أنا في مشكله مو عارفه كيف أتصرف وهل تصرفهم نظامي

أنا متزوجه من سنه عمري 24 سنه موظفه جديده في قطاع حكومي نفس شغل زوجي لكن
هو عند الرجال وأنا قسم النساء وزوجي عمره 29


من أول يوم دوام حسّيت أني غير مرغوبه ومشددين علي ومع كم وحده من الجدد كنت وقتها أفضفض لزوجي وأستشيره لأن هو ألي سعا بوظيفتي ويعرف أكثر مني


المشكله صارت الخميس الماضي لما أنتهى الدوام كنت أستنى أتصال زوجي عشان أطلع له وحده من الزميلات كانت تبي مني ورقه من سجلي علشان تشوف طريقتها وتتعلم عليها قلت لها ممكن تأخذينها عندك في الدرج

أنا توقعت أنها تطلع عليها وترجعها لكنها أخذتها معها البيت وضيعتها


وأمس توتر الوضع جانا لفت نظر وطلبو مننا نوقع زميلتي وقعت لكن أنا رفضت بقوه لأَنِّي أشوف نفسي ما غلطت الخطأ خطأ زميلتي

لكن اليوم هددو أذا ما وقعت على لفت النظر يمنعوني من التوقيع في سجل الحضور


ما قلت لزوجي السالفه لأَنِّي أبي هذي المره أنا ألي أتصرف ولا ودي أدخله بمشاكلي