مع تنآهيد الصباح وزفـرة صْـدور الجـروح
أرتشف كوب الضياع وسُكـره ونّـة جريـح
أبني الآمال فينـي و تنهـدم فينـي صـروح
أجمع شْتآتي و ألاقي كـل مـا فينـي يطيـح
ضاقت أنفاسي وضاقت كل ساحـات الطمـوح
إلتحفنـي هـمّ عآصـي لا يحـنّ ولا يبيـح

لاجازلي ممشى ولا ارخيت بقعود
معاد لي بين البشر اي خانه
حتى الوفا في عالم اليوم مفقود
وطبايعي ترفض اسلوب( الخيانه)..

مدري وش اللي في كلامك … خنقنـي
كنك … بكل حبال صوتي … تعلقـت

كتمت صوتي … لين صمتي … نطقني
وعتمت شوفي … لين بالحال … برقت

في حزني … اللي لو ملكته … عتقنـي
وفي طبعي … اللي لو فشلتـه تفوقـت

أنا … كذا … من يـوم ربـي خلقنـي
ماعرف اوسع خاطري … لاتضايقـت

يـا ليتنـي قبـل اختلـط بالنـاس فتشـت القـلـوب

وعرفـت وش تخـفـي ورا جدرانـهـا وابوابـهـا

مـا كـان سجيـت القـدم فـي جرهديـات الـدروب

والا ورطـت الورطـه اللـي مـا حسبـت حسابـهـا

اثـر المظاهـر تستـر عيـوب وتبيـن لـك عيـوب

كـم زيـنـت هـنـدام نــاسٍ شيـنـت هندابـهـا

سواد في لمحـة بيـاض وفـرق واضـح ومحسـوب

سـواد نيتهـا عـلـى هـامـش بـيـاض ثيابـهـا