بسم الله الرحمن الرحيم
والله مادري وش اقول مشكلتي هي اني متخرجه من الجامعه لي 3 سنوات وانا من يومها وانا ضايق صدري .. ضاعت هويتي واهتماماتي احس اني صرت شخص مخه فاضي مافي شي يعبيه ولا في شي يهتم فيه
هذا جزء من المشكله ... والمشكله الحقيقيه هي اختي ..
هي شخصيه جذابه , قويه وواثقه من نفسه فيها نزعه من السيطره تصغرني بخمس سنين
هي قويه وقوتها هذي احسها تكسر راسي ودائما تتكلم عن المبادئ والشي الصح واللي المفروض يصير مع ان كل الكلام اللي تقوله يكون صح الا اني طفشت منها خلاص طقيت تضغط علي علشاني اكبر منها .. تضغط علي بكل شي.. كل شي لازم اجربه قبله الاكل , اللبس, العلاقات , حتى اذا رجعنا من السوق تبيني انزل من السياره قبلها واطلع من الدرج قبلها واصلي قبلها كل هذا علشاني اكبر منه
اسلوبه هذا ينفرني منه وخلاني اكرهه ماأحس انه اختي مافي مشاعر الاخوه والترابط بيني وبينه اصلا من كبر الكلام اللي تقوله صرت اكره البيت واكره امي وابوي
الشي الثاني اللي يقهرني به هو الزن من كثر ماتزن علي راسي اني صرت اكره نفسي واشوف نفسي بمنظار سيئ وهذا الشي خلاني افقد الثقه بنفسي وبالاخرين وجعلني افقد اشياء كثيره

تركز على كل شي على حركاتي وكلامي وسواليفي هي ذكيه ماشالله وتفهم كل تصرفاتي
بس هذا اسلوب التدقيق يقهرني كل حركه من حركاتي تحللها وتطلع عليه سبب حتى لو كانت عفويه وتحسسني اني غلطانه لما اسويه
والحين صار لها سنه تبيني اتزوج وتضغط علي كان امر الزواج بيدي وكل يوم تسالني انتي متى بتتزوجين ؟؟ ومين بتتزوجين ؟؟
هو صحيح ان تأخرت بالزواج لكن ضغط اختي يكبر المشكله عندي اكثر ..
ارجو انكم تعطوني رايكم بمشكلتي وماهو الحل مع اختي الصغيره ...