريج يا بنت عمي وصايف ..... وانا اقولك لا تتعب نفسك الاني مخطووووبه لشخص يوسف تفجاء .... مخطوووبه وما علموني اهلي !!!! وصايف كانت تكذب عليه ... صحيح قبل كانت تحبه وكانت تتمنى انه تاخذه بس وصايف كل الللي تتمنى يكون حلم يعني صعب يتحقق ... وصايف ... اي مخطوبه واهلك ما يدرون حتى عهود ما تدري منو ... يووسف ........ تكفين يا وصاايف ارفضيه وانا ادري انك مو مخطوبه هذي كذبه منك انا سمعت انه كل شخص يتقدم لج ترفضينه انا احبك لا تقطعين قلبي انا شاريج يا بنت اسمعيني لا تسكتين وتجرحيني تكفين انا احبك لا تاخذين واحد ثاني غيري.. وصاايف ... وش تبي اخذتوا اختي وجرحتوها وقالتوا لها كلام يجرح القلب والحين ما تبيني اجرحك اشوي وارد كرامت اختي ..؟؟ غريب طبعكم والله يوسف ...... انا كم مره اقولك ما يهمني اهلي وتصرفاتهم انا ابيك لي وحدي ورااح اشتري بيت لنا واخذك بعيد عنهم ونسكن انا ويااج...... وصاايف تضحك ........ وين في البر ولا في الجواخير رااح تسكني ولا وين تجيب الفلووس حق البيت والعرس يوسف ....... هههه انتي ما يهمك المهم وافقي علي وانا راح اوقف عظم ببلعوم ابوي ... وصايف ...... انا ابي ارقد ممكن تخليني انام يوسف ... ابي اسمع موافقتك ابيك تقولين اي موافقه عليك يا يوسف ..وتقولين انا احبك يا يوسف وصايف ...... هههههههه اقول ارقد من اصبح افلح الحين ابو لو يدري اني اكلم تلفون في الحزه هذي قطعني اقوول مع السسلامه الرقد تراني راح اقفل الخط يوسف ...... لحظه ابي اسمعها لا تخليني معلق بين السما والارض .. وصاايف ..... الحين خلها باجر وربي تعباانه اليوم مالي خلق انطق اي كلمه يوسف ...... اوكيه اخليها باجر عشاان تفكرين بكل كلمه قلتها لج بس اماانه يا حبي وصاايف ابي موافقه الاني جد احبج اجبج ارحميني من حبك ... وصاايف ... اوكيه مع السلامه يوسف ... مع الف سلامه يا حبي | |||||||||||||
| |
|
02-01-17, 09:22 AM
| #6 | |||||||||||||
|
الجزء السادس .................................................. ........... وصايف قاعده تفكر بكل كلمه قالها معقووله يحبها ؟؟؟ تفكر كثير وتفكر في الموقف اللي صار لها يعني انا بخير ما فيني شي ... اااااااااااه ياليتني اصدق بس وهي قاعده تفكر يرسل لها يوسف مسج ما ابيك بالقوة ولا ابيك بالطيب ابيك من كيفك تحس فيني.. اما تجيني تطوي الارض ترحيب والا على الله ما بقا من سنيني.. ما بيك تقبل باقي العمر وتغيب ابيك دايم بين رمشي وعيني . وتقراء وصايف المسج وترسل له هذا المسج سؤال ...جاوبني عليه ... أبيع قلبي .. تشتريه ؟؟ لا تنزل عيونك خجل .. تبيه ولا ماتبيه ؟؟ ضحكت!! مني تقبله .. صحيح تبغي توصله ؟؟ تعال يالله اشغله .. ولك حق بس تموت فيه .. وأوعدك ما تحصل شريك.. ولا أحط مخلوق عليك .. يوسف فرح كثيير قد ما تتصوروون وقام ارسل لها هذا ذبحتيني ابي انام تقولينها و اخرتها ترسلين لي مسج يالله انا ابي انام لا تزعجيني ...هههههههه اضحك وربي فرحت برسلتك اكيد اشتريج بعمري انا .... ************************************************** ********* في بيت ابو فيصل الكل نام ما عد مناير ماقدرت تنام من التفكير والهم مناير ....... ااااااااه يا ربي وش اخرتها معااي .. الكل قام يتحرش فيني ويحاول يطلع علي غلط لامي ولا ابوي قاموا معي .. ليه الكل ضدي الاني مطلقه !! وليه ابوي ما عرف السبب لحد الحين ليه .. انا ادري يا شمى سويتي اللي براسك وانتي وولدك ...... بس مني لله يا خلف جعلك ما تشوف الظنا داامك طلقتني من غير سبب وش غيرك يا خلف وش غيرك قبل كنت تحبني يوم كنا صغار وتتمناني والحين انقلب الوضع عندك .... وتقووم تقراء اية الكرسي وتقوم تنام .... والله يعينك يا مناير حالتك حاله كل يوم الناس ضدك ..... ليه العالم ضد المطلقه ترى المطلقه مثل السجينه البريئه من غير سبب مسجونه ......... ********************* في اليوم الثاني قام