|
((والدك سلمان يا محمد يقول)) مناداة من قلب مكلوم الى قلب رحيم رحوم ، الى سيدي وابن سيدي ومولاي ، صاحب السمو الملكي الامير البار / محمد بن سلمان بن عبد العزيز ال سعود ، ولي ولي العهد ووزير الدفاع والطيران حفظه الله ورعاه . سيدي يا سيدي يا ابن الأصول ....... يا سليل المجد يالطود الأشم سيدي يا اخو الفهد ذيب الصعول .......... الرجال اللي تناها بالفهم والدك سلمان يا محمد يقول ............... المواطن ذمتي عندك لهم ضمني ودي خويك وش تقول ..... وان بغيت اخوكم والله ما عدم احتسبني عند ربك والرسول ......... بلحظة ترضي ابوكم في قسم المهم تنقذ حياتي من فلول ........ من ضياع ومن هوان ومن عدم عايش وسط الزعتري في ذبول ....... صحتي تنهار ومشلول القدم لاجي مع سمي ابوكم في ذهول ...... وامه اللي تحتمي بك يالحرم مشكلة والمشكلة تبي حلول ............. حلها يا سيدي عطف ورحم ياللي جبت المجد وروضته ذلول ...... تركبه من حيث تبغي للأهم يا عدو النوم حرمت الخمول ............... دايما بالجو طاير كالسهم من بلاد الى بلاد الى سهول ............. تبتغي نفع الوطن كلك همم والدك سلمان خيال البتول .................... المليك اللي حبانا بالنعم هو مليك الحزم وايضا قوله قول .. وعزه اللي ساد في عرب وعجم يالأمير وانت الوزير شلت الحمول ....... الحمول الهايلة ما هي وهم يالأمير اللي تشهد لك العقول .............. العقول الوافية تشهد نعم لو نشدنا الموج عن فعلك يصول..... ينطلق عن سنته يغشى الأمم ولو نشدنا الارض يمكن هي تجول ........ زلزلة تصيبها ويبدا الهدم وفعلك اللي باليمن فخر يهول .......... وصلت القوات الى قمة نهم يالله عفوك رحمتك يا ربي طول ..... جبها ليه من يمين أهل الكرم السعود اللي بنوا مجد يطول ............ ما بناه اللي سبقهم من أمم هم غناة للوطن وقت المحول .. وهم مزبان الضيف وبيوت الشحم دينهم هو دين ربي والرسول ................ الرسول اللي هدانا للعلم أمنوا يا شعبنا يا اهل العقول ............ يستجيب اميرنا الفذ الشهم القارظ العنزي |
صح إلسانك يالقارظ ومحمد بن سلمان يحفظه الله هو خير من يلبي النداء ويفزع لكل من يلجأ له بعد الله واشهد انه مزبن المظيوم لا منّه زبن ... تقديري فكر الحرف |
صح السانك يا شاعرنا الفذ فكر حرف . ولنا أمل من بعد الله بمحمد بن سلمان . |
آمين آمين .. صح لسانك يابو سلمان و بإذن الله صرخة إحساسك توصل مداها تستاهل التقييم يالنشمي بارك الله فيك :81: |
هلا بك يا انا فداهم . بل انا فداك طال عمر شرفتني بالمرور والتقييم ونقول على تأمينك ايضا اللهم آمين . لاهنت ولا هانك مرورك طال عمرك . |
اسأل الله العلي الكريم رب العرش العظيم ان يقضي حاجتك يا ابو سلمان ... وخير من قصدته بعد الله في قضاء حاجتك ... صح لسانك مليون ولا يسدون وسلم نبض قلمك ... لا خلا ولا عدم ... |
| الساعة الآن 03:47 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا