هلا بك ابو ماضي من جديد موضوع السفارة تجده مشروح في هذين البيتين من قصيدتي راس الهرم :
قضيتي صارت قضية فلسطين
حتى السفارة عجزتها . القضية
ما قصروا تشفعوا لي . بيومين
وكبيرنا رفض شفاعة .... خويه

اظن الوضع واضح الان . لاهنت على تفاعلك وطيب احساسك يالطيب .

الله المستعان

اجل الله يكون بعونك


ان شاء الله تنحل

تحياتي شاعرنا

اللهم آمين والله يستجيب دعوتك يا رب اشكرك من اعماق القلب .

القارظ وابنه . . عندي عزيزين
لو بيدي شي . . اعطيته عطيه

يا إبن ماضي .. يا نجل الوفين
يا نعل ابو خوي . ماينفع خويه

والله ثم والله . لو تنحل بملاين
لاسعى وراها لين احل القضيه

كفو يالعامري يا نسل ........ العريبين
وعلومك دايم يا رفيقي ........ وفيه
انت الجزل وانت سليل ..... الوفيين
والروح مني لبو ضاوي ......... هدية
وترى ابو ماضي ما به قصور .ويعين
كريم سبلا واليمين ............. الندية
مار ان دنيانا ما هي بالكيف.. واللين
نوب تلين ونوب تصبح ....... قضية
واللي ما يعذر صاحبة من بلا البين
عز الله انه ما يبر .............. بخويه

ما عليك زود يا قاهر العدوين
يا طيب القلب والنفس السليه

يا كريم . ومن نسل الكريمين
يا عزيز الجاه والروح الرضيه

تفداك الروح . يا نظر هالعين
يا نسل وايل والعزه التغلبيه

سببت في وسط هالروح جرحين
ليت الامر بيدي واحل القضيه

قضيتك في يد . . خادم البيتين
او ولي عهده . يسعدك بعطيه