03-03-17, 04:15 PM
|
#1 |
| | 
لمن لديهم الرغبه والهوايه في تعلم الشعر وكتابته
بسم الله الرحمن الرحيم
كيفكم حبايبي ان شاء الله بخير
طبعا انا لاحظت الكثير من الاعضاء يحبون الشعر
وبامكانهم ان يصبحوا شعراء يشار لهم بالبنان . والمسأله ليست بالصعوبه الي يتخيلونها
بس بشرط يكون من متذوقي الشعر ولديه الرغبه والهوايه
في تعلمه
انا راح اعطيكم اساسيات في البدايه مع الشعر
والهدف منها اكتشاف المواهب الشعريه الموجوده في منتديات مسك الغلا .
من اجل مساعدتهم والقوف بجانبهم حتى يصبحوا شعراء حقيقيين
س/ ماهو الشعر
ج/ الشعر هو بوح محكووم بالوزن والقافيه
س/ ماهي مكونات القصيده
جـ/ القصيده تتكون من 1- الصدر2-العجز3-الوزن4-القافيه
س/ مامعنى الصدر والعجز والوزن والقافيه
ج/الصدر هو الشطر الاول من البيت
العجز هو الشطر الثاني من البيت
الوزن هو التفعليه او اللحن
القافيه نهاية البيت
س/ متى نسمي القصيدة قصيدة؟
جـ/ اذا اكتملت فوق 7 بيوت واكتمل فيها الوزن والقافيه واللتفعيله
هذا مثال على صدر البيت وعجز البيت
اللون الاصفر صدر البيت واللون الازرق عجز البيت
وش حيلتك فالي تحبه وتغليه
لاصار ودك فيه والناس تمنعك
تسهر طوال الليل تبكي وتنعيه
ومافيهم الي لو تناديه يسمعك
هذا مثال على القافيه
اللون الاصفر هو القافيه
وش حيلتك فالي تحبه وتغليه
لاصار ودك فيه والناس تمنعك
تسهر طوال الليل تبكي وتنعيه
ومافيهم الي لو ترجاه يسمعك
لاحظ ان نهاية البيت في الصدر هيى( يه)
ونهايه البيت في العجز هي ( عك)
القافيه هي تطابق اخر حرفين في الصدر
وتطابق اخر حرفين في العجز
وتكون الصدور على قافيه والعجز على قافيه
تختلف عن قافية الصدر
هذا مثال والي باللون الازرق واللون الاصفر (قافيه)
اضحك مع اصحابي واسولف كما الناس
... والجرح وسط القلب ماكن وخافي
اديرها معهم على اخماس واسداس
واتناول همومي ليا جا لحافي
وليا صفى جوي وذعذع بنسناس
جتني ترازم عند نومي لوافي
وكانه كتب لي نور عيني فالاباس
انساك ياوقت/ن مضالي وعافي
طبعآ هذه البيوت من كلماتي
تذكرو انا قلت اخر حرفين من الصدر هي القافيه ( أ ) + ( س )
والقفا اخر حرفين من العجز هي ايضآ قافيه ( ف )+ ( ي )
والعجز على قافيه تختلف عن قافية الصدر
...........
ايام مـــثـــل الــمــســك فـــايــــح نـــداهــــا
تـــــمـــــر عـــجـــلانــــه وعـــــنـــــا تـــخـــطــــت
وايـــــام فـيــهــا الـــمـــر طـــايـــح جـــداهـــا
اسـتـانــســت بــاجــوارنـــا ثـــــــم حـــطــــت
بـغــيــتــهــا تـــقـــفـــي وتمشي مـــــداهـــــا
لــكــن شـافـتـنــي ومـــــن فـــــوق نــطـــت
وبــــانـــــت خــفــايــاهـــا وبــــيـــــن رداهــــــــــا
وقــامـــت تـقـاشـرنــا بـــعـــد مـاتـســطــت
مــدري عليـنـا يـاعــرب وش حـداهــا
وايـامـنــا الـعـســره بـــــالاوزار شــطـــت
جتني تـــعـــزوا والـبـسـتـنــي رداهــــــا
ولـفــت عـلــي احـرامـهـا ثـــم تـغـطــت
وخــلــت نفـانـفـهـا وجـلــجــل صــداهـــا
وباقدامها مـن فـوق راسـي توطـت
وراحت وراها واحسـب الله هداهـا
لـكــنــهــا رجـــعــــت عــلـــيـــه ولاابــــطــــت
وش حيلتي من بعد صرنا غداها
اخــذت سعادتـنـا غبـيـنـه ولااعـطــت
كلمات الحر الأشقر سلطان العتيبي
لاحظ ان قافيه الصدر هي
نداها
جداها
مداها
رداها
حداها
رداها
صداها
هداها
غداها
ممكن تقول كلمة رداها
مكرره اقول لك معنى العباره يختلف
في الثنتين
قافية العجز هي
تخطت
حطت
نطت
تسطت
شطت
تغطت
توطت
ابطت
اعطت
ان شاءالله ان الشرح واضح ومفهوم
والي عنده سؤوال انا على اتم استعداد لاجابته
طبعا انا راح انزل قصيده مغناهه واطلب منكم بيت واحد فقط على نفس اللحن والقافيه
مثلآ
هذا اليوتيوب عليه قصيده مغناه
والمطلوب منكم بيت واحد فقط على نفس اللحن
من لديه الاستطاعه والرغبه في التعلم
اليوتيوب ماقدرت انزله لانه يتكرر ويشوه المقال
يالله حبايبي انطلقو
وبمكانكم تبحثون عن لحن سهل عليكم من الشيلات الي على اليوتيوب
بقلم محبكم / سلطان العتيبي
|
|
|
|
|
المواضيع المتشابهه للموضوع : لمن لديهم الرغبه والهوايه في تعلم الشعر وكتابته 
