نعمين يالطيب ويا راعي ........ الكار
يا من حماني وذاد عني ...... وشلفاه
في ساعة باعوني اصغار ...... واكبار
غيرك ما سجل له مع الطيب .. ذكراه
يشتاق لك قلبي بشوفة ...... ومسيار
ولا اشتقت انا لغيرك من الناس يا ذاه

صح السانك يا بو ضاوي ودايم انت الكبير .

صاحب الايقاع المخملي ً/ القارظ العنزي



صح لسآن من جعل قلمه إيقاع متناغم في الوصف
حرف بمنتهى الروعه
والعزف على وتر النبض بقلم
يمتلك أرشيف مميز رائع يبهر القارئ
صح منطوقك ً
تقبل مروري بين صفيحاتك ًً

اكتب ما دام الرد كروم ... وعناقيد
ويطربني عنقود الحروف . وردوده
افرح وكن الرد عندي هو ..... العيد
وقيفان ابو ضاوي تفوق ..... بزوده
عجزني الضاوي وقافي ..... هرابيد
وقيفان الضاوي زادها الذوق جودة

هلا بك عنقودة اشكرك على المرور والاطراء العذب ايتها العذبة

:61::61::61::61::61:

سلام مني مع الجازل . وساع البريد
يا اطيب من العنبر . ويا ريحة العود

القارظ اللي ما . جاتني منه المناقيد
يا عقيد القوم . . كريم ولا عليك زود

عساك في دنياك .. متهني .. وسعيد
وعسى ما جاك منا .. يا اخوك منقود

يالضاوي الوافي ونسل ... الصناديد
عميد للجزلة وللوقفات ........ عمود
يفداك يالغالي من الناس ..... عربيد
الهافي اللي ما به جمايل ... ولا فود
انت العزيز وشوفتك عندنا ..... عيد
والحظ من غيرك شقي ودوم مقرود
يا سيد القيفان واستاذي ...... وسيد
قافك غطانا وقافنا صار ..... محدود

ذكرك يابو سلمان . كالعقد الفريد
ساعة الفزعات . كنك صخر جلمود

يا صبي عنيزه .. يا حزام . وعضيد
اخوك بن سلمان . والاسم مسعود

اشوفك اليوم .. في ثوب ن . جديد
كنك من المحبوب ياصاحبي موعود

تبارك الرحمن . . حظك الليله حديد
واما انا مقرود .. والحظ .. مقرود

يا عسى حظي . . مثل حظك سعيد
واشوف ذاك الذي . . حاجبه معقود