((يلومني صاحبي ويقول لك فقدة))
 

يلومني صاحبي ويقول لك ..... فقدة
طول غيابك علينا وعذرك ..... الغايب
ما لوم انا صاحبي كل الوفاء ... عنده
نعم الخوي الوفي ينشد عن . الشايب
يالتني عندكم يالقرم في ......... جدة
ناخذ بها جولة ما داجها ....... العايب
ليت الهوى علتي واللي لمع ...... خده
يمكن نميضها هرجة والهوى ... طايب
مير البلا غربة والكبد ............ منلدة
عافت طعام العرب مع جسمها الذايب
يا نجم ضاوي تجهز جهز ........ العدة
نبي لنا ديرة فيها الحلا .......... رايب
يمكن تخفف هموم وصلت ...... لحده
وتجيب لي فرحة ما جابها ... الجايب
ويرتاح قلب تحطم يا بعد ......... بده
عقب الشجاعة جبنا وقلبنا ..... هايب
ومن اول بالعرب مع اول ........ الهدة
ورجع بنا للوراء وغديت انا ... النايب
يالله دخيلك يا ربي عجل ..... النجدة
وتكفيني شر الحسود العاثر .. الخايب

القارظ العنزي

ماأجمل تلك المشاعر التي
خطها لنا قلمك الجميل هنا
لقد كتبت وابدعت
كم كانت كلماتك رائعه في معانيها
دائمآ في صعود للقمه🌹

شموخ أنثى : أسعدني والله مرورك الكريم ، وتعطيرك متصفحي ، وتقييمك وأطراءك الراءع الجميل حفظك الباري

صح لسسسانك اخوي القاارظ وصحت ييمينك على ماخطت من جمااال ابيااتك دائئمآ مميزه عسسساك على القووه

صح خفوقك اختي ازدهار ، والجمال كله في طلتك البهية على متصفحي

ابشر بسعدك اخوك معاك ف الشده
ولا يكون بيوم .. ضنك .. بنا .. خايب

اجي للاردن .. لك متعني .. من جده
اجيك . . ومني الخاطر سالي وطايب

لو موتري يمكم وجه .. والله ما ارده
ومن لي عضيد وخوي غير ذا الشايب

جهز جوازك .. والهندام .. وولم العده
والوجهه تكون .. يم شقران . الذوايب

جاك .. ابو ضاوي .. وبهجمه .. مرتده
ولا تردني . . يا القارظ مكسور وخايب