‏وين ماولّيت في وجهي أشوفك
‏وين أبهرب ! وإنت وجهات الهروب

‏إنت حلمي بس لو مرة يطوفك
‏كان عديته من أكبر هالذنوب !

وانتي بعيد
أصير كنّي:
وحشة شجر
بالليل
ولو إنّه غامض حيل
وغامق حيل
لكنه..
يزهّر فـ الحنين
منديل!
"عباة" العَتمه فوق كتفه
ويشْعِل فالخفوق
قنديل!
ما يدري..
"يصِرّ" دمعه
ولاّ هو
يفتح بس "قْرَاب" المِزن
ويخليها على رغبة هواها
تسيْل!!!!!

ميانة الطيّب تجي بين حدين
حد الادب وحدود حفظ الامانه

والاضعيف النفس قدره من العين
يطيح لا طاحت معاه .. الميانه