ابو فيصل وقعد يتفطر الساعه 6 بضبط وقوم الاعيال على الدوام والمدارس طبعا وصايف معهد... ونوف ثانويه ونواف متوسطه مناير فاشله دراسيا فيصل يشتغل يوم وراء يوم ابو فيصل ....... تصدقين يام فيصل نسيت موعد وصاايف للدكتور النفسي ام فيصل ..... لا ياابو فيصل ما يحتاج البنت تحسنت اشوي وصارت تترك الزفت اللي اسمه الكمبيوتر ابو فيصل ... هذا كله بفضل الدكتور وتعليماته ..... ____الراوي___(( لا دكتور ولا بطيخ وصايف تحسنت حالتها الانها اسمعت الجواب اللي يريح قلب ))) ابو فيصل......... انا باجر لازم اخذها لدكتور عشان اتطمن عليها اكثر والسبب مو من الكمبيوتر السبب في بنتك يقوله الدكتور.. ام فيصل .... سو اللي يعجبك نوووف ......... وش وش تتكلمون دكتور وصايف شكلي فهمت الموضووع رااح تخلون وصاايف ترجع للمستشفى المجانين مره ثاانيه ابو فيصل بصراخ ....... نوف ووجع اختك ماهي مجنونه اختك ما فيها شي بس حبيت اتطمن عليها واذا قلتي لها اي كلمه يا ويلج مني يا نيووووف نووف .... خلاص خلاص خيطنا الفم عشاان ما يتكلم غصب عنا وابشر ما راح اقولها الاني عارفه رااح تعصبون علي وصاايف ... السلام عليكم الجميع..... وعليكم السلام والرحمه ابو فيصل .... وصايف يا بنتي اليوم عندك محاظرات كثيره وصاايف ..... لا يبه ليه ابو فيصل .... لا خلاص اجل ابي اخذك للدكتور ماجد وصاايف بنزعاج .... ليه يبه انا الحمدالله ما احتاجه ابو فيصل ..... انا قلت رااح اوديج له ورااح اخذ معه موعد بتلفوون وزهبي نفسك على الساعه 9 رااح اخذك من المعهد نوف ,,,, ساكته تطالع وصاايف ونظراتها لها ... بس تقول في نفسها ليه الوالد ووالوالده مصرين على المستشفى النفسي للوصايف.... بس وصاايف طبعها كذا من زمان ابو فيصل طلع يشغل السياره .... وصاايف قاعده على الارض تتفطر ,,,,, الحمدالله شبعت ام فيصل ....... وصاايف يا بنتي ما كلتي شي وصايف .... وشلوون اكل وانتوا متاكدين اني مجنونه جدامكم ولا لي كلمه عندكم ولا راي انا مـــو مجنونه تفهمون وللمستشفى والمعهد ماني راايحه اووكيه ارتحتوا """ وراحت حق غرفتها واقفلت الباب ام فيصل تصرخ .... يابو فيصل الحق وصايف وصايف ... ابو فيصل ... وش فيها وصايف نووف .... يبه اصرخت وراحت حق غرفتها واغفلت الباب عليها ابو فيصل .... يـــــــــــؤه وش اسوي للبنت هذي مره تسمع الكلام ومره ناويه تجنني ام فيصل ... وصايف يا بنتي افتحي الباب خلاص ما نبي ناخذك للدكتور ماجد وصاايف قاعده في حجرتها فوق سريرها تبكي تبكي على الكلام اللي نفس السم اللي يجرحها من الكل ... ايو فيصل ....... صاايف اعد لثلاثه الغاك فاتحه الباب تسمعيني ولا اخذ معج اسلوب ثاني ورااح تروحي معي لدكتور ماجد تسمعيني وصاايف .......... ما ابي ارووح خلاص الموت اريح لي منكم ومن تصرفكم معي كاني سجينه عندكم .. ابو فيصل بصرااخ.... وصااااااااااااااااااااااااايف افتحـــي الباب ولا اكسره وصاايف وكلها دموووع وتفتح الباب لابوها وتسرع وتقعد على احد الزوايه في غرفتها وتحط يدها على وجهاا تخاف انه ابوها يظربها ويسرع ابو فيصل يبي يظرب وصايف على التصرف السخيف منها .,... ابو فيصل .... وصاايف قومي ولبسي عبادك يالله دام النفس عليك طيــبه وصاايف ... للدكتور ماجد لا..... ما ابي ارووح انت ما تدري وش يسوي لي ابو فيصل .......بلا خربيط قومي يالله ويعني وش يسوي كله للمصلحتك ِ وصاايف ... تكفى يبه افهمني لو يوم انا بخير صدقني ام فيصل .... يابو فيصل خلاص البنت بخير خلها ليوم ثاني ابوفيصل .... نوال اقولج برى ولا اعصب عليك انتي الثانيه ووصايف راح تمشي معي يعني رااح تمشي معي ولا معي لها تصرف ثاني.... وصاايف ......... انا رااح امووووت يمه تكفين ما ابي اروح لدكتور ماجد وبعد مشاجرات طويله بين وصاايف وابو فيصل اخذ ابو فيصل وصاايف بالقوى الي المستشفى النفسي درة الاحساء غير متواجد حالياً رد مع اقتباس | |||||||||||||
| |
