نسيم الصباح تداعبه نوته و الورد
يزفه مع رش المطر جوه الصافي
مطر نوته و السيل يحيي الفياض الجرد
سحابه يشوق العين تحت الساء ضافي
تنحى ديار(ن) ما لها في غلاها ند
سقاها سحاب المزن في جوه الدافي

بالليل لبان القمر جاب طاريك
بالصبح لغنى مع الشوق طيرك
ثارك براكين المودة تناديك
ميدانها قلبي ولا تشوف غيرك
بركان شوقي ينتشر من حواليك
يرقا سماك وينزل بقاع بيرك
برد وسلام يطرد الشك ويجيك
يدخل حماك برغبتك يستجيرك
ما يكفي ببعد المسافة يراعيك
يلفي عليك بغرفتك في سريرك
هاذي أشواقي كل وقتٍ تناجيك
ليته يواصلني مع الشوق طيرك

طلت القمرا وزاد النور نووور
وهب أنسام الفجر معها البخور
يا سلام الله على بدر الليال
يوم بانت طلته زاد السرور
سيرتك بين الوجود أعز سيرة
ارفعي رأسك فخر وأنت أميرة
في جنوب الأرض وإلا في الشمال
ما لقينا من شكل بدر البدور

ياهجوسي جهزي ورد في لفة حرير
وقدميها بالشكر والثناء باقة زهور
استلمها لك هدية من أعماق الضمير
مرحبا بأللي لفتني علومه في سطور
المعااااني بيننا خلطة أزهاروعبير
والهدااااايا بيننا أطيب أنواع العطور
انفتح في ساحة القلب لك روض كبير
نبته أزهار القرنفل ونسماته بخور

ما هو كذا يا ثمر قلبي وعنابه
اتخلي النفس تغرق في تناهدها !!
خليتني بين قاع البحر واشعابه
وين الرومانسية أللي فـيـك عاهــدها!!
يوم تـســد الأمـل واتقفل أسـبابه
وأفـكار حبي إذا فاضت تـقـيـدها !!
ويوم تشيد شراع الحب بأطـنابه
و تسعد الرروح فيني وأنت سيدها !!
لا تحسب الحب بستان(ن) تسلى به
بأعذارك ألي على سمعي ترددها!!
إما تجـنب عناه وسـكـر أبـوابه
وإلا الضماياء على نـبعـك تـوردها!!

على البعد عيني ما غفت ليل مرتاحة
ولو الغلا ما جيت في حضرة الغالين
ما دام الضمير يحس في قربهم راحة
مشينا لحضرتهم على وصلهم ناوين
نعيش الأمال ألي مع الفكر سواحة
يمسي بها حلم الليالي على الجنبين
هواي القراح ألي يقدم على الراحة
وزادي ثمار الخوخ وأهل الوطن راضين