|
## .. هرج القفا .. ## هرج القفا هرج القفا بالدين مذموم راعيه .. لا تقربه وتصير راعي نميـمـه وان شفت مبلي قول ربّي يعافيه هذي بلاوي بالنفوس السقيمه ينقل سوالف يحسب انها تبديه يا كثر هرجه في سوالف عقيمه شيطان نفسه للمهالك يـودّيه عميان قلبه عن كرامه وشيمه وسط المجالس بس يلوّح بكفّيه لكن حضوره ماله ايّات قيمه منبوذ محدن بالعرب حبّ طاريه بين الجماعه ما يحصّل حشيمه فكر الحرف |
صدقت يا راع الوفاء ..... والمشاريه باللي ذكرته عن شبيه ......... البهيمة خطو البليد اللي علومه ...... تساوية قالوا وقلنا والسوالف .......... ذميمة ما ودك بهرجه ولا يوم ......... تطريه المروح اللي ما يتعدا .......... الوليمة ولا ينفع لو تعطيه مالك ...... وتهديه دايم على الزلات يطلق ......... بليمه واليانصحته ودك يترك ...... مساويه يزيد شره كل ما جا له ......... عزيمة الله يكفينا نمته مع ............. بلاويه يا كم تشفى بالحميم ......... وحميمه |
صح إلسانك وعلا شانك أخوي القارظ مثله بليّه بالخوي ومن يخاويه يحرق بناره خضرته مع هشيمه كم واحد(ن) بالناس لحقه بلاويه وعند العوارف واقف(ن) مع خصيمه عز الله إنّه خاسر(ن) في هقاويه هقوه ردىّه والمماشي سقيمه ودّك على علباه بخلال تكويه يمكن يشوف الدرب ويصفي صميمه فكر الحرف |
ياسلام عليك و صدقت ،، صح لسانك |
اقتباس:
يا هلا بالنور وصح بدنك نورتي متصفحي المتواضع بتواجدك لا هنتي والله يسلمك من كل شر تقديري ومودتي لك فكر الحرف |
هرج القفى . . شين ن مساعيه عند رب الكون . . يسمى ظليمه مبغوض . . بين الناس . . راعيه طبيعة ن شينه . . وعاده ذميمه المصيبه لا جاك من سخص تغليه وقعها في النفس . وقعه عظيمه نار النفاق .. في القلب .. تصليه ارتكب .. في حق نفسه .. جريمه اسألك يا رب .. لا تبتلينا وتشفيه وترزق لساني الادب والحشيمه صح لسانك اخي .. فكر الحرف .. لله درك وبيض الله وجهك ... لا خلا ولا عدم ... |
| الساعة الآن 08:52 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا